KKRએ 52 રનથી MIને હરાવ્યું:કિશનની ફિફ્ટી તથા બુમરાહની 5 વિકેટ એળે ગઈ, કોલકાતાના કમિંન્સે એક ઓવરમાં 3 બેટર આઉટ કર્યા

11 દિવસ પહેલા
  • કૉપી લિંક

IPL 2022ની 56મી મેચમાં કોલકાતા નાઈટ રાઈડર્સે 52 રનથી મુંબઈ ઈન્ડિયન્સને હરાવ્યું છે. MI સામે 166 રનનો ટાર્ગેટ હતો જેના જવાબમાં ટીમ 17.3 ઓવરમાં 113ના સ્કોર પર ઓલઆઉટ થઈ ગઈ અને મેચ હારી ગઈ છે. આ દરમિયાન મુંબઈના ઈશાન કિશનની ફિફ્ટી તથા બુમરાહની 5 વિકેટ એળે ગઈ હતી તો બીજી બાજુ કોલકાતાના બોલર પેટ કમિંન્સે એક જ ઓવરમાં 3 વિકેટ લીધી હતી.

KKRના કમિન્સની ધારદાર બોલિંગ

ફોટો સૌજન્ય- IPL
ફોટો સૌજન્ય- IPL

મુંબઈ ઈન્ડિયન્સને જીતવા માટે 166 રનનો ટાર્ગેટ હતો. જેના જવાબમાં કોલકાતા સ્કોર ડિફેન્ડ કરવા માટે મેદાનમાં ઉતરી હતી. ત્યારે પેટ કમિંન્સે પોતાની એક જ ઓવરમાં મુંબઈના 3 બેટરને આઉટ કરી મુંબઈને મુશ્કેલીમાં મુકી દીધું હતું. 4 ઓવરમાં 22 રન આપી 3 મહત્ત્વપૂર્ણ વિકેટ લઈ મુંબઈના બેટિંગ ઓર્ડરની કમર તોડી નાંખી હતી. કમિંન્સે MIના ઈશાન કિશન, ડેનિયલ સેમ્સ અને મુરુગન અશ્વિનને પેવેલિયન ભેગા કર્યા હતા.

બુમરાહનો તરખાટ, 10 રન આપી 5 વિકેટ લીધી

ફોટો સૌજન્ય- IPL
ફોટો સૌજન્ય- IPL

જસપ્રીત બુમરાહે કોલકાતાના બેટર્સને મુશ્કેલીમાં મુક્યા હતા. તેણે 4 ઓવરમાં 10 રન આપી 5 વિકેટ ઝડપી લીધી હતી. આ સ્પેલમાં બુમરાહે કોલકાતાના રસેલ, નીતીશ રાણા, શેલ્ડન જેક્સન, પેટ કમિન્સ અને સુનીલ નરેનને પેવેલિયન ભેગા કર્યા હતા.

  • કોલકાતાની ટીમે 20 ઓવરમાં 9 વિકેટના નુકસાને 165 રન કર્યા હતા.
  • આ દરમિયાન કોલકાતાના 3 બેટર શૂન્ય રન કરી પેવેલિયન ભેગા થયા હતા.
સૌજન્ય- IPL
સૌજન્ય- IPL

વેંકટેશ-રહાણે વચ્ચે શાનદાર પાર્ટનરશિપ
પહેલી વિકેટ માટે કોલકાતાના રહાણે અને વેંકટેશ અય્યર વચ્ચે 34 બોલમાં 60 રનની પાર્ટરનશિપ થઈ હતી. જોકે ત્યારપછી મુંબઈ ઈન્ડિયન્સના બોલર કુમાર કાર્તિકેયે વેંકટેશને પેવેલિયન ભેગો કરી ગેમમાં કમબેક કર્યું હતું. વેંકટેશે આ દરમિયાન 24 બોલમાં 4 છગ્ગા અને 3 ચોગ્ગા ફટકારી 43 રન કર્યા હતા.

સૂર્યકુમાર IPL 2022થી બહાર

ફોટો- સોશિયલ મીડિયા
ફોટો- સોશિયલ મીડિયા

મુંબઈ ઈન્ડિયન્સનો બેટર સૂર્યકુમાર યાદવ ઈન્જરીના કારણે IPL 2022થી બહાર થઈ ગયો છે. તમને જણાવી દઈએ કે શુક્રવારે ગુજરાત સામેની મેચમાં સૂર્યકુમાર યાદવને ઈજા પહોંચી હતી. જેના કારણે તે ટૂર્નામેન્ટની બાકીની મેચ નહીં રમે. મીડિયા રિપોર્ટ્સના આધારે સૂર્યાને હાથના સ્નાયુઓમાં ગંભીર ઈજા પહોંચી છે.

સૌજન્ય- IPL
સૌજન્ય- IPL

બંને ટીમની પ્લેઈંગ-11

  • કોલકાતા નાઈટ રાઈડર્સ: વેંકટેશ અય્યર, અજિંક્ય રહાણે, શ્રેયસ અય્યર, નીતીશ રાણા, રિંકુ સિંહ, આન્દ્રે રસેલ, સુનીલ નરેન, શેલ્ડન જેક્સન, ટિમ સાઉથી, પેટ કમિન્સ, વરુણ ચક્રવર્તી.
  • મુંબઈ ઈન્ડિયન્સ: ઈશાન કિશન, રોહિત શર્મા, તિલક વર્મા, કિરોન પોલાર્ડ, રમનદીપ સિંહ, ટિમ ડેવિડ, ડેનિયલ સેમ્સ, મુરુગન અશ્વિન, કુમાર કાર્તિકેય, જસપ્રિત બુમરાહ અને રિલે મેરેડિથ.
અન્ય સમાચારો પણ છે...