તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

ખાંભા સહિત ગીર-સોમનાથના ગ્રામ્ય વિસ્તારમાં ધોધમાર વરસાદ, મગફળીના પાક પર પાણી ફરી વળતા ખેડૂતો ચિંતામાં

એક વર્ષ પહેલા
  • કૉપી લિંક
  • ખાંભાના ગ્રામ્ય વિસ્તારમાં એક કલાકમાં 2 ઇંચ વરસાદ
  • ખેડૂતોના કપાસ અને મગફળીના પાક પર પાણી ફરી વળ્યાં
  • ગીર-સોમનાથ, તલાલા અને કોડીનારના ગ્રામ્ય વિસ્તારોમાં મેઘો અનરાધાર વરસ્યો

અમરેલી, જૂનાગઢઃ ખાંભા અને ગીર સોમનાથની આસપાસના ગ્રામ્ય વિસ્તારોમાં મેઘરાજાએ ધમાકેદાર એન્ટ્રી કરી છે. ભારે પવન સાથે ધોધમાર વરસાદની શરૂઆત થઈ છે. ખાંભાના કતારપરા સહિત આસપાસના ગામોમાં સતત વરસાદ વરસી રહ્યો છે. જેને કારણે સામાન્ય જનજીવન ખોરવાય ગયું છે. ખાંભાના ગ્રામ્ય વિસ્તારમાં છેલ્લા એક કલાકમાં 2 ઇંચ જેટલો વરસાદ ખાબક્યો છે. ઉલ્લેખનીય છે કે, ભારે વરસાદને કારણે ખેડૂતોમાં ભયનો માહોલ સર્જાયો છે. વરસાદના વિરામ બાદ ખેડૂતોએ મગફળીનો પાક લીધો હતો. જેમાં વરસાદે વિઘ્ન નાંખ્યું છે. વરસાદને કારણે મગફળીનો પાક નિષ્ફળ જવાની શક્યતાઓને પગલે ખેડૂતોમાં ચિંતાનો માહોલ છે.

ગીર-સોમનાથના અનેક વિસ્તારોમાં વરસાદ
ગીર-સોમનાથ પંથકની આસપાસના ગામોમાં પણ વરસાદે માઝા મૂકી છે. જિલ્લાના નાવુંદ્ર, કોડીધરા, મેઘપુર, માથાસુળિયા, ભેટાળી સહિતના ગ્રામ્યપંથકમાં ગાજવીજ સાથે ધોધમાર વરસાદ વરસી રહ્યો છે. છેલ્લા એક કલાકમાં અહીં દોઢ ઇંચથી વધુ વરસાદ વરસી ગયો છે. ભારે વરસાદને કારણે ખેડૂતોના પાકને પણ નુકસાન થયું છે. ગીરના ઉપરવાસમાં સતત વરસી રહેલા વરસાદને કારણે રાવલ નદીમાં પૂર આવ્યું છે. આ ઉપરાંત તલાલાના માધુપુર, જસાધાર, જાંબુર અને જશાપુર સહિત કોડીનારના ગ્રામ્ય વિસ્તારોમાં પણ વરસાદી ઝાપટાં પડ્યાં છે.

0

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આ સમય આર્થિક પક્ષ પહેલાંથી વધારે સક્ષમ અને સુદૃઢ સ્થિતિમાં રહેશે. થોડાં સમયથી ચાલી રહેલી ચિંતાઓથી રાહત મળશે. પરિવારના લોકોની દરેક નાની-મોટી જરૂરિયાતો પૂર્ણ કરવામાં તમને આનંદ મળશે. નેગેટિવ...

વધુ વાંચો