ચાલો સિનેમા- ભાવના સોમૈયા / વહીદા રહેમાન : અભી તો મૈં જવાન હૂં

article by bhawana somaaya

Divyabhaskar.com

Dec 13, 2019, 05:50 PM IST
ચાલો સિનેમા- ભાવના સોમૈયા
મને હજી તો વિચાર જ આવ્યો હતો કે આશુતોષ ગોવારિકર નસીબદાર છે કેમ કે એમની ફિલ્મને રીલિઝ વખતે કોઇ સમસ્યાનો સામનો નથી કરવો પડ્યો, પણ મને ખ્યાલ આવ્યો કે મેં જરા વહેલો આ વિચાર કર્યો કેમ કે એ સવારે જ છાપાંમાં સમાચાર હતા કે ‘પાનીપત’માં ગોવારિકરે કેટલીક વિરૂપકારક હકીકતો દર્શાવી હોવાનો આક્ષેપ કરીને રાજસ્થાનમાં તેમનો વિરોધ થયો. એમ તો ગોવારિકરે ‘જોધા અકબર’ દરમિયાન અનેક વિવાદોનો સામનો કર્યો છે અને હવે ‘પાનીપત’ પણ એ જ રીતે વિવાદનો ભોગ બની છે. દરેક વખતે જ્યારે કોઇ ઐતિહાસિક ફિલ્મ બનાવવામાં આવે છે, ત્યારે કોઇ ને કોઇ વિવાદનો સામનો કરવો પડે છે અને છતાં અનેક પ્રોડક્શન હાઉસીસ ઇતિહાસ દર્શાવે છે. હવે કતારમાં અજય દેવગણની ‘તાનાજી’ છે.
શો બિઝનેસ અનેક માગણીઓ કરતું ક્ષેત્ર છે. હાલની પેઢીને ખ્યાલ છે કે પોતાના પેશનમાં રોકાણ કરવામાં શાણપણ છે અને અનેક કલાકારો સ્ક્રીન પર દેખાવા ઉપરાંત, અન્ય કાર્યો પણ કરી રહ્યા છે. સલમાન ખાન પેઇન્ટ્સ કરે છે, ડિમ્પલ મીણબત્તીઓ બનાવે છે, અમિતાભ બચ્ચન સંગીત રચે છે, ફરહાન અખ્તર ગાયન કરે છે, અભિષેક બચ્ચનને કબડ્ડી અને ફૂટબોલમાં માં રસ દાખવે છે અને વહીદા રહેમાન ફોટોગ્રાફી કરે છે. હા, તમે બરાબર વાંચ્યું છે. લગભગ પાંચ દાયકાથી વધારે સક્રિય આ સેન્સેશનલ અભિનેત્રી વાઇલ્ડ લાઇફ ફોટોગ્રાફર છે.
વહીદાને ગુરુ દત્ત સાથેની બ્લેક એન્ડ વ્હાઇટ ફિલ્મોમાં અભિનય દરમિયાન ફ્રેમ્સનું ચિત્રાંકન જોયાં કરતાં હતાં. કઇ રીતે સિનેમેટોગ્રાફર કામ કરે છે? એ જ્યારે રજા પર જતાં ત્યારે પરિવારના ફોટા ક્લિક કરીને ખુશ થતાં. તેમણે બિગ સ્ક્રીન પરથી નિવૃત્તિ લીધાના ઘણા વર્ષો પછી એ એક ફોટોગ્રાફરને મળ્યા જે ખરેખર તાલીમ આપવા ઉત્સાહિત હતો ત્યારે વહીદાએ આ તક ઝડપી લીધી. આ સંદર્ભમાં હિમાંશુ શેઠ ઉત્તમ ગુરુ છે કે તેમને ટ્રાવેલ કરવાની સાથે ફોટોગ્રાફી કરવાનું પણ ખૂબ ગમે છે અને તેઓ ભારત અને વિદેશના ફોટો સફારીનું આયોજન કરે છે.
તેમણે પોતાની પસંદગીના ખાસ વિદ્યાર્થીઓ સાથે મુસાફરી કરી અને તેમની વ્યક્તિગત સ્ટાઇલ વિકસવા દીધી. વહીદા રહેમાને પણ ફોટોસફારી સાથે અનેક સ્થળોએ પ્રવાસ કર્યો અને આજે તેમની સાથે પરિવારના સભ્ય જેવા છે. મને વહીદા રહેમાનની ફોટોગ્રાફર તરીકેની પ્રતિભાનો ખ્યાલ ભોપાલના વાઇલ્ડ લાઇફ ફિલ્મ ફેસ્ટિવલ ખાતે અમારી વચ્ચે થયેલી વાતચીત દરમિયાન આવ્યો. તેમણે વહીદાના ફોટોગ્રાફ્સના પ્રદર્શનનું આયોજન કર્યું હતું, પણ વહીદા તે અંગે કહેતાં શરમાતાં હતાં.
ગત સપ્તાહે હિમાંશુ શેેઠે મંુબઇમાં નવી શરૂ થયેલ નાઇન ફિશ આર્ટ ગેલેરી ખાતે ‘મેરાકી’ સમૂહ એક્ઝિબિશનની આયોજન કર્યું. એમાં 24 ફોટોગ્રાફર્સના નામમાં કેટલાક જાણીતા નામ સાથે વહીદા રહેમાન, ઉર્વી પિરામલના નામનો સમાવેશ પણ થતો હતો. તે સાથે રૂપ કુમાર રાઠોડે અહીં પોતાનું પુસ્તક ‘વોયેજ’ પણ લોંચ કર્યું. આ ઇવેન્ટમાં કલા વિશ્વના અનેક લોકોએ હાજરી આપી. ‘દિલ્લી-6’ના ડિરેક્ટર રાકેશ ઓમપ્રકાર મેહરાએ તેમના પેઇન્ટિંગ ખરીદ્યા અને તેમની બે નિકટતમ સખીઓ આશા પારેખ અને હેલન હાજર હતાં.
અનેક કોમ્પ્લિમેન્ટ્સ વચ્ચે વહીદા રહેમાને આસપાસની ગેલેરીઝમાં પણ આંટો માર્યો અને અન્ય ફોટોગ્રાફર્સના કામની પ્રશંસા પણ કરી. થોડી વાર બાદ, એ એક શાંત જગ્યાએ બેસી પોતાની બહેનપણીઓ સાથે વાતો કરવા લાગ્યાં. હેલન પોતાની સખીની પ્રતિભાને જોતાં ખૂબ ઉત્સાહી હોય તેવું સ્પષ્ટ જણાઇ આવતું હતું અને તેમને છુપા રુસ્તમ કહેતાં વિચારતાં કે વહીદા રહેમાનને તો ડાન્સ પ્રત્યે જ આકર્ષણ હતંુ, પણ ફોટોગ્રાફીનો શોખ નીકળ્યો. આશા પારેખે જણાવ્યું કે તેમને પોતાની આ સહેલી માટે ગર્વ છે અને તેઓ તેમની સાથે રહેશે.
પાછા ફરતાં હું વહીદા રહેમાન વિશે વિચારી રહી હતી કે એ કેટલાં પ્રેરણાદાયી છે. એંસી વર્ષની વયે પણ તે ગ્રેસફુલ તો લાગે છે, તે સાથે તેમની અલગ અલગ બાબતો અંગેની ક્ષમતા સાચે જ ઉદાહરણરૂપ છે. મેંે તેમને પૂછ્યું કે કઇ રીતે તમે આ બધું કર્યું તો જવાબ મળ્યો, ‘મેં ક્યારેય મારી ઉંમર વિશે વિચાર નથી કર્યો. ’[email protected]
X
article by bhawana somaaya

Next Stories

    ની  સંપૂર્ણ વાંચનસામગ્રી