ડિપ્રેશનથી જાતીય જીવન પર થતી અસરો

article by dr. paras shah

ડૉ. પારસ શાહ

Dec 02, 2018, 12:05 AM IST

ડિપ્રેશન એટલે કે તણાવની જાતીય સંબંધો પર અત્યંત નકારાત્મક અસર પડે છે. તેના લીધે વ્યક્તિની પોતાના સાથી જોડે ભાવનાત્મક રીતે પ્રગાઢ રીતે સંકળાઈ રહેવાની ક્ષમતા પર અસર પડવાની સાથે સાથે જ તેની જાતીય ઈચ્છાઓ મંદ પડી જાય છે અને જાતીય સુખ માણવાનો તેનો આનંદ છીનવાઈ જાય છે.


ડિપ્રેશનથી ઉદ્્ભવતી સર્વસામાન્ય સમસ્યાઓ
આનંદનો અભાવઃ તણાવગ્રસ્ત લોકો અગાઉ જે જાતીય સંબંધની મજા માણતા હતા તેમાંથી રસ ગુમાવી દે છે એટલું જ નહીં પરંતુ તેમના પોતાના કોઈ કામમાં રસ નથી રહેતો કે નથી તેઓ કોઈ પણ બાબતનો આનંદ માણી શકતા.

થાકને કારણે કામાવેગ મંદ પડી જાય છે અને જાતીય ક્ષમતામાં પણ ઘટાડો થાય છે

ઊર્જામાં ઘટાડોઃ થાકને કારણે જાતીયક્રીડા માટેની તેમની શક્તિ મંદ પડી જાય છે. ડિપ્રેશનને લીધે ક્યાં તો બહુ ઊંઘ આવે છે અથવા ઊંઘ સાવ ઓછી થઈ જાય છે અને મોટાભાગે તો પૂરતા આરામથી પણ વ્યક્તિની શારીરિક ઊર્જામાં કોઈ હકારાત્મક ફેરફાર થતો નથી. થાકને કારણે કામાવેગ મંદ પડી જાય છે અને જાતીય ક્ષમતામાં પણ ઘટાડો થાય છે. પોતાના સાથીને જાતીય સુખ પૂરું પાડવાની ઊર્જા પુનઃહાંસલ કરવી અશક્ય જણાય છે.


જો તમે પણ ડિપ્રેશનની સમસ્યાથી પીડાતા હોવ તો તમારી સેક્સ લાઈફને ફરીથી આનંદમય બનાવવા માટે અહીં કેટલાક ઉપાયો દર્શાવાયા છે.


સારવારમાં ફેરફારઃ કમનસીબે ડિપ્રેશન માટે ઉતારી આપવામાં આવતી મોટાભાગની દવાઓને લીધે જાતીય ક્ષમતા પર અસર થાય છે. સ્ત્રી અને પુરુષ બંને માટે સિલેક્ટિવ સેરોટોનિન રિઅપટેક ઈન્હિબિટર્સ (એસ.એસ.આર.આઈ.) તરીકે ઓળખાતી આ દવાઓ જાતીય ઈચ્છાઓને મંદ પાડવા ઉપરાંત જાતીય પરાકાષ્ઠાને અવરોધે છે. એસ.એસ.આર.આઈ.ને લીધે પુરુષોમાં શિશ્નોત્થાનની સમસ્યા સર્જાવાની શક્યતા રહે છે. કોઈ પણ ભોગે ડોક્ટરની સલાહ વગર ઉપચાર બંધ ના કરવો જોઈએ. જો તમે એસએસઆરઆઈ ઉપચાર પર હોવ અને તેનાથી તમારી સેક્સ લાઈફ પર માઠી અસર થઈ રહી હોય તો તમારા માટે અન્ય કોઈ દવા કારગર નીવડે છે કે નહીં તે માટે તમારે ડોક્ટરની સલાહ લેવી જોઈએ.


ડિપ્રેશનને ઘટાડવા પર ધ્યાન આપોઃ તમારા ડિપ્રેશનને સમજવા તથા તેને મૂળમાંથી દૂર કરવા માટે તમારે તમારા ફેમિલી ફિઝિશિયનની મદદ લેવી જોઈએ. માનસિક કવાયત કરવાથી પણ તમારા સ્વભાવમાં સ્થિરતા આવી શકે છે. ફેમિલી ફિઝિશિયનની સહાનુભૂતિથી આશ્વસન મળે છે જે તમારા સ્વભાવને સ્થિર રાખવામાં મહત્ત્વની ભૂમિકા ભજવે છે.


તમારા પાર્ટનર સાથે સેક્સોલોજિસ્ટની મુલાકાત લોઃ તમારા પાર્ટનરની સાથે સેક્સોલોજિસ્ટની મુલાકાત લેવાથી જાતીય પ્રક્રિયાઓ વિશેની ગેરમાન્યતાઓ દૂર કરવામાં મદદ મળવાની સાથે સાથે જ જાતીયક્રીડાઓની ટેક્નિક વિશે તમારા આત્મવિશ્વાસમાં વધારો થાય છે. સેક્સોલોજિસ્ટ જાણે છે કે સેક્સ એક જાતીય પ્રક્રિયા છે જે વ્યક્તિને તેના પાર્ટનર સાથેના ભાવનાત્મક જોડાણને મજબૂત બનાવવામાં મદદરૂપ થાય છે. સેક્સોલોજિસ્ટ સંબંધો માટે જાતીય પ્રગાઢતા વધે તે માટેનાં સૂચનો પૂરાં પાડે છે.
[email protected]

X
article by dr. paras shah

Next Stories

    ની  સંપૂર્ણ વાંચનસામગ્રી