કાલથી ડેબિટ-ક્રેડિટકાર્ડમાં વધુ સુરક્ષા, 24x7 કોઈ પણ સેવા ઓન/ઓફ કરી શકાશે

યુટિલિટી ડેસ્કઃ ડેબિટ-ક્રેડિટ કાર્ડનો દુરુપયોગ અને ડિજિટલ ટ્રાન્ઝેક્શન સાથે સંકળાયેલી છેતરપિંડી રોકવા રિઝર્વ બેંક નવા નિયમો લાગુ કરવા જઈ રહી છે. આ નિયમો સોમવારે 16 માર્ચથી લાગુ થશે. આરબીઆઈએ આ મુદ્દે જાન્યુઆરી 2020માં એક નોટિફિકેશન જારી કર્યું હતું. આ નિયમો તમામ ડેબિટ-ક્રેડિટ કાર્ડને લાગુ પડશે. તેમાં રિ-ઈસ્યૂ કાર્ડ પણ સામેલ છે. આરબીઆઈએ બેંકોને કહ્યું છે કે, તે ડેબિટ-ક્રેડિટ કાર્ડ ઈસ્યૂ કે રિ-ઈસ્યૂ કરતી વખતે તેને ફક્ત ભારતમાં જ એટીએમ અને પોઈન્ટ ઓફ સેલ ટર્મિનલ્સ પર ટ્રાન્ઝેક્શન માટે સક્રિય કરે. નવા નિયમો પ્રિ પેઈડ ગિફ્ટ કાર્ડ્સ અને મેટ્રો કાર્ડ પર લાગુ નહીં થાય.

જો કાર્ડથી ક્યારેય ઓનલાઈન ટ્રાન્ઝેક્શન ન કર્યું હોય તો આ સેવા કાલથી બંધ