• Gujarati News
  • Sports
  • Cricket
  • Ipl
  • Coach Said Change In Backlift Improved Batting; In The Match Against PBKS, Gujarat Won By Hitting Sixes In The Last Two Balls

તેવટિયાને કામ આવ્યો વિજયનો ગુરુમંત્ર:કોચે કહ્યું- બેક લિફ્ટમાં ફેરફારથી બેટિંગ સુધરી; PBKS વિરુદ્ધ મેચમાં છેલ્લા બે બોલમાં છગ્ગા લગાવી ગુજરાતને જીત અપાવી હતી

23 દિવસ પહેલા
  • કૉપી લિંક

શુક્રવારે બ્રેબોર્ન સ્ટેડિયમમાં પંજાબ કિંગ્સ સામે છેલ્લા બે બોલમાં 12 રન બનાવ્યા બાદ હીરો બનેલા રાહુલ તિવેટિયાના આ પ્રદર્શનમાં તેના કોચનો પણ મોટો હાથ છે. 2021માં રન માટે સંઘર્ષ કરનારા તેવટિયાના કમબેકમાં તેના કોચના ગુરુમંત્રે ઘણું યોગદાન આપ્યું છે. તેના જૂના કોચ વિજય યાદવનું કહેવું છે કે તેવટિયા IPLની શરૂઆત પહેલા બેટિંગ પર કામ કરતો હતો. મેં તેની બેક લિફ્ટમાં કેટલાક ફેરફાર કર્યા છે. તેની બેક લિફ્ટને થોડી ઉંચી કરવાનું કહ્યું છે, જેથી તેના શોટમાં પાવર આવી શકે.

2020માં તેની સફળતાનું રહસ્ય એ પણ હતું કે તેની બેક લિફ્ટ ઉંચી હતી, પરંતુ જો 2021માં જોવામાં આવે તો તે બેક લિફ્ટથી નીચે રમી રહ્યો હતો. અમે તેની બેટલિફ્ટ પર કામ કર્યું. તે જ સમયે, નેટ પ્રેક્ટિસને બદલે ખુલ્લા મેદાનમાં પ્રેક્ટિસ કરવામાં આવી હતી, જેથી શોટ રમવાની પ્રેક્ટિસ ખુલીને કરી શકાય. તેની અસર IPLની 15મી સિઝનમાં જોવા મળી રહી છે. અત્યાર સુધીની 3 ગેમમાં તેનું પ્રદર્શન શાનદાર રહ્યું છે.

T20 વર્લ્ડ કપ માટે ફિનિશરના પ્રબળ દાવેદાર
​​​​​​
​તેવટિયાના કોચનું કહેવું છે કે ધોનીના ગયા પછી ટીમ ઈન્ડિયા પાસે તેના જેવો ફિનિશર નથી. ટીમ ઈન્ડિયામાં ફિનિશરની જગ્યા ખાલી છે. રાહુલે શરૂઆતની મેચોમાં પોતાના પ્રદર્શનના આધારે બતાવ્યું છે કે તે ફિનિશરની જગ્યા ભરવા માટે તૈયાર છે. જો પંજાબ કિંગ્સ સાથેની મેચની વાત કરીએ તો ટીમ માટે છેલ્લા 2 બોલ પર ટીમને જીતવા માટે 12 રનની જરૂર હતી અને જીત અપાવી. તે જ સમયે, લખનઉ જાયન્ટ્સ સામે ટીમ માટે ફિનિશરની ભૂમિકા ભજવતા, તેણે 24 બોલમાં 40 રન ફટકારીને જીત અપાવી. દિલ્હી કેપિટલ્સ સામે 8 બોલમાં 14 રન બનાવ્યા હતા.

2020માં 5 બોલ પર 5 છગ્ગા ફટકારી ચર્ચામાં આવ્યો હતો
રાહુલ તેવટિયાએ 2014માં IPLમાં ડેબ્યૂ કર્યું હતું, પરંતુ ચર્ચામાં તે 2020માં આવ્યો હતો. તે રાજસ્થાન રોયલ્સ તરફથી રમતી વખતે પંજાબ કિંગ્સ સામે શેલ્ડન કોટ્રેલની બોલિંગ સામે સતત પાંચ સિક્સર ફટકારીને લાઈમ લાઈટમાં આવ્યો હતો. આ મેચમાં 31 બોલમાં 53 રનની ઇનિંગ રમીને હારેલી મેચ રાજસ્થાનને જીતાડી દીધી હતી.

2020ની સરખામણીમાં 2021માં ખરાબ પ્રદર્શન
રાહુલ તેવટિયા માટે પાછલી સિઝન ખૂબ જ ખરાબ રહી હતી. આ પહેલા તેણે 2020માં રાજસ્થાન રોયલ્સ તરફથી રમાયેલી 14 મેચોમાં 42.50ની એવરેજથી 255 રન બનાવ્યા હતા. તેમજ તેનો સ્ટ્રાઈક રેટ 139.34 હતો. આ સિવાય તેણે 10 વિકેટ પણ લીધી હતી.

ગઈ સિઝનમાં, તેણે રાજસ્થાન માટે 14 મેચ રમી હતી, જેમાં તેણે 15.50ની એવરેજથી 155 રન બનાવ્યા હતા અને 8 વિકેટ લીધી હતી. તેનો સ્ટ્રાઈક રેટ 105.44 હતો. IPLના પહેલા તબક્કામાં રમાયેલી 7 મેચમાં માત્ર 86 રન બનાવ્યા અને બોલિંગમાં પણ ખાસ કરી શક્યો નહીં અને માત્ર 2 વિકેટ લીધી હતી. UAEમાં બીજા તબક્કામાં રમાયેલી 7 મેચોમાં રાહુલ તેવટિયા માત્ર 12, 2, 0, 9, 2 રન જ બનાવી શક્યો હતો અને તેણે એક વાર તેની બેટિંગ આવી નહોતી. જોકે આ દરમિયાન રાહુલે પાંચ વિકેટ ઝડપી હતી.

અન્ય સમાચારો પણ છે...