IPL મીડિયા રાઈટ્સ, DAY-3:47 હજાર કરોડને પાર બોલી લાગી, સ્ટારે TV અને વાયકોમ 18એ ડિજિટલ રાઈટ્સ ખરીદ્યા; જય શાહે જાહેરાત કરી

BCCIને ઈન્ડિયન પ્રીમિયર લીગ (IPL)ની આગામી પાંચ સીઝન (2023 થી 2027) માટે મીડિયા અધિકારોની હરાજીમાંથી 48,390 કરોડ રૂપિયા મળ્યા છે. ડિઝની સ્ટારે 23,575 કરોડ રૂપિયામાં ભારતીય ખંડના ટીવી અધિકારો ખરીદ્યા છે. Viacom18એ ભારતીય ખંડના ડિજિટલ અધિકારો રૂ. 20,500 કરોડમાં અને રૂ. 3,258 કરોડમાં પસંદગીની 98 મેચોના બિન-વિશિષ્ટ ડિજિટલ અધિકારો હસ્તગત કર્યા છે.

ભારતીય ઉપખંડની બહારના ટીવી અને ડિજિટલ અધિકારો Viacom18 અને Times Internet દ્વારા ખરીદવામાં આવ્યા છે. આ માટે 1057 કરોડ રૂપિયાની બોલી લગાવવામાં આવી હતી. આ રીતે, BCCIને ચારેય પેકેજ સહિત 48,390 રૂપિયાની રકમ મળી ગઈ છે.

જાણો કોને કેટલું મળ્યું?

BCCIને પ્રતિ મેચ 118 કરોડ રૂપિયા મળશે
BCCIને IPLની એક મેચ માટે 118 કરોડ રૂપિયા મળશે. આ રીતે, એક મેચના પ્રસારણ અધિકારો અનુસાર, IPL હવે વિશ્વની બીજી સૌથી મોંઘી લીગ બની ગઈ છે. IPLએ EPl (રૂ. 86 કરોડ પ્રતિ મેચ)ને માત આપી દીધી છે. હવે માત્ર અમેરિકાની નેશનલ ફૂટબોલ લીગ (NFL)ને આનાથી વધુ પૈસા મળ્યા છે. NFLને દરેક મેચના પ્રસારણ અધિકારો માટે 133 કરોડ રૂપિયા મળે છે.

ચાર અલગ અલગ પેકેજો માટે બીડિંગ થઈ હતી

ચારેય પેકેજની સંયુક્ત મૂળ કિંમત રૂ. 32,890 કરોડ
જો ચાર પેકેજની મૂળ કિંમત ઉમેરવામાં આવે તો 5 વર્ષમાં રમાનારી 370 મેચોની સંયુક્ત બેઝ પ્રાઇસ 32,890 કરોડ રૂપિયા છે. ગત વખતે (2018થી 2022) મીડિયા અધિકારો રૂ. 16,347 કરોડમાં વેચાયા હતા.

BCCI પાંચ વર્ષમાં IPLની 410 મેચોનું આયોજન કરશે
સૂત્રોના જણાવ્યા પ્રમાણે બોર્ડે આ પ્રસ્તાવ તૈયાર કર્યો છે, જેથી બ્રોડકાસ્ટર્સ મીડિયા અધિકારોની હરાજીમાં વધુમાં વધુ બોલી લગાવે છે. બોર્ડ 2023-24માં માત્ર 74-74 મેચો યોજવાનું છે. ત્યારપછી વર્ષ 2025 અને 2026માં મેચોની સંખ્યા વધારવામાં આવશે. આ બે વર્ષમાં 84-84 મેચ રમાશે. 2027માં 94 મેચો યોજવાની યોજના છે.