• Home
  • Bollywood
  • TV
  • sath nibhana sathiya fame Devoleena Bhattacharjee revealed she is carrying 150 outfits inside the Bigg Boss 13 house

ટીવી શો / હિના ખાન બાદ દેવોલીના ભટ્ટાચાર્જી ‘બિગ બોસ 13’ના ઘરમાં 150 જેટલા આઉટફિટ્સ પહેરશે

sath nibhana sathiya fame  Devoleena Bhattacharjee  revealed she is carrying 150 outfits inside the Bigg Boss 13 house
X
sath nibhana sathiya fame  Devoleena Bhattacharjee  revealed she is carrying 150 outfits inside the Bigg Boss 13 house

Divyabhaskar.com

Oct 01, 2019, 11:34 AM IST
મુંબઈઃ ‘સાથ નિભાના સાથિયા’ની ગોપીવહુ એટલે કે દેવોલીના ભટ્ટાચાર્જી હાલમાં ‘બિગ બોસ 13’ના ઘરમાં જોવા મળે છે. દેવોલીના ભટ્ટાચાર્જી ચાહકોમાં ગોપીવહુ તરીકે લોકપ્રિય છે. ‘બિગ બોસ’ના ઘરમાં દેવોલીના પોતાની ફેશનેબલ સાઈડ ચાહકોને બતાવવા માગે છે. ‘બિગ બોસ’માં જતા પહેલાં દેવોલીનાએ એક ઈન્ટવ્યૂમાં કહ્યું હતું કે તે ઘરની અંદર 150 જેટલાં આઉટફિટ લઈને જાય છે.

ફેશનમાં હિના ખાનને ટક્કર આપશે

1. મિનિમમ મેકઅપ કરીશ

દેવોલીનાએ કહ્યું હતું કે તે નાઈટ સૂટ્સ. ગાઉન તથા ડિઝાઈનર ડ્રેસિસ આ બધું થઈને તે 150 જેટલાં આઉટફિટ્સ ઘરની અંદર લઈને જશે. તે આ બધા જ કપડાં પહેરવાને લઈ ઉત્સુક છે. તેને મેકઅપ કરવો બહુ પસંદ નથી અને તેથી જ તે વધુ પડતો મેકઅપ કરશે નહીં પરંતુ તે સ્ક્રીન પર સારી જરૂરથી દેખાશે. તે પોતાને સિમ્પલ રાખશે. 

2. ઘરમાં લગ્ન જેવું વાતાવરણ

‘બિગ બોસ’ના ઘરમાં જેવા માટે કેવી તૈયારી કરી? તેના જવાબમાં દેવોલીનાએ કહ્યું હતું કે તેનું ઘર આખું ડિઝાઈનર આઉટફિટથી ભરાઈ ગયું છે. તેને એમ લાગે છે કે તેના લગ્ન થવાના છે અને તે તેની તૈયારી કરે છે. ‘બિગ બોસ’માં તેને અલગ જ અનુભવ થશે અને તે જેટલો સમય પણ આ ઘરમાં રહેશે, તેને ઘણી જ મજા આવશે. તેને આશા છે કે તે ચાહકોના દિલ જીતી શકશે. ઉલ્લેખનીય છે કે ‘સાથ નિભાના સાથિયા’માં દેવોલીનાએ છ વર્ષ સુધી ગોપીવહુનો રોલ પ્લે કર્યો હતો. 

3. રિયલ લાઈફમાં છું એવી જ ઘરમાં હોઈશ

દેવોલીનાએ એ વાતનો ઈનકાર કર્યો હતો કે તે પોતાની ઈમેજ સુધારવા માટે જાય છે. ‘બિગ બોસ’ તેના માટે લાઈફ ટાઈમ અનુભવ છે અને જ્યારે તેને આ ઓફર થયો હતો ત્યારે જ તેણે હા પાડી દીધી હતી. ગયા વર્ષે તેનું નામ વિવાદમાં આવ્યું હતું અને લોકોએ સચ્ચાઈ જાણ્યા વગર જ તેનું નામ વિવાદમાં જોડી દીધું હતું. કોઈએ એ વાત ના લખી કે તેને ક્લીન ચીટ મળી ગઈ છે. જો તેને ક્લીન ચીટ ના મળી હોત તો તે આજે શોમાં ભાગ લઈ શકત નહીં. એવી ઘણી વાતો છે, જે દર્શકો જાણતા નથી અને તે આ વાતો શોમાં લાવવા માગશે. તે રિયલ લાઈફમાં છે, એવી જ ઘરમાં રહેશે. ઘરમાં ટાસ્ક કરવાને લઈ તેને ડર લાગે છે કારણ કે તેને પીઠમાં ઈજા થઈ છે. ઉલ્લેખનીય છે કે ડિસેમ્બર, 2018મા મુંબઈના એક મોટા હીરાના વેપારીના નિધન બાદ મુંબઈ પોલીસે દેવોલીનાની અટકાયત કરી હતી. હીરાના વેપારીની હત્યાનું ષડયંત્ર સચિન પવારે કર્યું હતું. સચિન તથા દેવોલીના રિલેશનશિપમાં હતાં. જોકે, દેવોલીનાએ આ તમામ વાતોનો ઈનકાર કર્યો હતો.

4. હિના ખાન પણ ઢગલો કપડાં લઈને ગઈ હતી

‘બિગ બોસ 11’માં હિના ખાન પણ ઢગલો કપડાં લઈને ગઈ હતી. હિના ખાન 150 નાઈટ ડ્રેસ, 100 ડ્રેસિસ તથા 50 જૂતા લઈને એન્ટર થઈ હતી. શો દરમિયાન હિના ખાનની સ્ટાઈલ તથા ફેશન સેન્સના ઘણાં જ વખાણ કરવામાં આવ્યા હતાં. જોકે, ફેશન ડિઝાઈનર નીરુસાએ દાવો કર્યો હતો કે હિના ખાને બધા ડિઝાઈનર્સ પાસેથી કપડાં ઉધાર માગ્યા હતાં. હિના ખાનની સ્ટાઈલિસ્ટ હેમલતા પેરીવાલે તેની પાસેથી પણ ઉધાર આઉટફિટ માગ્યા હતાં અને તેણે ના પાડી દીધી હતી. 

COMMENT

Next Stories

    ની  સંપૂર્ણ વાંચનસામગ્રી