• Home
  • Dvb
  • Dbv
  • winched himself down & waded through neck deep water at Navsari

નવસારી / એરફોર્સના અધિકારીએ જાતે ગળાડૂબ પાણીમાં ઉતરીને મહિલાને એરલિફ્ટ કરી, યૂઝર્સે પણ સાક્ષાત ભગવાન કહીને શાબાશી આપી

  • ઈન્ડિયન એરફોર્સના સત્તાવાર ટ્વિટર અકાઉન્ટ પર આ દિલધડક રેસ્ક્યુનો વીડિયો શેર કરાયો

Divyabhaskar.com

Aug 06, 2019, 06:33 PM IST

વીડિયો ડેસ્ક: દક્ષિણ ગુજરાતમાં વરસેલા અનરાધાર વરસાદના પગલે અંબિકા અને કાવેરી નદી ગાંડીતૂર બની હતી. બંને નદીઓ બે કાંઢે વહેવા લાગતાં અનેક લોકોને સલામત સ્થળે પણ ખસી જવાની સૂચનાઓ આપવામાં આવી હતી. જો કે, ગણદેવી પાસેના કેટલાય વિસ્તારોમાં સ્થાનિકો ફસાયા હતા. અમૂક વિસ્તારો તો એવા પણ હતા જ્યાં એનડીઆરએફની ટીમ પણ ના પહોંચી શકતાં ભારતીય વાયુસેનાએ રેસ્ક્યુની કમાન સંભાળી હતી. બે હેલિકોપ્ટર દ્વારા બચાવ કામગીરી હાથ ધરીને 35 જેટલા લોકોને એરલિફ્ટ કરીને તેમનો જીવ બચાવ્યો હતો.
ઈન્ડિયન એરફોર્સના સત્તાવાર ટ્વિટર અકાઉન્ટ પર આ દિલધડક રેસ્ક્યુના વીડિયોઝ પણ શેર કરવામાં આવ્યા હતા. ગળાડૂબ પાણીમાં જીવતા રહેવાની જહેમત કરતાં એક મહિલાને જે રીતે એરલિફ્ટ કરાયાં હતાં તેનો આ વીડિયો પણ વાઈરલ થવા લાગ્યો છે. આ વીડિયો શેર કરીને તેના કેપ્શનમાં લખવામાં આવ્યું છે કે, ગળાડૂબ પાણીમાં ડૂબેલાં આ મહિલા લિફ્ટ કરવા માટેના આ ક્રેડલને જોઈને ડરના માર્યાં અંદર બેસવાની મનાઈ કરી રહ્યાં હતાં. જેથી તેમને સમજાવીને ઉપર લાવવા માટે ફ્લાઈટ લેફ્ટનન્ટ કરણ દેશમુખ પોતે પણ ગળાડૂબ પાણીમાં ઉતર્યા હતા. જ્યાં ભારે જહેમત બાદ ડરેલી મહિલાને હિંમત આપીને અંદર બેસાડવામાં સફળતા મળી હતી.

X

Next Stories

    ની  સંપૂર્ણ વાંચનસામગ્રી