Back કથા સરિતા

(પ્રકરણ - 3839)
પ્રકરણ-3396

100 વર્ષ અગાઉ દાદાએ ચોરી હતી દ્રૌપદીની પૌરાણિક મૂર્તિ, પૌત્રએ દિવાલની અંદરથી કાઢીને મંદિરમાં સ્થાપના કરાવી

  • પ્રકાશન તારીખ30 Apr 2019
  •  

તમિલનાડુના મદુરાઈમાં એક આશ્ચર્યજનક મામલો પ્રકાશમાં આવ્યો હતો.જ્યાં મેલુરના એક મંદિરમાં 1915માં ચોરાયેલી એક મૂર્તિ દિવાલની અંદરથી હવે 104 વર્ષ બાદ હાથ લાગી છે. એવું કહેવાય છે કે આ મૂર્તિ તે સમયના પૂજારી એવા કરુપ્પાસામીએ ચોરી હતી, બાદમાં તેને દુનિયાથી સંતાડવા માટે જ આ રીતે દિવાલમાં ચણી લીધી હતી. તેમના પરિવારે આજે 104 વર્ષ બાદ આ મૂર્તિ બહાર નીકાળીને મંદિર પ્રશાસનને સોંપી દીધી હતી. પોલીસ પણ આ વાત જાણીને ચમકી હતી કેમ કે આ આખી ઘટના પણ બ્રિટિશ શાસનકાળ સમયની હતી. જેથી પોલીસે પણ આ મુદ્દે લેખિતમાં ફરિયાદ લઈને જ આગળની કાર્યવાહી હાથ ધરી હતી. ગામલોકો અને પોલીસ માટે એક સમસ્યા બીજી પણ એ હતી કે કરુપ્પાસામીનું એ ઘર હવે કોઈ અન્ય વ્યક્તિએ ખરીદ્યું લીધું હોવાથી તેમની રજા વગર દિવાલમાં પણ તોડફોડ કરી શકાય એમ નહોતી. જો કે, બાદમાં એ પરમિશન મળતાં પૂજારીના પૌત્રએ આપેલી માહિતી મુજબ જ દિવાલ તોડતાં જ તેમાંથી દોઢ ફૂટ લાંબી દ્રૌપદી અમ્માની આ મૂર્તિ પણ મળી હતી. પૂજારીના પૌત્ર એવા મુરુગેસનના કહ્યા મુજબ તેણે તેના પિતા અને દાદા એમ બંનેને આ દિવાલે આ પૂજા કરતા પણ જોયા હતા. જો કે કેટલાક સમયથી તેના પરિવારમાં અનેક લોકોનાં કમોતે મૃત્યુ થવાથી તેણે આ દિવાલની અંદર રહેલી મૂર્તિનું રહસ્ય લોકો સમક્ષ મૂકીને તેને બહાર નીકાળી હતી. મુરુગેસનની વાત સાંભળીને જ ગામના લોકોએ 700 વર્ષ પૌરાણિક એવી મૂર્તિને બહાર નીકાળવા તે ઘર તરફ દોટ મૂકી હતી. આખા તમિલનાડુમાં આ ઘટનાએ લોકોમાં કૂતુહલ જગાડવાની સાથે જ દેવી પ્રત્યેની આસ્થામાં પણ વધારો કર્યો છે.

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો
x
રદ કરો

કલમ

TOP