નવા વર્ષમાં વિલિયમ્સનનો નવો રેકોર્ડ:ન્યૂઝીલેન્ડ માટે સૌથી ઝડપી 7 હજાર રન બનાવનાર પ્લેયર બન્યો, વર્ષની પહેલી બેવડી સદી પણ મારી

ન્યૂઝીલેન્ડના કેપ્ટન કેન વિલિયમ્સને નવા વર્ષ સાથે નવો રેકોર્ડ પણ પોતાના નામે કરી લીધા છે. તે ન્યૂઝીલેન્ડ તરફથી સૌથી ઝડપી 7 હજાર ટેસ્ટ રન બનાવનાર બેટ્સમેન બન્યો છે. તેણે પાકિસ્તાન સામે ચાલી રહેલી ક્રાઈસ્ટચર્ચ ટેસ્ટમાં આ સિદ્ધિ હાંસલ કરી હતી.

વિલિયમ્સને મેચની પ્રથમ ઇનિંગ્સમાં 238 રન બનાવ્યા હતા. એકંદરે ટેસ્ટમાં આ તેની ચોથી બેવડી સદી છે. તે સાથે જ ક્રિકેટમાં 2021ની પ્રથમ ડબલ સેન્ચુરી છે.

સૌથી ઝડપી 7 રન બનાવવાની બાબતે રોસ ટેલર બીજા સ્થાને છે. તેણે 96 ટેસ્ટમાં આ સિદ્ધિ મેળવી હતી. જ્યારે વિલિયમ્સને તેનાથી 12 મેચ ઓછી રમીને આ રેકોર્ડ પોતાના નામે કર્યો છે.