Back કથા સરિતા
ડૉ. પારસ શાહ

ડૉ. પારસ શાહ

સેક્સોલોજી (પ્રકરણ - 47)
લેખક જાણીતા સેક્સોલોજિસ્ટ અને ‘દિવ્ય ભાસ્કર’ના કોલમિસ્ટ છે.

વાયેગ્રાથી આંખોની દૃષ્ટિ જાય છે?

  • પ્રકાશન તારીખ18 Apr 2019
  •  

સમસ્યા: ડોક્ટર સાહેબ, મારી ઉંમર 40 વર્ષની છે.
મને છેલ્લાં બે વર્ષથી શિશ્નોત્થાનની તકલીફ થાય છે. જેને કારણે મારી પત્ની સાથે જાતીય સંબંધ રાખી શકાતો નથી અને તેને કારણે અમારે પતિ-પત્નીને બોલાચાલી થાય છે. વાયગ્રાથી આંખો જાય છે તેવું મંે સાંભળ્યું
છે. તેથી તે મારે લેવી નથી, પરંતુ મારો એક મિત્ર 6-7 વર્ષ પૂર્વે પાપાવરીનનાં ઇન્જેક્શનો લેતો હતો અને સફળ રીતે સમાગમ માણી શકતો હતો. તો આ ઇન્જેક્શન લેવાં હિતાવહ છે? કોઈ આડઅસર હોય તો મને માહિતી આપવા વિનંતી છે.
ઉકેલ: પાપાવરીન તથા એનાં જેવાં બીજાં (ફેન્ટોલેમાઇન, ફિનોક્સિબેન્ઝેમાઇન, પ્રોસ્ટાગ્લેડિન, ક્લોરપ્રોમેઝિન) ઇન્જેક્શનોને ‘ઇન્ટ્રાકેવર્નોઝલ વાઝોડાઇલેટર થેરાપી’ કહેવામાં આવે છે. આ ઇન્જેક્શન ટ્રીટમેન્ટ વાયેગ્રા આવી તે પહેલાંના દાયકામાં (1985થી 1995) ખૂબ લોકપ્રિય હતી. કદાચ નપુંસકતાની તે એકમાત્ર શ્યોર ટ્રીટમેન્ટ હતી, પણ એની સાઇડ ઇફેક્ટ જોખમી હોવાથી તેનો ઉપયોગ ખૂબ ચોક્સાઈ અને સાવચેતીપૂર્વક કરાતો હતો. આથી આપ પણ એનો ઉપયોગ કરો તો એનું જોખમ જાણી-સમજીને જ કરજો.
પાપાવરીનનું પહેલું રિસ્ક ‘પ્રાયાપીઝમ’નું છે. ‘પ્રાયાપીઝમ’ એટલે વેદનાયુક્ત દીર્ઘ શિશ્નોત્થાન એટલે કે પાપાવરીન લીધા બાદ વ્યક્તિ સમાગમ કરી લે અને સમાગમ પછી કુદરતી ક્રમમાં જે રીતે શિશ્ન ઢીલું પડી જવું જોઈએ તે ન પડે. ક્યારેક વ્યક્તિ બીજી વાર સમાગમ કરી લે તોય શિશ્ન ઢીલું નથી પડતું. આ સ્થિતિને ‘પ્રાયાપીઝમ’ કહેવાય છે. જો ઇન્જેક્શન લીધાના ત્રણ કલાકમાં શિશ્ન લૂઝ ન થાય તો એમાં સખત પીડા થવાની શરૂ થાય છે અને જો વધુ કેટલાક કલાકો આ સ્થિતિ ચાલુ રહી તો પુરુષ કાયમી ધોરણે (ઇરેપેરેબ્લી) નપુંસક થઈ જઈ શકે છે. જો આ સ્થિતિ પ્રાયાપીઝમ થયાના ત્રણ કલાકની અંદર ડોક્ટરના ધ્યાન પર લાવવામાં આવે, અને તત્કાળ એની ઇમરજન્સી સારવાર અપાય તો પ્રાયાપીઝમમાંથી છુટકારો મળે છે.
સામાન્ય સંજોગોમાં આપણે ત્યાં પાપાવરીન આપતા પહેલાં પુરુષના મેડિકલ ટેસ્ટ કોઈ કરતું નથી, પરંતુ આદર્શ એ છે કે દરેક વ્યક્તિના સી.બી.સી. તથા સિક્લિંગ ટેસ્ટ થવા જોઈએ, કેમ કે લ્યુકેમિયા, લિમ્ફોમા, સિકલ સેલ એનિમિયા તથા લોહીના અન્ય કેટલાક રોગોમાં પ્રાયાપીઝમ થઈ જવાની શક્યતા વધુ હોય છે. વળી, રાત્રે ઘણાને સમાગમ કર્યા બાદ કુદરતી રીતે ઊંઘી જવાની ટેવ હોય છે.
પાપાવરીન લીધા બાદના સમાગમ ટાણે તેમણે યાદ રાખવું જોઈએ કે તેમનું ઉત્થાન ‘ઇન્જેક્શન-આસિસ્ટેડ’ હતું. આથી શિશ્ન પુન: શિથિલ ન થઈ જાય ત્યાં સુધી તેમણે ઊંઘી ન જવું જોઈએ.
પાપાવરીન ઇન્જેક્શનની બીજી કેટલીક આડઅસરો પણ છે. જેમ કે, ઇન્જેક્શન લેતી વખતે નીડલની
ટીપ રક્તવાહિનીમાં ન હોય તો ઇન્જેક્શન લેવું પીડાદાયક બની રહેે છે. વળી, ત્યાં સોજો, હિમોટોમા કે બ્રુઇઝ થઈ શકે છે. આકસ્મિક રીતે, અપવાદ રૂપે કેટલાકને પાપાવરીનનું ઇન્જેક્શન લીધા બાદ ચક્કર આવી
જાય છે.
જો ઇન્જેક્શન લોહીની મોટી નળીમાં અપાઈ જાય તો પાપાવરીના બ્લડ સરક્યુલેશનમાં આવતાં બ્લડપ્રેશર ડ્રોપ થવાથી વ્યક્તિને ચક્કર આવી જાય છે. ઉપવાસ કર્યો હોય, અન્ય બીમારી હોય, એન્ટિ હાઇપરટેન્સિવ લેનાર પુરુષો, ટેક્નિક બરાબર ન જાણતા લોકો વગેરેએ સાચવવું. વળી, પાપાવરીન લીધા બાદ દોડધામ કે અન્ય પ્રકારનો પરિશ્રમ પણ ટાળવો. ઇન્જેક્શન લીધા બાદ સૂઈ જવું. ડોક્ટરના સંપર્કમાં રહેવું. હવે જ્યારે પાપાવરીન કરતાં વધારે ઇન્જેક્શનો ‘બાઇમિક્સ’ મળે છે ત્યારે વધારે કાળજીઓ રાખવી જરૂરી છે.
પ્રાયાપીઝમ ન થાય તે માટે આટલી કાળજી લેવાવી જોઈએ.
પુરુષે તેના સેક્સ થેરાપિસ્ટ પાસે જ્યારે આ ટ્રીટમેન્ટ શરૂ કરાય ત્યારે જ પાપાવરીનનો ડોઝ ટ્રાઇટ્રેટ કરાવીને નક્કી કરાવી લેવો જોઈએ. ધારો કે 10 મિલીગ્રામથી પુરુષને પૂર્ણ શિશ્નોત્થાન, કલાકેક માટે શક્ય બનતું હોય તો તેણે 10થી વધીને 11 મિલીગ્રામ કરવાની જરૂર નથી. તે જે ઇન્લ્યુલિન સિરિન્જથી ઇન્જેક્શન લેતો હોય તો તેના કેટલા માર્ક સુધી પ્રવાહી ભરવું તેની વ્યવસ્થિત ટ્રેનિંગ (ડિસ્ટિલ્ડ વોટર ભરીને) લઈ લેવી જોઈએ. વળી, કોઈકવાર ઇન્જેક્શન ફેલ પણ જાય છે. તો તે વખતે ગભરાઈને યા ઓવર કોન્ફિડન્સમાં આવી જઈને પાંચ-દસ મિનિટના ગાળામાં બીજું ઇન્જેક્શન ન લઈ લેવું જોઈએ, કેમ કે જો તેમ કરવામાં આવે તો પ્રાયાપીઝમની શક્યતા વધી જાય છે.

dr9157504000@shospital.org

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો
x
રદ કરો

કલમ

TOP