• Home
  • Kutchh
  • Bhuj
  • In five years, not a single youth from the village will join the army and train veterans

મુન્દ્રા / પાંચ વર્ષમાં ગામનો એક પણ યુવાન ફોજમાં ન જોડાતા નિવૃત્ત સૈનિક ઇચ્છુકોને તાલીમ દેશે

In five years, not a single youth from the village will join the army and train veterans

  • કંઠી પટના ભદ્રેશ્વર ગામમાંથી હજી પણ 23 યુવાનો દેશસેવામાં
  • નિવૃત્ત થઇને આવેલા વધુ એક ફોજીનું ગ્રામજનોએ હરખભેર સામૈયું કર્યું: સન્માન સમારંભ યોજ્યો

Divyabhaskar.com

Nov 18, 2019, 08:17 AM IST
ભદ્રેશ્વરઃ મુન્દ્રા તાલુકાનું ભદ્રેશ્વર કચ્છનું એવું ગામ છે જ્યાંથી સુરક્ષાદળોમાં યુવાનો મોટી સંખ્યામાં જોડાયા છે. થોડા સમય પહેલાં પણ એક જવાન સેનામાંથી નિવૃત્ત થતાં ગામે તેનું હરખભેર સામૈયું કર્યું હતું. આ વખતે પણ વધુ એક જવાન વિજયસિંહ મનુભા જાડેજા સેવાનિવૃત્ત થતાં ગામના તમામ સમાજના અગ્રણીઓએ ઉમંગે સામૈયાં સાથે તેમને આવકાર્યા હતા.
ગામના હજી પણ 23 યુવાનો સેનામાં ફરજરત છે. આ પ્રસંગે ગામના આશાપુરા મંદિરે જવાનનો સન્માન સમારોહ યોજાયો હતો જેમાં અગ્રણી પ્રદ્યુમનસિંહ જાડેજાએ દુ:ખ વ્યક્ત કરતાં કહ્યું કે, છેલ્લાં 5 વર્ષ થયાં ગામનો એકપણ યુવાન સુરક્ષાદળોમાં ભરતી નથી થયો. આ કાર્યક્રમ રાખવાનો હેતુ જ એ છે કે, યુવાનોને દેશસેવામાં જોડાવાની પ્રેરણા મળે. પ્રદ્યુમનસિંહની આ વાત સાંભળીને નિવૃત્ત જવાન વિજયસિંહ તુરત જ બોલી ઉઠ્યા કે, ગામના જે કોઇ યુવાનને સેનામાં જવું હોય તેને આવતીકાલથી જ હું તાલીમ આપવા તૈયાર છું.
સામૈયાં અને સન્માન સમારોહમાં ગામના વડીલો, યુવાનો, બહેનો ઉપરાંત તમામ સમાજના આગેવાનો જોડાયા હતા.
સેનામાં જોડાઓ તો 5001નું ઇનામ
ગામના અગ્રણી પ્રદ્યુમનસિંહની છેલ્લાં 5 વર્ષમાં કોઇ સેનામાં ન જોડાયું હોવાની વાત સાંભળીને અન્ય અગ્રણી રાજેન્દ્રસિંહ જોરૂભા જાડેજાએ હવેથી જે પણ યુવાન સેનામાં જોડાશે તેને પ્રોત્સાહનરૂપે 5001નું ઇનામ આપવાની પણ જાહેરાત કરી હતી.
X
In five years, not a single youth from the village will join the army and train veterans
COMMENT

Next Stories

    ની  સંપૂર્ણ વાંચનસામગ્રી