• Home
  • NRG
  • USA
  • Overseas Friends of BJP will celebrate BJP's victory in 20 cities

અમેરિકા / 20 જેટલા શહેરોમાં ઓવરસીસ ફ્રેન્ડ્સ ઓફ બીજેપી મોદીની જીતની ઉજવણી કરશે

Overseas Friends of BJP will celebrate BJP's victory in 20 cities
X
Overseas Friends of BJP will celebrate BJP's victory in 20 cities

  • બોસ્ટન, ન્યુયોર્ક, ન્યુજર્સી, વોશિંગ્ટન ડીસી, રીચમોન્ડ, શિકાગો, હુસ્ટન, ડલાસ અને સાન ફ્રાન્સિસ્કોમાં ઉજવણીની તૈયારીઓ શરૂ
  • NRIs4Modi અને ઓવરસીસ ફ્રેન્ડ્સ ઓફ બીજેપી(OFBJP)ની ટીમે 4 મહિનામાં અમેરિકામાં 100થી વધુ પ્રોગ્રામ કર્યા

Divyabhaskar.com

May 24, 2019, 01:09 AM IST

ન્યુજર્સીઃ ઓવરસીસ ફ્રેન્ડ્સ ઓફ બીજેપી(OFBJP)-અમેરિકાએ વડાપ્રધાન નરેન્દ્ર મોદી, પાર્ટીના અધ્યક્ષ અમિત શાહ, બીજેપીના નેતાઓ, બીજેપીના સ્વયંસેવકો, ઓએફબીજેપીના સ્વયંસેવકો અને NRIs4Modiને દેશની લોકસભા ચૂંટણીમાં ભવ્ય વિજય મેળવવા બદલ અભિનંદન પાઠવ્યા છે. આ સિવાય જીતને વધાવવા હાલ ઓએફબીજેપીએ અમેરિકાના બોસ્ટન, ન્યુયોર્ક, ન્યુજર્સી, વોશિંગ્ટન ડીસી, રીચમોન્ડ, શિકાગો, હુસ્ટન, ડલાસ અને સાન ફ્રાન્સિસ્કો સહિતના 20 જેટલા શહેરોમાં ઉજવણી કરવાની તૈયારીઓ શરૂ કરી છે. 

છેલ્લા ચાર મહિનામાં અમેરિકમાં 100 કરતા વધુ પ્રોગ્રામો થયા

ઉલ્લેખનીય છે કે આ વખતે દેશમાં પ્રથમ વખત પોતાના મતાધિકારનો ઉપયોગ કરી રહેલા યુવા મતદારોએ પણ ઉત્સાહપૂર્વક મતદાન કર્યું હતું. ભારતીયોએ મોદી સરકારની ગરીબોના કલ્યાણની, ખેડૂતોના વિકાસની અને બિઝનેસ ફ્રેન્ડલી પોલિસી પર વર્ષ 2014 બાદ ફરી એક વખત મહોર લગાવી છે. જયારે કોંગ્રેસ સહિતના અન્ય પક્ષોને મત ન આપીને મતદારોએ વર્ષોથી ચાલતા આવતા વંશવાદ પ્રત્યે નારાજગી દર્શાવી હતી. લોકોએ વિપક્ષના ભાગલા પાડોને રાજ કરો પર ચાલતા રાજકારણને ફગાવીને ગુડ ગવર્નન્સ અને સારા નેતાની કદર કરી છે. એનઆરઆઈફોરમોદી અને ઓએફબીજેપીની ટીમે છેલ્લા ચાર મહિનામાં અમેરિકામાં 100 કરતા વધુ પ્રોગ્રામોનું આયોજન કર્યું હતું. ફેબ્રુઆરીથી શરૂ કરીને મે સુધી દરેક અઠવાડિયે વિવિધ પ્રોગ્રામો દેશમાં યોજાયા હતા.

તેમાં ચાઈ પે ચર્ચા, કોલ-એ-થોન્સ, ચોકીદાર માર્ચ, કાર રેલી, યજ્ઞ, ફલેશ મોબ ડાન્સ, સ્નો મોબાઈલ રેલી, ઘર ઘર મોદી અને સંપર્ક અભિયાન સહિતનો સમાવેશ થાય છે. આ સિવાય ટીમ દ્વારા 10 લાખ જેટલા મતદારોને દેશમાં કોલ કરવામાં આવ્યા હતા. આ અંગે ઓએફબીજેપીના અધ્યક્ષ ક્રિષ્ના રેડ્ડી અનુગુલાએ જણાવ્યું હતું કે હું લોકસભાની ચૂંટણીમાં ઐતિહાસિક જીત મેળવવા બદલ વડાપ્રધાન નરેન્દ્ર મોદી અને અમિત શાહને અભિનંદન પાઠવું છે. 

રેડ્ડીએ વધુમાં જણાવ્યું હતું કે વડાપ્રધાન મોદી દેશને વિકાસના પંથે લઈ જશે અને લોકોની આજીવિકાનું સ્તર ઉંચું લાવશે. છેલ્લા પાંચ વર્ષમાં એનડીએ સરકારે શૌચાલય, વીજળી, ગેસ સિલિન્ડર સહિતની જરૂરી સુવિધાઓ પુરી પાડી છે. અગામી 5 વર્ષમાં સરકાર ઈન્ફ્રાસ્ટ્રકચર, હેલ્થકેર અને કૃષિ સહિતના ક્ષેત્રોમાં રોકાણ કરીને ભારતને નેકસ્ટ લેવલ પર લઈ જશે. ઓએફબીજેપીના જનરલ સેક્રેટરી ડો. વાસુદેવ પટેલે જણાવ્યું હતું કે દેશના લોકોએ મજબૂત અને ભષ્ટ્રાચારનો વિરોધ કરનાર નેતા મોદી પર પોતાની પસંદગી ઉતારી છે. જયારે વંશવાદી અને ભાગલાવાદી રાજકારણ કરનાર વિપક્ષને જાકારો આપ્યો છે. પરિણામ પરથી એ વાત સ્પષ્ટ થાય છે કે દેશની જનતા મોદીની નીતીના સમર્થનમાં છે. મને દેશમાં એનડીએનો ભવ્ય વિજય થશે તેવી આશા હતી.

COMMENT

Next Stories

    ની  સંપૂર્ણ વાંચનસામગ્રી