તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Criminal Weapon Of CRPC Article 91 Can Be Returned To Police For Fraudulent Money Online

સીઆરપીસી કલમ 91નું અમોઘ શસ્ત્ર, ઓનલાઇન ઠગાઇમાં ગુમાવેલા પૈસા પોલીસ પરત અપાવી શકે છે

8 મહિનો પહેલા
  • કૉપી લિંક
પ્રતિકાત્મક તસવીર
  • બેંક, વોલેટ તથા ઓનલાઇન કંપનીને સમન્સ મોકલી પોલીસ ઠગોની કુંડળી મેળવે છે

વડોદરાઃ વિવિધ લીંક મોકલી કે ઓનલાઇન શોપીંગમાં લાલચ આપીને લોકોના નાણાં ઉપાડી લેવાના સતત બનાવો બની રહ્યા છે. જો કે પોલીસને તત્કાળ આ પ્રકારની ઠગાઇની જાણ કરવામાં આવે તો પોલીસ સીઆરપીસીની કલમ 91નો ઉપયોગ કરી સાયબર ઠગોએ ઉપાડી લીધેલા પૈસા પરત અપાવી શકે છે. પોલીસ આ કલમ મુજબ બેંક, વોલેટ કંપનીઓ અથવા ઓનલાઇન શોપીંગની કંપનીઓને સમન્સ મોકલી સાયબર ક્રિમીનલ્સની કુંડળી મેળવી શકે છે.

પોલીસ સમન્સ મોકલી નાણાં પરત આપવા ફરજ પાડે છે
ઓનલાઇન શોપીંગ કે પેટીએમનું કેવાયસી અથવા વિવિધ પ્રકારની લાલચ આપી લીંક મોકલ્યા બાદ સાયબર ઠગો શહેરીજનોના પૈસા ઉપાડી લઇ છેતરપીંડી કરી રહ્યા છે. શહેર સાયબર ક્રાઇમ પોલીસ સ્ટેશનમાં પણ આ પ્રકારે ઠગાયેલા લોકો આવી રહ્યા છે. સાયબર ક્રાઇમ પોલીસ ઠગાયેલા લોકોને શકય હોય તેટલી ઝડપથી તેમના નાણાં પરત મેળવાય તેવા પ્રયાસો કરી રહી છે. સાયબર ક્રિમિનલ્સની નજીક પહોંચી લોકોના નાણાં પરત મેળવવામાં પોલીસ પાસે અમોઘ શસ્ત્ર છે. પોલીસ સીઆરપીસીની કલમ 91 મુજબ જે તે બેંક, વોલેટ કંપનીઓ કે ઓનલાઇન શોપીંગની કંપનીઓને સમન્સ મોકલીને જે તે ટ્રાંજેકશન કોણે કર્યું છે તે ટ્રાંજેકશન આઇડી, પૈસા કોના ખાતામાં જમા થયા અને ઠગાયેલા લોકોના ઉપાડી લેવાયેલા નાણાં બ્લોક કરવા સહિતની કામગીરી કરવા અને તમામ માહિતી આપવા આ સંસ્થાઓને ફરજ પાડી શકે છે. નાણાંકીય સંસ્થાઓ પણ પોલીસે માંગેલી માહિતી આપવા બાધ્ય છે. સમન્સ મળ્યા બાદ આ સંસ્થાઓને જે તે વ્યક્તિ કે એકાઉન્ટની માહિતી આપવી પડશે. પોલીસને કોઇ નાણાંકિય સંસ્થા આ માહિતી ના પુરી પાડે તો તેની સામે કાયદાકીય કાર્યવાહી પણ થઇ શકે છે તેમ સાયબર લો એકસપર્ટ મયુર ભુસાવળકરે જણાવ્યું હતું.

નાણાકીય ઠગાઇથી બચવા શું કરવું 

  • મેસેજ પર આવેલી લીંક કયારેય ખોલવી નહી
  • કેશ ઓન ડિલીવરી કે વીપીપી ઓપ્શન જ પસંદ કરવો
  • યુપીઆઇ કે પીન કે ઓટીપી કોઇની સાથે શેર ના કરવો
  • તત્કાળ સાયબર સેલ પોલીસમાં જઇને ફરિયાદ કરવી
  • કાર્ડ કે ઇ વોલેટને બ્લોક કરી જે તે બેંક કે ઇ વોલેટ સંસ્થાને ફરિયાદ કરવી

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે તમે ભાવનાત્મક રીતે મજબૂત રહેશો. જ્ઞાનવર્ધક તથા રોચક કાર્યોમાં સમય પસાર થશે. પરિવાર સાથે ધાર્મિક સ્થળે જવાનો પણ પ્રોગ્રામ બનશે. તમે તમારા વ્યક્તિત્વમાં પોઝિટિવ પરિવર્તન અનુભવ કરશો. નેગ...

વધુ વાંચો