તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Sports
  • Cricket
  • Bookings For The Third Test Between India And England Will Start Tomorrow And 50% Spectators Will Be Admitted

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

વેલેન્ટાઈન્સ પર ક્રિકેટ પ્રેમીઓને ભેટ:મોટેરા ખાતે ભારત-ઇંગ્લેન્ડની ત્રીજી ટેસ્ટ માટે આવતીકાલથી બુકીંગ શરૂ, 50% દર્શકોને પ્રવેશ અપાશે; ટિકિટની કિંમત 300થી 1000ની વચ્ચે રહેશે

અમદાવાદ20 દિવસ પહેલા
  • કૉપી લિંક
મોટેરા 1 લાખ 10 હજારની બેઠક ક્ષમતા સાથે વર્લ્ડનું સૌથી મોટું ક્રિકેટ સ્ટેડિયમ છે. - Divya Bhaskar
મોટેરા 1 લાખ 10 હજારની બેઠક ક્ષમતા સાથે વર્લ્ડનું સૌથી મોટું ક્રિકેટ સ્ટેડિયમ છે.
  • મોટેરામાં 50% કેપેસિટીએ 55 હજાર લોકો ટેસ્ટ મેચનો લુફ્ત ઉઠાવશે
  • મેચની ટિકિટ બુકમાય શો એપ અને GCAની ઓફિશિયલ વેબસાઈટ પર મળશે.
  • ઇંગ્લેન્ડ સામેની પાંચેય T-20 મેચ માટેની ટિકિટનું વેચાણ 1 માર્ચ પછી શરૂ થશે., T-20 શ્રેણીમાં કેટલા ટકા દર્શકોને પ્રવેશ મળશે તે અંગે હજી અંતિમ નિર્ણય લેવાયો નથી.

વર્લ્ડના સૌથી મોટા ક્રિકેટ સ્ટેડિયમ મોટેરા ખાતે ભારત અને ઇંગ્લેન્ડ વચ્ચે ચાર ટેસ્ટ શ્રેણીની ત્રીજી અને ચોથી ટેસ્ટ અનુક્રમે 24 ફેબ્રુઆરી અને 4 માર્ચના રોજ રમાશે. આમાંથી ત્રીજી ટેસ્ટ માટે ટિકિટનું વેચાણ આવતીકાલે સવારે 11 વાગ્યાથી શરૂ થશે. ગુજરાત ક્રિકેટ એસોસિએશન(GCA)ના સૂત્ર દ્વારા દિવ્ય ભાસ્કરને ખબર પડી બંને ટેસ્ટમાં માત્ર 50% દર્શકોને પ્રવેશ મળશે. સ્ટેડિયમની કુલ કેપેસિટી 1 લાખ 10 હજાર છે. એટલે કે 55 હજાર લોકો મોટેરામાં ટેસ્ટનો લુફ્ત ઉઠાવશે. મેચની ટિકિટ બુકમાય શો એપ અને GCAની ઓફિશિયલ વેબસાઈટ https://gujaratcricketassociation.com પર મળશે.

T-20 માટેની ટિકિટનું વેચાણ 1 માર્ચ પછી શરૂ થશે
GCAમાંથી ભાસ્કરને મળેલી માહિતી અનુસાર પાંચેય T-20 મેચ માટેની ટિકિટનું વેચાણ 1 માર્ચ પછી શરૂ થશે. T-20માં કેટલા ટકા દર્શકોને પ્રવેશ મળશે તે અંગે હજી અંતિમ નિર્ણય લેવાયો નથી.

50% દર્શકોની કેપિસિટીની વાત સૌપહેલાં ભાસ્કરમાં
આ પહેલાં 22 જાન્યુઆરીએ દિવ્ય ભાસ્કરમાં અહેવાલ પ્રસિદ્ધ થયા હતા કે વિશ્વના સૌથી મોટા એવા મોટેરા સ્ટેડિયમમાં 50% દર્શકોને જ પ્રવેશ આપવામાં આવશે. દિવ્યભાસ્કરને આ અંગે ગુજરાત ક્રિકેટ એસોસિયેશન સાથે જોડાયેલા એક સૂત્રે કહ્યું હતું કે "50% દર્શકોને સ્ટેડિયમમાં પ્રવેશ મળશે. આપણું સ્ટેડિયમ વર્લ્ડનું સૌથી મોટું હોવાથી 50% કેપેસિટીએ પણ 50 હજારથી વધુ દર્શકો મેચનો આનંદ ઉઠાવી શકશે.

'પરિસ્થિતિ સામાન્ય બનશે તે સાથે જ આખું સ્ટેડિયમ ભરાય જશે'
ગુજરાત ક્રિકેટ એસોસિએશનના ઉપપ્રમુખ ધનરાજ નથવાણીએ જણાવ્યું કે, "લાંબા અંતરાલ પછી વિશ્વના સૌથી મોટા ક્રિકેટ સ્ટેડિયમમાં મેચના આયોજનથી અમે ખૂબ જ ગૌરવની લાગણી અનુભવીએ છીએ અને ક્રિકેટ ચાહકોને વર્તમાન પરિસ્થિતિમાં સામાજિક અંતર અને સુરક્ષાના નિયમોને આધિન રહીને મનોરંજન પૂરું પાડવા અંગે ખૂબ જ રોમાંચનો અનુભવ કરીએ છીએ. અમે આશા કરીએ છીએ કે ખૂબ જ ટૂંકા સમયગાળામાં પરિસ્થિત સામાન્ય બની જશે અને પોતાની ટીમોને ઉત્સાહિત કરતાં પ્રેક્ષકોથી આખું સ્ટેડિયમ ભરાઈ જશે."

તેઓએ વધુમાં કહ્યું કે, આ નવનિર્મિત સ્ટેડિયમમાં બે ટેસ્ટ મેચ અને પાંચ ટી20 ઇન્ટરનેશનલ મેચ ફાળવવા માટે અમે જી.સી.એ. તરફથી બોર્ડ ઓફ કન્ટ્રોલ ફોર ક્રિકેટ ઇન ઇન્ડિયા (બી.સી.સી.આઇ.)ના સેક્રેટરી જય શાહનો આભાર વ્યક્ત કરીએ છીએ.

23મી ફેબ્રુઆરીએ ભવ્ય ઉદઘાટન કાર્યક્રમ, રાષ્ટ્રપતિ રામનાથ કોવિંદ અને ગૃહમંત્રી અમિત શાહ હાજર રહે એવી શક્યતા​​​ ન​વનિર્મિત મોટેરા સ્ટેડિયમનો ભવ્ય ભવ્યાતિ ઉદઘાટન કાર્યક્રમ 23મી ફેબ્રુઆરીના રોજ સાંજે મોટેરા સ્ટેડિયમ ગ્રાઉન્ડમાં યોજાશે. આ ઉદઘાટન કાર્યક્રમમાં ભારતના રાષ્ટ્રપતિ રામનાથ કોવિંદ આવે એવી પૂરી શક્યતાઓ છે જેમનો કાર્યક્રમ એક- બે દિવસમાં નક્કી થઈ જશે. કેન્દ્રીય ગૃહમંત્રી અમિત શાહ પણ આ કાર્યક્રમમાં હાજરી આપી શકે છે. ઉદઘાટન કાર્યક્રમ અને મેચમાં સુરક્ષા વ્યવસ્થાને લઈ તમામ તૈયારીઓ શરૂ કરી દેવામાં આવી છે.

ઉદઘાટન કાર્યક્રમમાં ભારતના રાષ્ટ્રપતિ રામનાથ કોવિંદ આવે એવી પૂરી શક્યતાઓ.
ઉદઘાટન કાર્યક્રમમાં ભારતના રાષ્ટ્રપતિ રામનાથ કોવિંદ આવે એવી પૂરી શક્યતાઓ.

સ્ટેડિયમમાં લોકોની વચ્ચે ખાનગી ડ્રેસમાં પોલીસ મૂકવામાં આવશે
મોટેરા ક્રિકેટ સ્ટેડિયમમાં 1 લાખ લોકોના બેસવાની કેપેસિટી છે, પરંતુ કોરોનાને કારણે 50 ટકા એટલે કે 50 હજાર લોકો જ સ્ટેડિયમમાં બેસી મેચ જોઈ શકશે. નવનિર્મિત મોટેરા સ્ટેડિયમમાં મેચમાં સુરક્ષાને લઈ તૈયારી શરૂ કરી દેવાઈ છે. થ્રી લેયર સિક્યોરિટી ગોઠવવામાં આવશે. ગેટમાંથી પ્રવેશ વખતે મેટલ- ડિટેકટરથી ચેકિંગ કરવામાં આવશે. ટિકિટ ચેક કરતી વખતે પણ ચેક કરવામાં આવશે. સ્ટેડિયમમાં લોકોની વચ્ચે ખાનગી ડ્રેસમાં પોલીસ મૂકવામાં આવશે. મોબાઇલ અને પાકીટ સિવાય અન્ય કોઈ વસ્તુ સ્ટેડિયમમાં લાવવા પર મનાઈ ફરમાવવામાં આવશે.

સ્ટેડિયમની આસપાસના સરકારી પ્લોટમાં પાર્કિગ કરવાની વ્યવસ્થા હતી
23મીએ ઉદઘાટન અને 24મી ફેબ્રુઆરીએ મેચ શરૂ થાય એ પહેલાં સમગ્ર સ્ટેડિયમમાં ડોગ અને બોમ્બ-સ્ક્વોડની ટીમ દ્વારા ચેકિંગ શરૂ કરવામાં આવશે. સ્ટેડિયમમાં સિક્યોરિટીને ધ્યાનમાં રાખી ત્યાં વાહન પાર્કિગ નહિ કરવા દેવામાં આવે. નમસ્તે ટ્રમ્પના કાર્યક્રમ વખતે જે રીતે સ્ટેડિયમની આસપાસના સરકારી પ્લોટમાં પાર્કિગ કરવાની વ્યવસ્થા હતી એ જ પ્લોટમાં પાર્કિગની વ્યવસ્થા કરવામાં આવશે, જેથી લોકોએ અડધાથી એક કિલોમીટર ચાલીને આવવાનું રહેશે.

ટીમ ઈન્ડિયા એક મહિનો અમદાવાદમાં ધામા નાખશે
BCCIએ કોરોના મહામારીને ધ્યાનમાં રાખતાં ઇંગ્લેન્ડ સામેની સિરીઝ માટે માત્ર ત્રણ સ્થળ જ રાખ્યાં છે. ચેન્નઈ ખાતે 17 ફેબ્રુઆરીએ બીજી ટેસ્ટ સમાપ્ત કર્યા પછી ટીમ 2 ટેસ્ટ અને 5 T-20 માટે અમદાવાદ આવશે. T-20 સિરીઝની અંતિમ મેચ 20 માર્ચે રમાશે, એટલે કે ઇન્ડિયન ટીમ 18 ફેબ્રુઆરીથી 20/21 માર્ચ સુધી અમદાવાદમાં જ બાયો-બબલમાં રોકાશે.

મોટેરાની બેઠક ક્ષમતા મેલબર્ન કરતાં 20% વધારે
મોટેરા ઓસ્ટ્રેલિયાના મેલબર્ન ક્રિકેટ ગ્રાઉન્ડને રિપ્લેસ કરીને વર્લ્ડનું સૌથી મોટું સ્ટેડિયમ બન્યું છે. મેલબર્નની બેઠક ક્ષમતા 92 હજાર છે અને મોટેરાએ 18 હજારના માર્જિનથી એને હરાવ્યું છે.

360 ડીગ્રી સ્ટેડિયમ
સામાન્ય રીતે આપણે ક્રિકેટ સ્ટેડિયમમાં અનુભવ કરતા હોઈએ છીએ કે પ્રેક્ષકો હંમેશાં આગળની હરોળની બેઠક પર પસંદગી ઉતારે છે, જેને લીધે પિલરની કે અન્ય કોઈ અડચણ વગર મેચ જોઈ શકાય. મોટેરા સ્ટેડિયમની ખાસિયત એ છે કે સ્ટેડિયમમાં એકપણ પિલર નથી. મતલબ કે કોઈપણ સ્ટેન્ડમાં બેસીને મેચો સાથે આખું ગ્રાઉન્ડ જોઈ શકાશે.

પિન્ક બોલથી રમાશે મોટેરા ખાતેની પ્રથમ મેચ
અમદાવાદના નવનિર્મિત સ્ટેડિયમમાં 24 ફેબ્રુઆરીએ ડે-નાઈટ ટેસ્ટમાં ઇન્ડિયન ટીમ ઇંગ્લેન્ડ સામે ટકરાશે. 18 ફેબ્રુઆરીએ ભારતીય ટીમ અમદાવાદ આવશે. આ ડે-નાઈટ ટેસ્ટ પિન્ક બોલથી રમાશે.

પ્રેક્ષકોને બાર કોડ વાળી ટિકિટ આપવામાં આવશે
અમદાવાદમાં વિશ્વના સૌથી મોટા એવા મોટેરા સ્ટેડિયમમાં આગામી 24 ફેબ્રુઆરીથી 8 માર્ચ દરમિયાન ભારત અને ઇંગ્લેન્ડ વચ્ચે ટેસ્ટ મેચ યોજાશે. કોરોનાની પરિસ્થિતિને ધ્યાનમાં રાખીને સ્ટેડિયમની કેપેસિટીના 50 ટકા એટલે કે 1.10 લાખની જગ્યા 55 હજાર પ્રેક્ષકોને જ સ્ટેડિયમમાં મેચ માણવાની મંજૂરી અપાશે. મેચ જોવા જનારા પ્રેક્ષકોને બાર કોડ વાળી ટિકિટ આપવામાં આવશે અને તે ટિકિટ પણ ઑનલાઈન જ ખરીદી શકાશે. આ સાથે પ્રેક્ષકો ઑનલાઇન પાર્કિંગ પણ ખરીદી શકશે. જેના માટે મોટેરા સ્ટેડિયમની આસપાસના પ્લોટમાં પાર્કિંગ બનાવવામાં આવશે.

અદાણી લેફ્ટ અને રાઇટ પેવેલિયનની ટિકિટ1000 રૂપિયા.
અદાણી લેફ્ટ અને રાઇટ પેવેલિયનની ટિકિટ1000 રૂપિયા.

જ્યારે માસ્ક વગર કોઇ પણ પ્રેક્ષકને સ્ટેડિયમમાં એન્ટ્રી આપવામાં આવશે નહીં. 24 ફેબ્રુઆરીથી શરૂ થતી ભારત vs ઇંગ્લેન્ડની ત્રીજી વાઈટ બોલ એટલે કે ડે નાઈટ ટેસ્ટ મેચ માટેની ટિકિટ આજથી ઓનલાઈન મળશે. જેમાં મેદાનની કુલ સીટીંગ કેપેસિટી મુજબ 50 ટકા પ્રેક્ષકોને પ્રવેશ આપવામાં આવશે. ‘બુક માય શો’ એપના માધ્યમથી ત્રીજી અને ચોથી ટેસ્ટ મેચની ટિકિટ આવતીકાલથી મળશે. ટેસ્ટ મેચ રમાતી હશે તે સમયે જે તે દિવસની ટીકીટનું વેચાણ GCA દ્વારા મોટેરા મેદાન ખાતેથી પણ કરાશે. ભારત અને ઇંગ્લેન્ડ વચ્ચે રમાનારી 5 T-20 મેચની ટિકિટ 1 માર્ચથી મળશે. તમામ T20 મેચની ટિકિટ પણ ઓનલાઈન ‘બુક માય શો’ એપ પરથી જ ઉપલબ્ધ થશે.

6 વર્ષ બાદ અમદાવાદના મોટેરામાં આંતરરાષ્ટ્રીય મેચ
ભારત અને ઈંગ્લેન્ડની ટીમ 18 તારીખે અમદાવાદમાં આવશે. 19 ફેબ્રુઆરીથી બંને ટીમોના ખેલાડીઓ પ્રેક્ટિસની શરૂઆત કરશે. લગભગ 6 વર્ષ બાદ અમદાવાદના મોટેરા ક્રિકેટ સ્ટેડિયમમાં ફરી એકવાર આંતરરાષ્ટ્રીય ક્રિકેટ મેચ રમાનાર છે. ડે નાઈટ સહિત સળંગ બે ટેસ્ટ તેમજ 5 T20 મેચ રમ્યા બાદ ભારત અને ઇંગ્લેન્ડની ટીમ વનડે મેચ રમવા પૂણે જવા રવાના થશે. મોબાઈલ ફોન અને પાકીટ સિવાય સ્ટેડિયમમાં બીજુ કશું લઈ જઈ શકાશે નહીંકોરોનાની પરિસ્થિતિને ધ્યાનમાં રાખીને પ્રેક્ષકોને ગ્રાઉન્ડમાં મોબાઈલ ફોન અને પાકીટ સિવાય બીજુ કશું અંદર લઈ જવા દેવામાં આવશે. પ્રેક્ષકો માટે ગેટ નંબર - 1 અને 2 એમ 2 ગેટથી એન્ટ્રી રાખવામાં આવશે. જ્યારે દરેક દર્શકને પોલીસ દ્વારા ચેક કરવામાં આવશે તેમજ ડોર ફ્રેમ મેટલ ડિટેકટર અને હેન્ડ મેટલ ડિટેકટરથી પણ દરેક પ્રેક્ષકનું ચેકીંગ કરવામાં આવશે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે સમય થોડો મિશ્રિત પ્રભાવ લાવી રહ્યો છે. છેલ્લાં થોડા સમયથી નજીકના સંબંધો વચ્ચે ચાલી રહેલાં મનમુટાવ દૂર થશે. તમારી મહેનત તથા કોશિશનું સાર્થક પરિણામ સામે આવી શકે છે. કોઇ ધાર્મિક સ્થળે જવાથી...

    વધુ વાંચો