• Gujarati News
  • Sports
  • Cricket
  • Ipl
  • A Spike Appeared In The Sneako Meter Before The Ball And Bat Made Contact !, The Third Umpire Gave Out; Coaches Including Akash Ambani Annoyed

રોહિતની વિવાદાસ્પદ વિકેટ:બોલ અને બેટના સંપર્ક પહેલાં સ્નિકો મીટરમાં સ્પાઇક દેખાયો!, થર્ડ અમ્પાયરે આઉટ આપ્યો; આકાશ અંબાણી સહિત કોચ નારાજ

11 દિવસ પહેલા
  • કૉપી લિંક

IPL 2022ની 56મી મેચ મુંબઈ અને કોલકાતા વચ્ચે રમાઈ હતી. જેમાં રોહિત શર્માને આઉટ આપવાના નિર્ણયથી વિવાદ સર્જાયો છે. ઉલ્લેખનીય છે કે પેહલી ઓવરમાં રોહિત સામે કોટ બિહાઈન્ડની અપિલ થઈ હતી. પરંતુ ફિલ્ડ અમ્પાયરે નોટ આઉટ આપતાં કોલકાતાએ DRS લીધો હતો. જોકે આ દરમિયાન બોલ અને બેટનો સંપર્ક થાય એની પહેલાંથી સ્નિકો મીટરમાં સ્પાઈક જોવા મળ્યો અને થર્ડ અમ્પાયરે OUT આપતાં બધા ચોંકી ગયા હતા. આકાશ અંબાણી અને હેડ કોચ જયવર્દને પણ આ નિર્ણયથી નાખુશ જોવા મળ્યા હતા. ચલો, સમગ્ર ઘટના પર નજર ફેરવીએ...

બોલ અને બેટનો સંપર્ક થાય એ પહેલાંથી સ્નિકો મીટરમાં સ્પાઈક જોવા મળ્યો હતો. ફોટો સૌજન્ય- IPL/સો.મીડિયા
બોલ અને બેટનો સંપર્ક થાય એ પહેલાંથી સ્નિકો મીટરમાં સ્પાઈક જોવા મળ્યો હતો. ફોટો સૌજન્ય- IPL/સો.મીડિયા

તમારા મત મુજબ રોહિત આઉટ હતો કે નોટઆઉટ એ અંગે પોલમાં તમે જણાવી શકો છો...

ફિલ્ડ અમ્પાયરે નોટઆઉટ આપ્યો, DRS પછી વિવાદાસ્પદ નિર્ણય
રોહિત શર્મા સામે મુંબઈના ઈનિંગની પહેલી ઓવરના છેલ્લા બોલ પર કોટ બિહાઈન્ડની અપિલ થઈ હતી. જેને ફિલ્ડ અમ્પાયરે નકારી કાઢી હતી. પરંતુ કોલકાતાની ટીમે રિવ્યૂ લીધો હતો. રિપ્લેમાં સ્પષ્ટપણે જોવા મળ્યું હતું કે રોહિતના બેટ અને બોલ વચ્ચે સંપર્ક થાય એના પહેલા સ્નિકો મીટરમાં સ્પાઈક જોવા મળ્યો હતો. વળી રિપ્લે જોતા પણ અનુમાન લગાવાઈ રહ્યું છે કે બોલ અને બેટ વચ્ચે 1 ઇંચથી વધુનું અંતર પણ હતું. છતા થર્ડ અમ્પાયરે સ્નિકો મીટરના સ્પાઈકના આધારે આઉટનો નિર્ણય આપી દીધો હતો.

રોહિતને આઉટ આપતાં આકાશ અંબાણી પણ સ્તબ્ધ થઈ ગયો. ત્યાર પછી થર્ડ અમ્પાયરના નિર્ણયથી તે પણ સ્પષ્ટપણે નારાજ હોય એવું જોવા મળ્યું હતું. ફોટો સૌજન્ય- IPL/સો.મીડિયા
રોહિતને આઉટ આપતાં આકાશ અંબાણી પણ સ્તબ્ધ થઈ ગયો. ત્યાર પછી થર્ડ અમ્પાયરના નિર્ણયથી તે પણ સ્પષ્ટપણે નારાજ હોય એવું જોવા મળ્યું હતું. ફોટો સૌજન્ય- IPL/સો.મીડિયા

આકાશ અંબાણી અને હેડ કોચ નિર્ણયથી નારાજ થઈ ગયા
રિપ્લે જોયા પછી તથા ફિલ્ડ અમ્પાયરના નિર્ણયને બદલી થર્ડ અમ્પાયરે રોહિતને આઉટ આપતા બધા ચોંકી ગયા હતા. રોહિત શર્માની પ્રતિક્રિયાથી પણ અનુમાન લગાવાઈ રહ્યું છે કે તેના બેટ અને બોલ વચ્ચે સંપર્ક થયો નથી. તો બીજી બાજુ આકાશ અંબાણી, હેડ કોચ જયવર્દને પણ ચોંકી ગયા અને નારાજ પણ થઈ ગયા હતા. ઉલ્લેખનીય છે કે આ સિઝનમાં હિટમેન કંઈ ખાસ કરી શક્યો નથી તેવામાં આ પ્રમાણેના વિવાદિત નિર્ણયથી વિકેટ ગુમાવ્યા પછી રોહિત પણ નાખુશ થઈ ગયો હતો.

રોહિતને આઉટ આપ્યા પછી કોચ સહિત ફેન્સ નારાજ, ચલો વાઈરલ પ્રતિક્રિયા પર નજર ફેરવીએ..

મુંબઈના હેડ કોચ જયવર્દને પણ થર્ડ અમ્પાયરના નિર્ણયથી નારાજ જોવા મળ્યા હતા. ફોટો સૌજન્ય- IPL/સો.મીડિયા
મુંબઈના હેડ કોચ જયવર્દને પણ થર્ડ અમ્પાયરના નિર્ણયથી નારાજ જોવા મળ્યા હતા. ફોટો સૌજન્ય- IPL/સો.મીડિયા
હિટમેન પેવેલિયન ભેગો થયો ત્યારે તેની પત્ની રિતિકા અને પુત્રી પણ ઉદાસ થઈ ગયાં હતાં. ફોટો સૌજન્ય- IPL/ સો.મીડિયા
હિટમેન પેવેલિયન ભેગો થયો ત્યારે તેની પત્ની રિતિકા અને પુત્રી પણ ઉદાસ થઈ ગયાં હતાં. ફોટો સૌજન્ય- IPL/ સો.મીડિયા
સો.મીડિયા યૂઝર્સે કહ્યું આ સિઝનમાં સૌથી ખરાબ અમ્પાયરિંગ થઈ છે
સો.મીડિયા યૂઝર્સે કહ્યું આ સિઝનમાં સૌથી ખરાબ અમ્પાયરિંગ થઈ છે

હિટમેનનું મેચમાં પ્રદર્શન

  • રોહિત શર્માએ આ મેચમાં 6 બોલ રમ્યા હતા, જેમાં 2 રન કરી શક્યો હતો.
  • રોહિતની વિકેટ ટિમ સાઉથીએ લીધી હતી.
  • મુંબઈ ઈન્ડિયન્સે 5 ઓવરમાં 32 રનના સ્કોર સુધી 2 વિકેટ ગુમાવી દીધી હતી.
અન્ય સમાચારો પણ છે...