રોહિતની વિકેટ પડતાં નવીન-ઉલ-હકનું યુનિક સેલિબ્રેશન:મેયર્સ એક બોલમાં 2 વખત રનઆઉટ થતાં બચી ગયો, માધવાલે 2 બોલમાં 2 વિકેટ લીધી; મોમેન્ટ્સ

મુંબઈ ઈન્ડિયન્સે IPL-2023 નું એલિમિનેટર જીતી લીધું છે. ટીમે લખનઉ સુપર જાયન્ટ્સને 81 રનના વિશાળ અંતરથી હરાવ્યું. હવે ક્વોલિફાયર-2માં રોહિત શર્માની ટીમ અમદાવાદમાં 26 મેના રોજ ડિફેન્ડિંગ ચેમ્પિયન ગુજરાત ટાઇટન્સ સામે ટકરાશે.

બુધવારે રમાયેલી મેચ દરમિયાન ઘણી રસપ્રદ ક્ષણો જોવા મળી હતી, જેમાં આકાશ માધવાલની રેકોર્ડ બ્રેકિંગ બોલિંગ, કાયલ મેયર્સને જીવનદાન મળ્યું, નવીન-ઉલ-હકનું યુનિક સેલિબ્રેશન અને લખનૌની ત્રણ રનઆઉટનો સમાવેશ થાય છે.

મુંબઈની ઇનિંગ્સની ટોપ મોમેંટ્સથી શરૂઆત...

1. રોહિતની વિકેટ પર નવીનની અનોખી ઉજવણી
લખનૌના બોલર નવીન-ઉલ-હકે ઇનિંગની ચોથી ઓવરના બીજા બોલ પર રોહિત શર્માની વિકેટ લીધી હતી. નવીનના બોલ પર રોહિતે એક્સ્ટ્રા કવર પર શોટ રમ્યો અને બોલ સીધો આયુષ બડોનીના હાથમાં ગયો. બડોનીએ કેચ કરતા નવીને અનોખી ઉજવણી કરી હતી. તેણે પોતાના બંને હાથની આંગળીઓ કાનમાં નાખીને કાન બંધ કર્યા. તેનો અર્થ એ છે કે બહાર અવાજ ન કરો.

ઈમ્પેક્ટ: કેપ્ટન રોહિત શર્મા 11 રન બનાવીને આઉટ થયો હતો અને મુંબઈએ 30 રનમાં પોતાની પ્રથમ વિકેટ ગુમાવી હતી. જેના કારણે ઈશાન કિશન દબાણમાં આવી ગયો હતો અને ટીમના 38ના સ્કોર પર વિકેટકીપર નિકોલસ પૂરનને કેચ આપી બેઠો હતો.

2. નવીને કેમરન ગ્રીનને બોલ્ડ કર્યો, એક ઓવરમાં 2 વિકેટ
5મી ઓવરમાં ઈશાન કિશનના આઉટ થયા બાદ સૂર્યકુમાર યાદવ અને કેમેરોન ગ્રીને 38 બોલમાં 66 રનની ભાગીદારી નોંધાવી હતી. નવીન-ઉલ-હકે આ ભાગીદારી તોડી હતી. તેણે ચોથા બોલ પર સૂર્યકુમાર યાદવની વિકેટ લીધી હતી. ત્યારપછી એ જ ઓવરના છેલ્લા બોલ પર કેમેરોન ગ્રીન આઉટ થયો હતો.

અફઘાનિસ્તાનના બોલરે સૂર્યને 107 KMPHની ઝડપે લેગ કટર ફેંક્યો, જેના પર સૂર્યા લોન્ગ ઓફ પર ઉભેલા કૃષ્ણપ્પા ગૌતમના હાથે કેચ થયો. નવીને બીજા ધીમા બોલ (104 KMPH) પર કેમેરોન ગ્રીનને ક્લીન બોલ્ડ કર્યો.

ઈમ્પેક્ટ: એક ઓવરમાં બે વિકેટ પડવાથી મુંબઈનો વર્તમાન રન રેટ 8+ થઈ ગયો, જે સૂર્ય-ગ્રીનની વિકેટ પહેલાં 9+ પર રહ્યો હતો.

3. દીપક હુડ્ડાએ 24 મીટર દોડીને તિલક વર્માનો કેચ પકડ્યો
મુંબઈની ઇનિંગ્સમાં દીપક હુડ્ડાએ શાનદાર રનિંગ કેચ લીધો હતો. નવીન-ઉલ-હક 18મી ઓવરમાં બોલિંગ કરી રહ્યો હતો. ઓવરના ત્રીજા બોલ પર નવીને તિલકને લેન્થ બોલ ફેંક્યો. તિલક વર્માએ તેને લોન્ગ ઓફ પર ફટકાર્યો. આવી સ્થિતિમાં દીપક હુડ્ડા 24 મીટર દોડીને આવ્યો અને શાનદાર કેચ પકડ્યો.

ઈમ્પેક્ટ: જ્યારે તિલક વર્મા આઉટ થયો ત્યારે મુંબઈ 15 બોલ બાકી રહેતા 159 રન હતા અને લાગી રહ્યું હતું કે ટીમ 190+ સ્કોર બનાવશે, પરંતુ તિલકના આઉટ થવાથી તેમના પર દબાણ આવ્યું. આ ઓવરના છેલ્લા ત્રણ બોલમાં માત્ર 3 રન જ આવ્યા હતા. જ્યારે પ્રથમ બે બોલમાં 3 વાઈડ અને એક સિક્સરની મદદથી 10 રન બન્યા હતા.

હવે અહીંથી લખનૌની ઈનિંગ

4. મેયર્સ ડબલ થ્રો પછી પણ રન આઉટ થયો ન હતો
લખનૌના દાવની બીજી ઓવરમાં આકાશ મધવાલ બોલિંગ કરવા આવ્યો હતો. ઓવરના ત્રીજા બોલ પર પ્રેરક માંકડે શોટ રમ્યો અને રન કરવાનો પ્રયાસ કર્યો પરંતુ તેને ના પાડી દેવામાં આવી. આ દરમિયાન, નોન-સ્ટ્રાઇકિંગ એન્ડમાંથી કાયલ મેયર્સ રન આઉટ થયો હતો, જ્યારે માંકડ ક્રિઝ પર પાછો ફર્યો હતો. આ દરમિયાન રિતિક શોકીને એક થ્રો કર્યો, જે ચૂકી ગયો, જ્યારે નોન-સ્ટ્રાઈક પર બેકઅપ માટે ઊભેલા ટિમ ડેવિડે બોલને કેચ કર્યો અને પછી થ્રો કર્યો. ડેવિડનો થ્રો વાગ્યો હતો, પરંતુ જ્યાં સુધી ડેવિડનો થ્રો થયો ત્યાં સુધીમાં મેયર્સ સુરક્ષિત રીતે ક્રિઝ પર પહોંચી ગયો હતો. આમ મેયર્સે એક બોલમાં બે વખત રનઆઉટ થતા બચી ગયો હતો.

ઈમ્પેક્ટ: કાયલ મેયર્સને જ્યારે જીવનદાન મળ્યું ત્યારે તે 5 બોલમાં 9 રન પર રમી રહ્યો હતો. તે 13 બોલમાં 18 રન બનાવીને આઉટ થયો હતો.

5. મધવાલે 2 બોલમાં 2 વિકેટ લીધી, પૂરનનું ગોલ્ડન ડક
આકાશ માધવાલે મેચ ચેન્જિંગ સ્પેલ બોલ કર્યો હતો. તેણે 10મી ઓવરમાં ટીમ માટે શાનદાર વાપસી કરી હતી. ઓવરના ચોથા બોલ પર મધવાલે આયુષ બદોનીને ગુડ લેન્થ ઇનસ્વિંગ બોલ પર બોલ્ડ કર્યો હતો. ત્યાર બાદ બીજા જ બોલ પર નિકોલસ પૂરન લેન્થ બોલ પર વિકેટકીપર ઈશાન કિશનના હાથે કેચ આઉટ થયો હતો. પુરણ શૂન્યમાં પેવેલિયન પરત ફર્યો હતો.

ઈમ્પેક્ટ: ​​​​​​ માધવનની એક ઓવરમાં બે વિકેટે LSGના મિડલ ઓર્ડરને વેરવિખેર કરી નાખ્યો અને ટીમની પુનરાગમનની આશાને ભારે ફટકો પડ્યો.

LSG ના ત્રણ બેટ્સમેન રન આઉટ થયા હતા
આ મેચમાં લખનૌના ત્રણ બેટ્સમેન રન આઉટ થયા હતા.

હવે જુઓ મેચ સંબંધિત તસવીરો...