• Home
  • Dvb
  • Dbv
  • A little girl in China has falling out of a window on the 26th floor

ચમત્કાર / 26મા માળેથી નીચે પડી બાળકી, ઉભી થઈને શાંતિથી ડ્રેસ ખંખેરીને ચાલી નીકળી

A little girl in China has  falling out of a window on the 26th floor

Divyabhaskar

Apr 08, 2019, 08:05 PM IST
ચીનમાં આવેલ ચોંગ્કિંગની એક બિલ્ડિંગના સીસીટીવીમાં જે અકસ્માત કેદ થયો હતો તે કોઈ ચમત્કાર કરતાં સહેજ પણ ઉણો ઉતરે તેમ નહોતો. બહુમાળી ઈમારતના 26મા માળે રમતી એક બાળકી અચાનક જ બાલ્કનીમાંથી નીચે પટકાઈ હતી. તે પડતી હોય તેવા દૃશ્યો પણ સીસીટીવીમાં કેદ થયા હતા. માત્ર 6 વર્ષની આ બાળકી સાથે પછી જે થયું હતું તે સૌ કોઈને આશ્ચર્યચકિત કરી ગયું હતું. સ્વાભાવિક છે કે આટલે ઉંચેથી કોઈ પણ પટકાય તો તેના બેઠા થવાની તો ઠીક જીવતા રહેવાની પણ આશા ઠગારી નીવડે. સુખદ વાત એ હતી કે તે ઉપરથી સીધી નીચે પટકાવાની જગ્યાએ પહેલાં એક કાચના શેડ પર પડી હતી જેના લીધે તેની ગતિમાં ઘટાડો થયો હતો. નીચે પડીને થોડીક જ ક્ષણોમાં તો તે પોતાનો ડ્રેસ સરખો કરીને ચાલી નીકળી હતી. જો કે જેણે પણ આ નજારો જોયો હતો તેઓ પણ માનવા લાગ્યા હતા કે ખરેખર કોઈ અજ્ઞાત શક્તિ જ બાળકીની મદદે આવી હશે નહિંતર આ રીતે કોઈનો બચાવ ના જ થાય. મળતી માહિતી મુજબ તેના હાથમાં ફ્રેક્ચર થવાથી તેને સારવાર માટે દાખલ કરવામાં આવી હતી. આ બધામાં સૌથી વધુ આંચકાજનક વાત એ બહાર આવી હતી કે તેના માબાપ તેને ઘરની અંદર બંધ કરીને કોઈ કામ માટે બહાર ગયા હતા ત્યારે જ આ દુર્ઘટના ઘટી હતી.
X
A little girl in China has  falling out of a window on the 26th floor

Next Stories

    ની  સંપૂર્ણ વાંચનસામગ્રી