તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

સાસરિયાં દ્વારા 20 વર્ષના ત્રાસથી કંટાળી પરિણીતાએ ફાંસો ખાધો

10 મહિનો પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • સાસરિયાં દ્વારા હોટલ બનાવવા પૈસાની માંગણી કર્યાનો આક્ષેપ
  • મરવા માટે દુષ્પ્રેરણની ફરિયાદ નોંધાતાં પોલીસે 8 સાસરિયાં સામે ગુનો નોંધ્યો
  • પતિ પરિણીતાને વાયરથી મારતો

ઇડરઃ 40 વર્ષિય પરિણીતાએપતિ અને સાસરીયાંનો વીસેક વર્ષથી ગુજારાઇ રહેલ ત્રાસની સીમા આવી જતાં રવિવારે સાંજે સાતેક વાગ્યાના સુમારે ગળે ફાંસો ખાઇ જીવન ટૂંકાવી લેતાં અરેરાટી વ્યાપી જવા પામી હતી. ઇડર પોલીસે સાસરી પક્ષના 8 શખ્સો વિરુદ્ધ ત્રાસ ગુજારી મરવા સુધીનુ દુષ્પ્રેરણ કરવા અંતર્ગત ગુનો નોંધી કાર્યવાહી હાથ ધરી હતી. 

દહેજની માંગણી કરતા હતા
ઇડર લક્ષ્મીનારાયણ સોસાયટીમાં રહેતા ભાવનાબેન પૂનમભાઇ જેઠાભાઇ પરમાર છેલ્લા વીસેક વર્ષથી સાસરીયાનો ત્રાસ સહન કરી રહ્યા હતા. તેમના કાકા કાન્તિભાઇ ગોવાભાઇ પરમાર (રહે. જૂનાચામુ તા. વડાલી) એનોંધાવેલ ફરિયાદ મુજબ 20 વર્ષ અગાઉ ભાવનાબેને તેમના પતિએમારઝૂડ કરી વાયરથી માર માર્યો હતો અને દહેજની માંગણી કરતા હતા. તેમણે દુકાન અને મકાન બનાવ્યુ ત્યારે પણ પૈસાની માંગણી કરતા ભાવનાબેનના ભાઇ રાહુલે રૂપિયા આપ્યા હોવા છતાં ત્રાસ આપવાનો ચાલુ રાખ્યો હતો.

આર્થિક સ્થિતિ સારી ન હોવાથી માંગણી પૂરી કરી નહીં
ગજાનંદ હોટલ બનાવવા ફરીથી પૈસાની માંગણી કરતાં ભાવનાબેને ના પાડતાં જેઠ રમેશભાઇ જેઠાભાઇ પરમાર, જેઠાણી પારૂલબેન, દિયર નટુભાઇ, દેરાણી રેખાબેન, સાસુ વાલીબેને ચઢવણી કરતાં પૂનમભાઇએમારઝૂડ કરી હતી. કંટાળીને ભાવનાબેને તેમના ભાઇ રાહુલને વાત કરતાં આર્થિક સ્થિતિ સારી ન હોઇ તેમની માંગણી પૂરી થઇ ન હતી. જેથી નણંદ લક્ષ્મીબેન પશાભાઇ પરમાર અને નણદોઇ પશાભાઇ વીરાભાઇ પરમાર પણ પૂનમભાઇની ચઢવણી કરી મારઝૂડ કરી પૈસા લઇ આવવા દબાણ કરતા હતા સતત અને અસહ્ય ત્રાસથી કંટાળીને ભાવનાબેને તા. 15-03-20 ના રોજ સાંજે સાડા સાતેક વાગ્યાના સુમારે ઘરમાં ગળેફાંસો લગાવી જીવન ટૂંકાવી લીધુ હતું. કાન્તીભાઇ પરમારની ફરિયાદને આધારે પોલીસે 8 જણા સામે ગુનો નોંધી કાર્યવાહી હાથ ધરી હતી. ઘટનાથી પંથકમાં ચકચાર મચી જવા પામી છે.

મૃતકને બે  પુત્ર અને એક પુત્ર
મૃતકની એક દીકરી ગ્રોમોરમાં એક દિકરો મહેસાણામાં નર્સિંગમાં ભણે છે અને એક દીકરાએગત વર્ષે ધો-10 ની પરીક્ષા આપી હતી. 

આમની વિરુદ્ધ ફરિયાદ નોંધાઇ 
પૂનમભાઇ જેઠાભાઇ પરમાર (પતિ)
રમેશભાઇ જેઠાભાઇ પરમાર (જેઠ)
પારૂલબેન રમેશભાઇ પરમાર ( (જેઠાણી)
નટુભાઇ જેઠાભાઈ પરમાર (દિયર) 
રેખાબેન નટુભાઈ પરમાર (દેરાણી)
વાલીબેન જેઠાભાઈ પરમાર (સાસુ) 
લક્ષ્મીબેન પશાભાઇ પરમાર (નણંદ)
પશાભાઇ વીરાભાઇ પરમાર (નણદોઇ)
 

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- જે કામ માટે તમે છેલ્લાં થોડા સમયથી કોશિશ કરી રહ્યા હતાં, તે કાર્ય માટે કોઇ યોગ્ય સંપર્ક મળી જશે. વાતચીતની મદદથી તમે કોઇ મામલાનું સમાધાન શોધી લેશો. કોઇ જરૂરિયાતમંદ મિત્રની મદદ કરવાથી તમને આત્...

વધુ વાંચો

Open Divya Bhaskar in...
  • Divya Bhaskar App
  • BrowserBrowser