ગુજરાત જીતેલી મેચ હાર્યું:છેલ્લી ઓવરમાં 4 ડોટ બોલ સહિત 1 વિકેટે ગુમાવી; MI 5 રનથી જીત્યું, સાહા-ગિલની ફિફ્ટી એળે ગઈ

14 દિવસ પહેલા
  • કૉપી લિંક

IPL 2022ની 51મી મેચમાં મુંબઈ ઈન્ડિયન્સે 5 રનથી ગુજરાત ટાઈટન્સને હરાવી દીધું છે. GT સામે 178 રનનો ટાર્ગેટ હતો, જેના જવાબમાં ટીમ 172/5નો સ્કોર જ કરી શકી અને મેચ હારી ગઈ હતી. એક સમયે ગુજરાતનો સ્કોર 16 ઓવરમાં 138/3 હતો અને ટીમને જીત માટે ફેવરિટ માનવામાં આવતી હતી, પરંતુ ત્યારપછી MIના બોલરોએ ટાઇટન્સને કમબેક કરવાની એકપણ તક આપી નહોતી.

વર્તમાન ટૂર્નામેન્ટમાં મુંબઈની 10 મેચોમાં આ માત્ર બીજી જીત છે. તે જ સમયે, GTની 11 મેચોમાં આ ત્રીજી હાર છે. હાર્દિકની કેપ્ટનશિપ હેઠળ ગુજરાત ટાઉટન્સે 8 મેચ જીતી છે.

  • અગાઉ ટોસ હાર્યા પછી પહેલા બેટિંગ કરતા MIએ 6 વિકેટના નુકસાને 177 રન કર્યા હતા.
  • ઈશાન કિશને 45 રન કર્યા હતા જ્યારે ટિમ ડેવિડે 21 બોલમાં 44 રનની વિસ્ફોટક ઇનિંગ રમી હતી.
  • ગુજરાત તરફથી રાશિદ ખાને 2 વિકેટ ઝડપી હતી.

એક જ ઓવરમાં બંને ઓપનર આઉટ
ગુજરાત ટાઈટન્સે 178 રનના ટાર્ગેટને ચેઝ કરતા શાનદાર શરૂઆત કરી હતી. આ દરમિયાન સાહા અને શુભમન ગિલ વચ્ચે 106 રનની પાર્ટનરશિપ થઈ હતી. જોકે ત્યારપછી મુરુગન અશ્વિનની એક જ ઓવરમાં ટીમના બંને ઓપનર પેવેલિયન ભેગા થઈ ગયા હતા. આ દરમિયાન સાહાએ 55 રન તથા ગિલે 52 રન કર્યા હતા.

રાશિદે 2 વિકેટ લીધી હતી
ગુજરાત ટાઇટન્સના વાઇસ કેપ્ટન રાશિદ ખાને શાનદાર બોલિંગ કરતાં 4 ઓવરમાં 2 વિકેટ લીધી હતી. તેણે રોહિત શર્મા (43) અને કિરોન પોલાર્ડ (4)ને આઉટ કરી ગુજરાતને ગેમમાં કમબેક કરાવ્યું હતું.

રોહિત અને ઈશાનની જોડી ફોર્મમાં પરત ફરી

  • ટોસ હાર્યા પછી પહેલાં બેટિંગ કરતા MIએ વિસ્ફોક શરૂઆત કરી હતી. કેપ્ટન રોહિત શર્મા અને ઈશાન કિશને પહેલી વિકેટ માટે 45 બોલમાં 74 રન જોડ્યા હતા.
  • આ પાર્ટનરશિપને રાશિદ ખાને રોહિતને આઉટ કરીને તોડી હતી.
  • હિટમેન 28 બોલમાં 43 રન બનાવીને આઉટ થયો હતો.

ડેવિડ મિલરની 100 મી મેચઃ ગુજરાત ટાઇટન્સના મિડલ ઓર્ડર બેટર ડેવિડ મિલરની આ 100મી IPL મેચ છે. આ રેકોર્ડ બનાવનારો એબી ડી વિલિયર્સ (184) અને ફાફ ડુ પ્લેસિસ (111) પછી તે માત્ર ત્રીજો દક્ષિણ આફ્રિકાનો ખેલાડી બની ગયો છે.

બંને ટીમોની પ્લેઈંગ-11
GT:
રિદ્ધિમાન સાહા, શુભમન ગિલ, સાઈ સુદર્શન, હાર્દિક પંડ્યા, ડેવિડ મિલર, રાહુલ તેવટિયા, રાશિદ ખાન, પ્રદીપ સાંગવાન, લોકી ફર્ગ્યુસન, અલ્ઝારી જોસેફ, મોહમ્મદ શમી.

MI: રોહિત શર્મા, ઈશાન કિશન, સૂર્યકુમાર યાદવ, તિલક વર્મા, ટિમ ડેવિડ, કિરોન પોલાર્ડ, ડેનિયલ સેમ્સ, મુરુગન અશ્વિન, કુમાર કાર્તિકેય, જસપ્રિત બુમરાહ, રિલે મેરેડિથ.

અન્ય સમાચારો પણ છે...