ટોપ-2માં રાજસ્થાનની 'રોયલ એન્ટ્રી':RRએ 5 વિકેટથી CSKને હરાવ્યું, અશ્વિનની મેચ વિનિંગ 40* રનની ઈનિંગ; ચહલ-મેક્કોયે 2-2 વિકેટ લીધી

IPL 15ની 68મી મેચમાં રાજસ્થાન રોયલ્સે 5 વિકેટથી ચેન્નઈ સુપર કિંગ્સને હરાવી દીધું છે. આની સાથે જ RRની ટીમ ટેબલમાં ટોપ-2 નંબર પર પહોંચી ક્વોલિફાય કરી ચૂકી છે. રાજસ્થાન સામે 151 રનનો ટાર્ગેટ હતો જેને 2 બોલ પહેલા ચેઝ કરી રોયલ્સે મેચ જીતી લીધી છે. આ દરમિયાન રવિચંદ્રન અશ્વિને 23 બોલમાં 2 ચોગ્ગા અને 3 છગ્ગા ફટકારી 40* રનની મેચ વિનિંગ ઈનિંગ રમી હતી, જ્યારે CSKના પ્રશાંતે 2 વિકેટ લીધી હતી.

આ મેચમાં ધોનીએ ટોસ જીતી પહેલા બેટિંગ કરવાનો નિર્ણય લીધો હતો. આ દરમિયાન CSKએ 20 ઓવરમાં 6 વિકેટના નુકસાને 150 રન કર્યા હતા. તેવામાં ચેન્નઈના મોઈન અલીએ 57 બોલમાં 13 ચોગ્ગા અને 3 છગ્ગા સાથે 93 રન કર્યા હતા. જોકે ત્યારપછી મોઈન આઉટ થઈ જતા તે સદી ચૂક્યો હતો. તો બીજી બાજુ રાજસ્થાનના મેક્કોય અને ચહલે 2-2 વિકેટ લીધી હતી.

ક્વોલિફાયર-1માં હાર્દિક VS સેમસન
IPL 2022ની પહેલી ક્વોલિફાયર મેચ ગુજરાત ટાઈટન્સ અને રાજસ્થાન રોયલ્સ વચ્ચે રમાશે. તેવામાં હાર્દિક પંડ્યાની કેપ્ટનશિપ હેઠળની GT અત્યારે પોઈન્ટ ટેબલમાં નંબર વન પર છે.

સિઝનની છેલ્લી મેચમાં ધોની બ્રિગેડ હારી, માહીએ કહ્યું...
ધોની બ્રિગેડ આ સિઝનની છેલ્લી મેચ હારી ગયું હતું. જોકે ધોનીના જણાવ્યા પ્રમાણે હજુ તે આગામી સિઝનમાં રમતો રહેશે. તેવામાં મેચ હાર્યા પછી ધોનીએ કહ્યું કે અમે પહેલા બેટિંગ કરીને સારો નિર્ણય લીધો હતો પરંતુ અમે ટોટલ સેટ કરવામાં 10-15 રન શોર્ટ રહ્યા હતા.

જોકે બેટિંગ દરમિયાન મોઈને શાનદાર પ્રદર્શન કર્યું પરંતુ બેક ટુ બેક વિકેટ પડતા મોઈન અલીએ ધીમી બેટિંગ કરી હતી. અમારા દરેક ખેલાડીએ આ સિઝનથી ઘણી વસ્તુઓ શીખી છે. અમે જે-જે ખેલાડીનો પ્રયોગ કર્યો છે તે કંઈક નવું એક્સપ્લોર કરી ચૂક્યા છે. તેવામાં આગામી વર્ષે અમે એક સારા ટીમ કોમ્બિનેશન સાથે મેદાનમાં ઉતરીશું.

રાજસ્થાનની વિસ્ફોટક શરૂઆત

છઠ્ઠી ઓવરમાં મોઈનની તોફાની બેટિંગ
પાવરપ્લેની છેલ્લી ઓવરમાં ચેન્નઈના મોઈન અલીએ ટ્રેન્ટ બોલ્ટને ધોઈ નાખ્યો હતો. તેણે પહેલા બોલ પર સિક્સ અને ત્યારપછી પાંચેય બોલ પર ચોગ્ગા ફટકારી 26 રન કરી નાખ્યા હતા. જોકે ત્યાર પછી મેચમાં મોઈન અલીએ 57 બોલમાં 93 રનની શાનદાર ઈનિંગ રમી હતી પરંતુ સદી ચૂક્યો હતો. જ્યારે રાજસ્થાનના ચહલ અને મેક્કોયે 2-2 વિકેટ લીધી હતી.

બોલ્ટે પહેલી જ ઓવરમાં વિકેટ લીધી

ટ્રેન્ટ રાજસ્થાન માટે પહેલી ઓવર નાખવા માટે આવ્યો હતો અને તેણે ઋતુરાજ ગાયકવાડને પહેલી ઓવરના છેલ્લા બોલ પર સંજુ સેમસનના હાથે કેચ આઉટ કરાવ્યો હતો. ગાયકવાડ આ મેચમાં માત્ર 2 રન કરી શક્યો હતો.

બંને ટીમની પ્લેઇંગ-11