સૌરાષ્ટ્રમાં પતંગરસિકોમાં ઉત્સાહ જોવા મળ્યો, રાજકોટીયનોએ કાપ્યો છેની ચિચિયારી કરી પતંગ ચગાવ્યા, બેને દોરી વાગવાથી ઇજા

રાજકોટ: રાજકોટ સહિત સૌરાષ્ટ્રભરમાં આજે ઉત્તરાયણની ઉજવણી થઇ રહી છે. સવારે આઠ વાગ્યા સુધી પવન નહીંવત હતો પરંતુ બાદમાં પવનની ગતિ વધતા પતંગરસિકોમાં ઉત્સાહ આવ્યો હતો અને ચિચિયારીઓ સાથે પતંગ ઉડાડી રહ્યા છે. રાજકોટમાં હાસ્ય કલાકાર સાંઇરામ દવેએ પતંગ ઉડાડી હતી. શહેરના ચોકે ચોકે બલૂન વેચાઇ રહ્યા છે. શહેરમાં કોઠારીયા રોડ અને કાલાવડ રોડ પર બપોર સુધીમાં દોરી વાગવાથી એક 18 વર્ષીય યુવતી અને એક યુવકને ઇજા પહોંચી હતી. બંને 108 મારફત સારવાર માટે હોસ્પિટલ ખસેડાયા છે. 

ડીજેના તાલે રાસ-ગરબા અને ચીકી, જીંજરાની જીયાફત
ઉત્તરાયણ પર્વ હોય રાજકોટવાસીઓ અગાસી પર ચડી ગયા છે અને સાથે ડીજેના તાલે રાસ-ગરબા પણ લેવાય રહ્યા છે. રંગબેરંગી પતંગોથી આકાશ છવાઇ ગયું છે. પતંગ ઉડાવવાની સાથે લોકો આગાસી પર જ ચીકી, શેરડી, જીંજરાની જીયાફત માણી રહ્યા છે પવનનો સાથ મળતા ઠેર ઠેર અગાસીઓ પતંગરસિકોથી જોવા મળી રહી છે. 

બાલાજી હનુમાન મંદિરમાં પતંગ-દોરાનો શણગાર
શહેરના પ્રખ્યાત બાલાજી હનુમાન મંદિરમાં હનુમાન દાદાને પતંગ દોરાનો શણગાર કરવામાં આવ્યો છે. દર તહેવારે આ મંદિરમાં હનુમાન દાદાને શણગાર કરવાનું મહત્વ છે. વહેલી સવારથી લોકો દર્શન માટે ઉમટી પડ્યા હતા. આજના દિવસે દાનનું પણ અનેરું મહત્વ રહેલું છે ત્યારે રાજકોટમાં અલગ-અલગ જગ્યાઓ પર સામાજીક સંસ્થાઓ- શાળાઓ દ્વારા દાન સ્વીકારવામાં આવે છે. આ માટે ખાસ વ્યવસ્થાઓ પણ ગોઠવવામાં આવી છે.

ઉત્તરાયણ પર લોકોએ આટલું ન કરવું

ઘાયલ પક્ષીઓને જુઓ તો આ નવ સ્થળે ઉભા કરાયેલા કંટ્રોલ રૂમમાં ફોન કરો