KKRએ 7 વિકેટથી RRને હરાવ્યું:સતત 5 હાર પછી કોલકાતાએ મેચ જીતી, રિંકુ-નીતીશની 66* રનની વિનિંગ પાર્ટનરશિપ

એક મહિનો પહેલા
  • કૉપી લિંક

IPL 2022ની 47મી મેચમાં કોલકાતા નાઈટ રાઈડર્સે 7 વિકેટથી રાજસ્થાન રોયલ્સને હરાવી દીધું છે. આ મેચમાં KKR સામે 153 રનનો ટાર્ગેટ હતો, જેને ટીમે છેલ્લી ઓવરમાં ચેઝ કરી મેચ જીતી લીધી છે. જોકે આ રન ચેઝમાં નીતિશ રાણા (48) અને રિંકુ સિંહે (42) ચોથી વિકેટ માટે 38 બોલમાં 66 રનની મેચ વિનિંગ પાર્ટનરશિપ નોંધાવી હતી.

  • કોલકાતાની સતત 5 હાર પછી આ પહેલી જીત છે. ટીમે ટૂર્નામેન્ટમાં અત્યાર સુધી 10 મેચ રમી છે અને 4માં જીત મેળવી છે.
  • અગાઉ ટોસ હાર્યા પછી બેટિંગ કરતા RRએ 152/5 રનનો સ્કોર નોંધાવ્યો હતો.
  • RRનો સંજુ સેમસન (54) સૌથી વધુ સ્કોરર રહ્યો હતો. તે જ સમયે, KKR તરફથી ટિમ સાઉથીએ 2 વિકેટ લીધી હતી.

બટલર આ મેચમાં ફ્લોપ રહ્યો
ઓરેન્જ કેપ હોલ્ડર જોસ બટલર આ મેચમાં શાનદાર લયમાં જોવા મળ્યો છે. પરંતુ તે કોલકાતા સામે 25 બોલમાં 22 રન કરી પેવેલિયન ભેગો થયો હતો. ટિમ સાઉથીએ તેની વિકેટ લીધી હતી.

  • આ સિઝનમાં બટલરે 10 ઈનિંગમાં 65.33ની એવરેજથી 588 રન કર્યા છે.
  • બીજી વિકેટ માટે બટલર અને સેમસને 39 બોલમાં 48 રન જોડ્યા હતા.

RRની ધીમી શરૂઆત
ટોસ હાર્યા પછી પહેલા બેટિંગ કરતા રાજસ્થાનની શરૂઆત ઘણી ખરાબ રહી હતી ત્રીજી ઓવરમાં દેવદત્ત પડ્ડિકલ 5 બોલમાં 2 રન કરી આઉટ થયો હતો. પહેલી 6 ઓવરમાં ટીમનો રનરેટ માત્ર 6.33નો રહ્યો હતો. ટીમના પાવરપ્લેમાં 5 ચોગ્ગા અને 1 છગ્ગો માર્યો હતો.

કોલકાતાનું ખરાબ પ્રદર્શન
કોલકાતા નાઈટ રાઈડર્સ માટે શરૂઆતની કેટલીક મેચ પછી આ સિઝન ખરાબ સપના સમાન રહી છે. 6 મેચ હારી ગયા પછી આ ટીમ વિનિંગ ટ્રેક પર પરત ફરવાનું જ ભૂલી ગઈ છે. કેપ્ટન શ્રેયસ અય્યરને પણ શરૂઆત સારી મળે છે પરંતુ તેને હાઈસ્કોરિંગ ઈનિંગમાં ફેરવી શકતો નથી.

બંને ટીમની પ્લેઇંગ-11

  • RR: જોસ બટલર, દેવદત્ત પડ્ડિકલ, સંજુ સેમસન, કરુણ નાયર, શિમરોન હેટમાયર, રિયાન પરાગ, રવિચંદ્રન અશ્વિન, ટ્રેન્ટ બોલ્ટ, પ્રસિદ્ધ કૃષ્ણ, યુઝવેન્દ્ર ચહલ, કુલદીપ સેન.
  • KKR: એરોન ફિન્ચ, સુનિલ નરેન, શ્રેયસ અય્યર, બાબા ઈન્દ્રજીત, નીતીશ રાણા, અનુકુલ રોય, આન્દ્રે રસેલ, રિંકુ સિંહ, ઉમેશ યાદવ, ટિમ સાઉથી, શિવમ માવી.
અન્ય સમાચારો પણ છે...