ઉતરાયણમાં પતંગના દોરાથી ઈજાગ્રસ્ત થતાં મૂંગા પક્ષીઓ માટે સિવિલમાં રેસ્ક્યુ સેન્ટર શરૂ કરાયું

સુરતઃ સિવિલ હોસ્પિટલ નર્સિંગ એસોસિએશન સહયોગી સંસ્થાઓ દ્વારા ઉતરાયણના તહેવારમાં ઈજાગ્રસ્ત થતાં પશુ પક્ષી લોકો માટે સેન્ટરની શરૂઆત કરવામાં આવી છે. જેનો આજે પ્રારંભ કરવામાં આવ્યો હતો. સેન્ટર શરૂ થતાં જ ઈજાગ્રસ્ત ઘુવડને લાવવામાં આવ્યું હતું. સેન્ટરની શરૂઆત કરતાં નર્સિંગ એસોશિએશનના સેક્રેટરી કિરણ દોમડીયાએ જણાવ્યું હતું કે, લોકો અને મૂંગા પક્ષીઓને વહેલી અને જરૂરી સારવાર ઝડપથી મળી રહે તે માટે આ સેન્ટરની શરૂઆત કરવામાં આવી છે.

કબુતરનું ઉધનામાં રેસક્યુ
ઉધના વિસ્તારમાં રાત્રિના સમયે કબુતરનું રેસ્ક્યુ કરવામાં આવ્યું હતું. હાઈટેન્શનના થાંભલા પર કબુતર બેસી રહ્યું હતું. જેથી સ્થાનિકોએ ફાયરબ્રિગેડને જાણ કરી હતી. ફાયરબ્રિગેડે ઘટના સ્થળે પહોંચીને કબુતરને સલામત રીતે નીચે ઉતારીને રેસક્યુ કર્યું હતું. મૂંગા પક્ષીઓ માટેના ખુલ્લા આકાશમાં ઉતરાયણના દિવસો દરમિયાન કાતિલ પતંગના દોરાથી ઈજા પામવાના બનાવોને પગલે શહેરની અનેક સંસ્થાઓ દ્વારા સેવાકીય પ્રવૃતિ માટે સેન્ટર શરૂ કરવામાં આવ્યાં છે. જેથી મૂંગા પક્ષીઓને તાત્કાલિક સારવાર મળી રહે.