ગેસનાં ટેન્કર બાદ હવે સિમેન્ટનાં ટેન્કરમાં 20 લાખનો દારૂ ઘૂસાડ્યો

જૂનાગઢ: રાજસ્થાનથી મોટા પ્રમાણમાં જૂનાગઢ દારૂ આવતો હોવાનું સામે આવી રહ્યું છે. થોડા સમય પહેલા જ શહેરના જીઆઇડીસી વિસ્તારમાંથી દારૂ ભરેલા ગેસના ટેન્કરને ઝડપી લીધું હતું. ત્યારે ફરી એક વખત વિજાપુર ગામના ચોકમાં પડેલ સિમેન્ટના ટેન્કરમાંથી 20.94 લાખ રૂપિયાનો દારૂ ગાંધીનગર સ્ટેટ મોનીટરીંગ સેલ ઝડપી લઇ ત્રણ આરોપીને ઝડપી લીધા હતા. જ્યારે દારૂ મોકલનાર સહિત કુલ 5ના નામ પણ ખુલ્યા છે.
રાજસ્થાનથી સિમેન્ટના ટેન્કરમાં વિદેશી દારૂ ભરી જૂનાગઢના વિજાપુર ગામે આવ્યો હોવાની ગાંધીનગર સ્ટેટ મોનીટરીંગ સેલને બાતમી મળી હોવાથી દરોડો પાડતા વિજાપુરમાં સિમેન્ટનું ટેન્કર પડ્યું  હતું. જેની તલાસી લેતા તેમાંથી વિદેશી દારૂ મળી આવ્યો હતો. આની જાણ થતા જૂનાગઢ પોલીસે માંગીલાલ બિશ્ર્નોઇ, અશોક પવાર અને નિમેષ ચૌહાણને ઝડપી લીધા હતા.