• Home
  • Utility
  • Punjab National Bank and Bank of Baroda reduce interest rates on savings account, new rates apply from 1st April 2020

વ્યાજ દર / પંજાબ નેશનલ બેંક અને બેંક ઓફ બરોડાએ સેવિંગ્સ અકાઉન્ટના વ્યાજ દર ઘટાડ્યા, નવા દર 1 એપ્રિલ 2020થી લાગુ

Punjab National Bank and Bank of Baroda reduce interest rates on savings account, new rates apply from 1st April 2020

દિવ્ય ભાસ્કર

Mar 20, 2020, 02:25 PM IST

યુટિલિટી ડેસ્કઃ પંજાબ નેશનલ બેંક અને બેંક ઓફ બરોડાએ તેમના સેવિંગ્સ અકાઉન્ટ પર મળતા વ્યાજ દરમાં ઘટાડો કર્યો છે. નવા દર 1 એપ્રિલ 2020થી લાગુ થશે. 1 એપ્રિલથી પંજાબ નેશનલ બેંકના બચત ખાતાંમાં 50 લાખ રૂપિયા સુધીની રકમ પર જમા કરાયેલી રકમ પર વાર્ષિક 3.50% વ્યાજ મળશે. તેમજ, જો બચત ખાતાંમાં 50 લાખ રૂપિયાથી વધુ હોય તો વાર્ષિક 3.75%ના દરે વ્યાજ આપવામાં આવશે. 50 લાખથી વધુ રકમ પર બેંકે વ્યાજ દરમાં 0.05%નો ઘટાડો કર્યો છે. આ સિવાયના વ્યાજ દરમાં કોઈ ફેરફાર કરવામાં આવ્યો નથી.

બેંક ઓફ બરોડાના વ્યાજ દર

બેંક ઓફ બરોડામાં બચત ખાતાંમાં 1 લાખ રૂપિયા સુધીની ડિપોઝિટ પર વાર્ષિક 3.25% વ્યાજ આપવામાં આવશે. આ ઉપરાંત, 1 લાખથી વધુની ડિપોઝિટ પર 3%ના દરે વ્યાજ આપવામાં આવશે. આ નવા દર 1 એપ્રિલથી અમલમાં આવશે. અગાઉ, બેંકના સેવિંગ અકાઉન્ટમાં 50 લાખ રૂપિયા સુધીની ડિપોઝિટ પર બેંકનું વાર્ષિક વ્યાજ દર 3.25% હતું. તેમજ, બેંકમાં બચત ખાતાંમાં 50 લાખથી વધુ જમા કરાવવા પર વાર્ષિક વ્યાજ દર 3.75% હતું. જૂના વ્યાજ દર 20 જુલાઈ 2019થી લાગુ થયા હતા.

SBI પણ વ્યાજ દર ઘટાડી ચૂકી છે

તાજેતરમાં દેશની સૌથી મોટી બેંક સ્ટેટ બેંક ઓફ ઇન્ડિયા (SBI)એ તેના તમામ બચત ખાતાંઓ પર વાર્ષિક વ્યાજ દરમાં 3%નો ઘટાડો કર્યો હતો. આ વ્યાજ દર 14 માર્ચથી અમલમાં આવી ચૂક્યો છે.

X
Punjab National Bank and Bank of Baroda reduce interest rates on savings account, new rates apply from 1st April 2020

Next Stories

    ની  સંપૂર્ણ વાંચનસામગ્રી