તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

જી.જી. હોસ્પિટલમાં લાખોનો પગાર ખાઇ ખાનગી દુકાન ખોલનારા તબીબો સામે પગલાં જરૂરી

એક વર્ષ પહેલા
  • કૉપી લિંક
પ્રતિકાત્મક તસવીર

જામનગરઃ “પૈસો મારો પરમેશ્વર અને હું પૈસાનો દાસ” આ કહેવત જી.જી. હોસ્પિટલના અમુક પ્રાઇવેટ પ્રેક્ટીસ કરતા ડોકટરોને સુપેરે લાગુ પડે છે. શહેર જયાં એકબાજુ રોગચાળાના ભરડામાં છે, લોકોથી હોસ્પિટલ ઉભરાઇ રહી છે ત્યારે અમુક ડોકટરો તેની ખાનગી પ્રેકટીસમાંથી ઉંચા નથી આવતા જે સંપૂર્ણપણે પ્રતિબંધિત છે. જામનગરની સરકારી જી.જી. હોસ્પિટલમાં હાલ 3200 ઉપરાંતના નવા દર્દીઓની ઓપીડી દરરોજની છે. ત્યારે સરકારમાંથી લાખો રૂપિયા પગાર મેળવતા અમુક તબીબોના પેટ જાણે ખાલી જ રહેતા હોય તેમ તેઓ હોસ્પિટલમાં ઓછા અને પોતાની પ્રાઇવેટ પ્રેકટીસમાં વધુ ધ્યાન આપે છે. જેના કારણે દર્દીઓને અને સરકારને બમણો માર પડે છે. ખાનગી દવાખાના ખોલીને બેસેલા તેમજ ખાનગી દવાખાનામાં સેવા આપતા અા તબીબો લાખો રૂપિયાની ઉપરની આવક મેળવે છે અને સરકારના જમાઇ થઇને મહિને 3 લાખ જેવો પગાર પણ પડાવે છે. આ મુદ્દે હવે ફરિયાદો થતા તંત્ર દ્વારા કડક કાર્યવાહીના નિર્દેશો અપાયા છે.

ગુજરાત હાઇકોર્ટમાં રિટ પિટિશન કરાઇ છે
અમરેલીના એક ટુયટર દ્વારા ખાનગી પ્રેકટીશ કરતા ગુજરાતના 300 જેટલા ડોકટરો સામે ગુજરાત હાઇકોર્ટમાં રીટ પીટીશન દાખલ કરવામાં આવી છે. જેમા જાણવા મળ્યું છે જામનગરના 14 તબીબોના નામ તેમા છે. જેમની પાસેથી ખુલાસો માંગવામાં આવ્યો છે.

અમે તબીબો પાસેથી બાંયધરી પત્ર લઇએ છીએ
ખાનગી પ્રેકટીસની તબીબોને સદંતર મનાઇ છે અમે પગાર કરતા પહેલા તમામ તબીબો પાસેથી એક બાંહેધરી પત્ર લઇએ છીએ જેમાં તેઓ ખાનગી પ્રેકટીશ કરતા નથી અને જો કરત હશે તો થનાર કાર્યવાહીની સંપૂર્ણ જવાબદારી તેમની રહેશે તેવું લખાણ લઇએ છીએ. - ડો. નલીની દેસાઇ, ડીન, જામનગર મેડીકલ કોલેજ

0

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આ સમય આર્થિક પક્ષ પહેલાંથી વધારે સક્ષમ અને સુદૃઢ સ્થિતિમાં રહેશે. થોડાં સમયથી ચાલી રહેલી ચિંતાઓથી રાહત મળશે. પરિવારના લોકોની દરેક નાની-મોટી જરૂરિયાતો પૂર્ણ કરવામાં તમને આનંદ મળશે. નેગેટિવ...

વધુ વાંચો