સિડની પિંક ટેસ્ટ:મેક્ગ્રા ફાઉન્ડેશનની વર્ચુઅલ ઝુંબેશની 70 હજાર ટિકિટ વેચાઇ, બ્રેસ્ટ કેર નર્સોને 5.65 કરોડ રૂપિયા મળશે

ભારત અને ઓસ્ટ્રેલિયા વચ્ચેની સિડની ટેસ્ટને પિંક ટેસ્ટ તરીકે પણ ઓળખવામાં આવે છે. ખરેખર, બ્રેસ્ટ કેન્સર પ્રત્યે જાગૃતિ લાવવા મેક્ગ્રા ફાઉન્ડેશનની સ્થાપના ગ્લેન મેક્ગ્રા અને તેની પત્ની જેન દ્વારા 2005માં કરવામાં આવી હતી. જેનને બ્રેસ્ટ કેન્સર હતું. જેનનું ત્રણ વર્ષ પછી 2008માં અવસાન થયું. આ પછી બ્રેસ્ટ કેન્સર વિશે લોકોને જાગૃત કરવા પિંક ટેસ્ટ કરાવવામાં આવે છે. આ મેક્ગ્રાનું હોમ ગ્રાઉન્ડ છે.

મંગળવારે વર્ચ્યુઅલ પિંક સીટ્સ લોન્ચ કરવામાં આવી હતી. જેથી પ્રેક્ષકો ટિકિટ ખરીદી અને કેન્સર જાગૃતિ અભિયાનમાં જોડાઇ શકે અને ફાઉન્ડેશનને મદદ કરી શકે. અત્યાર સુધી, વર્ચુઅલ ગુલાબી સીટ્સ માટે 70 હજાર ટિકિટ વેચાઇ છે. આમાંથી પ્રાપ્ત થયેલ નાણાં મેક્ગ્રા બેસ્ટ કેઅર નર્સોને મળશે. વર્ચુઅલ ગુલાબી સીટોથી 1 મિલિયન ઓસ્ટ્રેલિયન ડોલર (આશરે 5.65 કરોડ રૂપિયા) એકત્ર કરવાની યોજના છે.

સિડની ટેસ્ટના ત્રીજા દિવસને જેન મેક્ગ્રા ડે તરીકે પણ ઓળખવામાં આવે છે
ટેસ્ટના ત્રીજા દિવસને જેન મેક્ગ્રા ડે તરીકે પણ ઓળખવામાં આવે છે. જેન્સના કેન્સર જાગૃતિ અભિયાન માટે દર્શકો ગુલાબી પોશાક પહેરે છે. તે જ સમયે, ખેલાડીઓના ડ્રેસ પર ગુલાબી રંગનો લોગો રહે છે. તેમજ વિકેટ પણ ગુલાબી હોય છે. આ મેચમાંથી આવતા પૈસા મેક્ગ્રા બેસ્ટ કેર નર્સોને આપવામાં આવે છે.

દરરોજ ફક્ત 9,500 દર્શકો સિડનીમાં મેચ જોઈ શકશે
કોરોનાને કારણે, ફક્ત 25% દર્શકોને સિડની ટેસ્ટમાં પ્રવેશ અપાયો છે. મતલબ કે 38 હજાર દર્શકોની ક્ષમતાવાળી સિડની ક્રિકેટ ગ્રાઉન્ડ (એસસીજી)માં ફક્ત 9,500 લોકો જ પ્રવેશ મેળવી શકશે.