સાવધાની / નાની ઉંમરમાં પિરિઅડ્સ શરૂ થવાથી 25થી 30 વર્ષની મહિલાઓમાં સ્તન કેન્સરનો ભોગ બની રહી છે  

Since the onset of periods at an early age, women between the ages of 25 and 30 have been suffering from breast cancer

  • અત્યારની બદલાતી જીવનશૈલીમાં મહિલાઓ નાની ઉંમરે સ્તન કેન્સરનો ભોગ બને છે
  • 25થી 30 વર્ષની ઉંમરની મહિલાઓ અને યુવતીઓમાં પણ સ્તન કેન્સર જોવા મળે 
  • નાની ઉંમરમાં પિરિઅડ્સ બંધ થઈ જવાથી , મેદસ્વિતા અને હોર્મોન્સ સંબંધિત દવાઓના લીધે પણ સ્તન કેન્સરનું જોખમ

Divyabhaskar.com

Nov 17, 2019, 11:57 AM IST

દિવ્યશ્રી ડેસ્ક. અત્યારની બદલાતી જીવનશૈલીમાં મહિલાઓ નાની ઉંમરે સ્તન કેન્સરનો ભોગ બને છે. સામાન્ય રીતે 45થી 50 વર્ષની ઉંમરની મહિલાઓને સ્તન કેન્સર થવાનું જોખમ વધારે રહે છે. પરંતુ વર્તમાન જીવનશૈલીના લીધે અત્યારે 25થી 30 વર્ષની ઉંમરની મહિલાઓ અને યુવતીઓમાં પણ સ્તન કેન્સર જોવા મળે છે.

નાની ઉંમરમાં સ્તન કેન્સર થવાનું કારણઃ
મોટી ઉંમરે માતા બનવાથી, બાળકને ઓછા સમય માટે સ્તનપાન કરાવવું અને નાની ઉંમરમાં પિરિઅડ્સ શરૂ થવા તે સ્તન કેન્સર થવાના મુખ્ય કારણો છે. તે ઉપરાંત નાની ઉંમરમાં પિરિઅડ્સ બંધ થઈ જવાથી , મેદસ્વિતા અને હોર્મોન્સ સંબંધિત દવાઓના લીધે પણ સ્તન કેન્સરનું જોખમ વધી જાય છે.

લક્ષણો

  • બ્રેસ્ટમાં સોજો, અને આજુ બાજુનો ભાગ લાલ થઈ જાય.
  • બ્રેસ્ટમાં ગાંઠ થવી અને સમયની સાથે તેનો આકાર વધી જવો.
  • સ્તનની ત્વચા પર કોઈ ફોલ્લી અથવા અલ્સર હોય
  • બ્રેસ્ટ અથના સ્તનના આગળના આકારમાં ફેરફાર થવો
  • સ્તનના મુખ્ય ભાગ અંદકની તરફ ખેંચાય, તે લાલ પડી જાય અને તેમાં દૂધ સિવાય કોઈ પણ પ્રવાહી પદાર્થ નીકળે.

શરૂઆતમાં તપાસ
20 વર્ષની ઉંમરથી દરેક મહિલાઓએ દર મહિને પિરિઅડ્સ શરૂ થવાના 5થી 7 દિવસની વચ્ચે કોઈ પણ દિવસે બ્રેસ્ટની તપાસ કરાવવી જોઈએ. કાચની સામે ઊભા રહીને હાથને ધીમે ધીમે સ્તન પર ઉપરથી નીચેની તરફ લાવવા. કોઈ ગાંઠ હશે તો મહિલાઓને તરત ખબર પડશે. 20થી 39 વર્ષની ઉંમરની મહિલાઓ ડોક્ટર પાસે પ્રતિ ત્રણ વર્ષમાં અને 40 વર્ષની ઉંમર બાદ દર વર્ષે તપાસ કરાવવી જોઈએ. ડોક્ટર પાસે તપાસ કરાવ્યા બાદ 40 વર્ષની ઉંમર બાદ મેમોગ્રાફી (ડિજિટલ/અલ્ટ્રાસોનિક મેમોગ્રાફી જરૂરથી કરાવવી)

તપાસઃ બાયોપ્સી કરાવ્યા બાદ અલ્ટ્રાસાઉન્ડ, સી.ટી સ્કેન, બોન સ્કેન, પેટ (પીઈટી) સ્કેન દ્વારા કેન્સર શરીરમાં કેટલું ફેલાયું છે જે જાણી શકાય છે.

નિદાન માટેઃ કેન્સરના નિદાન માટે કેન્સરના તબક્કા અનુસાર, સર્જરી, રેડિએશન થેરેપી, કીમોથેરેપી, હોર્મોનલ થેરેપી અને ટાર્ગેટેડ થેરેથી કરવામાં આવે છે. હોર્મોનલ થેરેપીઃ કેન્સરની કોશિરાઓ પર અમુક રિસેપ્ટર્સ હોય છે. જેમ કે, ‘ઈ આર’ અને ‘પી આર’, જેની તપાસ બાયોપ્સી દ્વારા કરવામાં આવે છે. હોર્મોનલ થેરેપી આ રિસેપ્ટર્સના વિરુદ્ધ કામ કરે છે.

ટાર્ગેટેડ થેરપીઃ કીમોથેરેપીની જેમ ટાર્ગેટેડ થેરેપીની કોઈ સાઈડ-ઈફેક્ટ નથી થતી. આ થેરેપી માત્ર કેન્સરગ્રસ્ત ભાગની નજીતની સ્વસ્થ કોશિકાઓ અથવા ટિશ્યૂ પર ખરાબ અસર નથી કરતી.

X
Since the onset of periods at an early age, women between the ages of 25 and 30 have been suffering from breast cancer
COMMENT

Next Stories

    ની  સંપૂર્ણ વાંચનસામગ્રી