જીવન-પથ:મનુષ્યએ પોતાની ક્ષમતાઓનો સદુપયોગ કરવો જોઈએ

આપણા મનુષ્ય એક જ સમયે કાંકરો પણ હોઈ છીએ અને બીજ પણ. કાકરો ગમે તે જગ્યાએ વાવો, ગમે તેટલું ખાતર-પાણી આપો, પરંતુ તે કાંકરો પણ પેદા કરી શકતો નથી. જોકે, બીજ પાસે એ સંભાવના હોય છે કે, તે વૃક્ષ બની શકે છે. આપણે મનુષ્ય બીજ છીએ, પરંતુ કર્મથી ખુદને જ કાંકરા બનાવી લઈએ છીએ અને કોઈ પરિણામ આપી શકતા નથી. ઉપરવાળાએ આપણી રચના એવી રીતે કરી છે કે આ શરીરમાં જે જ્યાં છે, સારી રીતે ગોઠવ્યું છે, પરંતુ કેટલાક લોકો તેનો દુરૂપયોગ કરી જાય છે. જેમ કે, મેમરી કાર્ડ મગજમાં હોવું જોઈએ, પરંતુ અનેક લોકો તેને જીભ પર લઈ આવે છે અને પછી કર્કશ વાણી બોલતા રહે છે. આ બીજથી કાંકરો બનવા તરફ એક પગલું છે. ભગાવને આપણને બધું એટલું વ્યવસ્થિત આપ્યું છે કે તેનો સમજદારીથી ઉપયોગ કરો. આઈન્સ્ટીન પાસે કોઈ મોટી પ્રયોગશાળા ન હતી. કહે છે કે તેમનું મગજ, પેન-કાગળ જ તેમની લેબોરેટરી હતી અને તેની મદદથી જ તેઓ આટલા મહાન કાર્યો કરી શક્યા. શું આપણી પાસે નથી? ભારતની સંસ્કૃતિ મોટી સંભાવનાઓની સંસ્કૃતિ છે. એટલે ભારતીયોએ કાંકરામાં પ્રાણ-પ્રતિષ્ઠા કરીને તેને શંકર બનાવી દીધો છે. એટલે કે, આપણા અંદર કાંકરામાંથી બીજ બનવાની ભરપૂર સંભાવના છે.