RRએ 7 રનથી KKRને હરાવ્યું:ચહલે આ સીઝનની પહેલી હેટ્રિક લીધી; એક જ ઓવરમાં 4 બેટરને આઉટ કર્યા, ફિંચ-શ્રેયસની ફિફ્ટી એળે ગઈ

એક મહિનો પહેલા
  • કૉપી લિંક
  • ચહલે 4 ઓવરમાં 40 રન આપી કુલ 5 વિકેટ લીધી હતી.

IPL 2022ની 30મી મેચમાં રાજસ્થાન રોયલ્સે 7 વિકેટથી કોલકાતાને હરાવીને રોમાંચક જીત નોંધાવી છે. KKR સામે 218 રનનો ટાર્ગેટ હતો, જેના જવાબમાં ટીમ 210 રન જ કરી શકી અને મેચ હારી ગઈ હતી. KKR તરફથી કેપ્ટન શ્રેયસ અય્યર (85) સૌથી વધુ રન સ્કોરર રહ્યો હતો. તે જ સમયે, યુઝવેન્દ્ર ચહલે હેટ્રિક સાથે કુલ 5 વિકેટ લીધી હતી.

આની પહેલાં ટોસ હાર્યા પછી બેટિંગ કરતા RRએ 20 ઓવરમાં 5 વિકેટના નુકસાને 217 રન કર્યા હતા. આ દરમિયાન રાજસ્થાનના જોસ બટલરે સૌથી વધુ 103 રનની ઇનિંગ રમી હતી. આ સિઝનમાં આ તેની બીજી સદી હતી. જ્યારે KKR તરફથી સુનીલ નરેને 2 વિકેટ લીધી હતી. મેચનો લાઈવ સ્કોર જોવા અહીં ક્લિક કરો...

નરેન નિષ્ફળ ગયો

ટાર્ગેટ ચેઝ કરવા ઉતરેલી કોલકાતાની શરૂઆત ખરાબ રહી હતી અને સુનીલ નરેન પહેલા જ બોલ પર એકપણ રન કર્યા વિના રનઆઉટ થયો હતો. ફિન્ચ સિંગલ લેવા માટે આગળ આવ્યો હતો, પરંતુ નરેન અડધી પિચ પર હતો ત્યારે હેટમાયરે ડાયરેક્ટ થ્રો કરી સુનીલને પેવેલિયન ભેગો કર્યો હતો.

  • નરેન IPLમાં છઠ્ઠીવાર રનઆઉટ થયો હતો.
  • સુનીલ નરેન IPLમાં 9મી વાર 0ના સ્કોર પર આઉટ થયો.
  • નરેને આ સિઝનમાં 4 ઇનિંગ્સમાં માત્ર 22 રન કર્યા છે.

બટલરની તોફાની સદી

શાનદાર ફોર્મમાં ચાલી રહેલા જોસ બટલરે આ મેચમાં પણ પોતાનો આક્રમક અંદાજ જાળવી રાખ્યો છે. તેણે તેની IPL કારકિર્દીની ત્રીજી અને આ સીઝનની બીજી સદી 59 બોલમાં પૂરી કરી હતી. જોકે, તેણે સદી ફટકાર્યા પછી પોતાની વિકેટ ગુમાવી દીધી હતી. જોસે 61 બોલમાં 103 રનની યાદગાર ઇનિંગ રમી હતી. જોકે ત્યારપછી પેટ કમિંસે તેની વિકેટ લીધી હતી.

  • IPLમાં બટલરની આ ત્રીજી અને T20 ક્રિકેટમાં ચોથી સદી છે.
  • જોસે પહેલીવાર KKR સામે 50+ રન કર્યા હતા.
  • બટલરે મુંબઈ સામે સિઝનની 9મી મેચમાં 100 રન કર્યા હતા.
  • બટલર RR માટે 3 સદી ફટકારનારો પહેલા ખેલાડી બન્યો છે.
  • આ સીઝનમાં જોસે 4 વાર 50+ રન કર્યા છે.
  • જોસ બટલરે આ સીઝનમાં 7 ઇનિંગ્સમાં 375 રન કર્યા છે.

પાવર પ્લેમાં RRનું શાનદાર પ્રદર્શન

ટોસ હાર્યા પછી બેટિંગ કરવા ઉતરેલી રાજસ્થાને સારી શરૂઆત કરી હતી. જોસ બટલર અને દેવદત્ત પડિકલે પહેલી 6 ઓવરમાં એકપણ વિકેટ ગુમાવ્યા વિના 60 રન કર્યા હતા. આ દરમિયાન ટીમનો રન રેટ 10નો હતો. વળી આ 36 બોલમાં બંને ઓપનર્સે 5 ચોગ્ગા અને 3 છગ્ગા ફટકાર્યા હતા.

બટલરની 14મી ફિફ્ટી
શાનદાર ફોર્મમાં ચાલી રહેલા જોસ બટલરે આ મેચમાં પણ પોતાની આક્રમક બેટિંગ કરવાનું ચાલુ રાખ્યું હતું. તેણે 29 બોલમાં પોતાની IPL કારકિર્દીની 14મી ફિફ્ટી ફટકારી હતી. IPL 2022માં આ તેની સતત બીજી ફિફ્ટી છે.

RRના ઓપનર્સની શાનદાર શરૂઆત
બટલર અને પડ્ડિકલે 97 રન કરી રાજસ્થાનને સારી શરૂઆત અપાવી હતી. આ પાર્ટનરશિપને સુનીલ નરેને પડ્ડિકલને આઉટ કરી તોડી હતી. તે 18 બોલમાં 24 રન કરીને પેવેલિયન ભેગો થયો હતો.

બંને ટીમની પ્લેઇંગ-11

  • KKR: એરોન ફિંચ, વેંકટેશ અય્યર, શ્રેયસ અય્યર, નીતીશ રાણા, આંદ્રે રસેલ, શેલ્ડન જેક્સન, સુનીલ નરેન, પેટ કમિંસ, શિવમ માવી, ઉમેશ યાદવ, વરુણ ચક્રવર્તી
  • RR: જોસ બટલર, દેવદત્ત પડ્ડિકલ, સંજુ સેમસન, કરુણ નાયર, શિમરોન હેટમાયર, રિયાન પરાગ, રવિચંદ્રન અશ્વિન, ટ્રેન્ટ બોલ્ટ, ઓબેદ મકોએ, યુઝવેન્દ્ર ચહલ, પ્રસિદ્ધ ક્રૃષ્ણા
અન્ય સમાચારો પણ છે...