ગાંગુલીને હાર્ટ-એટેક આવ્યો:BCCI અધ્યક્ષ સૌરવ ગાંગુલીની એન્જિયોપ્લાસ્ટી સર્જરી થઈ, આગામી 48 કલાક હોસ્પિટલમાં રહેશે, હોસ્પિટલમાં પહેલા રાજ્યપાલ પછી CM મમતા પહોંચ્યા

બીસીસીઆઈના અધ્યક્ષ અને ટીમ ઈન્ડિયાના ભૂતપૂર્વ કેપ્ટન સૌરવ ગાંગુલીને શનિવારે હાર્ટ એટેક આવ્યો હતો. ત્યારબાદ તેમને કોલકાતાની ખાનગી હોસ્પિટલમાં દાખલ કરાયા હતા જ્યાં તેમના પર એન્જિયોપ્લાસ્ટી કરવામાં આવી છે. તેમની હાલત સ્થિર હોવાનું હોસ્પિટલ સત્તાવાળાઓએ જણાવ્યું છે. તેમના હૃદયમાં 2 બ્લોકેજ હતા. તેઓ શનિવારે જિમમાં હતા ત્યારે હૃદયમાં દુખાવાની ફરિયાદ કર્યા પછી બેભાન થઈ ગયા હતા. તેઓ 48 કલાક હોસ્પિટલમાં જ રહેશે. હોસ્પિટલ દ્વારા વધુમાં કહેવામાં આવ્યું કે, દાદાએ દીકરી સના સાથે વાત કરી. તેઓ અત્યારે ભાનમાં છે અને તેમની સારવાર એક અઠવાડિયું ચાલશે. ગાંગુલીના ખબર અંતર પૂછવા માટે પશ્ચિમ બંગાળના રાજ્યપાલ જગદીપ ધનખડ હોસ્પિટલ પહોંચ્યા હતા. થોડીવાર પછી મુખ્યમંત્રી મમતા બેનર્જીએ પણ હોસ્પિટલ જઈ ગાંગુલીના ખબર અંતર પૂછ્યા હતા.

જિમમાં ચક્કર આવતાં હોસ્પિટલ ગયા હતા દાદા

ક્રિકેટ જર્નલિસ્ટ અને ગાંગુલીના મિત્ર બોરિયા મજુમદારે પોતાના ટ્વીટમાં જણાવ્યું છે કે ગાંગુલીને જિમમાં ચક્કર આવ્યા હતા. એ પછી તેઓ વૂડલેન્ડ હોસ્પિટલમાં ટેસ્ટ કરાવવા ગયા હતા, જ્યાં ખબર પડી કે હાર્ટ-અટેક આવ્યો હતો. અત્યારે ડોકટર સરોજ મંદોલની આગેવાનીમાં ત્રણ ડોકટર્સની ટીમ તેમની સારવાર કરી રહી છે.

જય શાહે કહ્યું- દાદાની તબિયત સુધારા પર છે

બુધવારે ઇડન ગાર્ડન્સ ગયા હતા દાદા