• Home
  • National
  • Chief Minister Uddhav Thackeray will visit Ayodhya today, visit Ramlala and Hanumangarhi with family.

પ્રવાસ / 27 વર્ષ પછી તંબુમાંથી બહાર નીકળશે રામલલ્લા, ફાઈબરના મંદિરમાં બિરાજશે, ઉદ્ધવ ઠાકરેએ 1 કરોડનું દાન આપ્યું

અયોધ્યામાં ઉદ્ધવ ઠાકરેને ગાર્ડ ઓફ ઓનર આપવામાં આવ્યુ
અયોધ્યામાં ઉદ્ધવ ઠાકરેને ગાર્ડ ઓફ ઓનર આપવામાં આવ્યુ
મહારાષ્ટ્રના મુખ્યમંત્રી ઉદ્ધવ ઠાકરે-ફાઈલ ફોટો
મહારાષ્ટ્રના મુખ્યમંત્રી ઉદ્ધવ ઠાકરે-ફાઈલ ફોટો

  • 6 ડિસેમ્બર 1992થી એક તંબુમાં જ રામલલ્લાને રાખવામાં આવ્યા હતા
  • ઉદ્ધવે જાહેરાત કરી હતી- સરકારના 100 દિવસ પૂરા થશે ત્યારે રામલલાના દર્શન કરીશ
  • લોકસભા ચૂંટણી અગાઉ અને બાદમાં અત્યાર સુધીમાં બે વખત અયોધ્યા આવી ચુક્યા છે ઉદ્ધવ ઠાકરે
  • કોરોના વાઈરસને લીધે આરોગ્ય મંત્રાલયની એડવાઈઝરી બાદ સરયુ આરતી અને જનસભા રદ્દ

Divyabhaskar.com

Mar 08, 2020, 03:02 AM IST

અયોધ્યાઃ 27 વર્ષથી તંબુમાં રહેલા રામલલ્લા બિરાજમાન 24 માર્ચથી ફાઈબરનું માળખું ધરાવતા મંદિરમાં રહેશે આ માટે એક અલગ માળખું બનાવાયું છે. ત્યારપછીના દિવસથી ચૈત્રી નવરાત્રી શરૂ થાય છે. શ્રીરામ જન્મભૂમિ તીર્થક્ષેત્રના મહાસચિવ ચંપતરાયે શનિવારે કહ્યું કે ફાઈબરનું મંદિર દિલ્હીમાં બની રહ્યું છે. 6 ડિસેમ્બર 1992થી રામલલ્લાની મૂર્તિ તંબુમાં રાખવામાં આવી હતી.

મહારાષ્ટ્રના CM ઉદ્ધવે અયોધ્યા પહોંચ્યા, રૂ. 1 કરોડનું દાન આપ્યું
મહારાષ્ટ્રના મુખ્યમંત્રી ઉદ્ધવ ઠાકરે શનિવારે પરિવાર સાથે અયોધ્યા પહોંચ્યા હતા. મુખ્યમંત્રી તરીકે 100 દિવસનો કાર્યકાળ પૂરો થવા નિમિત્તે તેમણે રામલલ્લાના દર્શન કર્યા હતા. તેમણે મંદિર નિર્માણ માટે એક કરોડ રૂપિયાનું દાન આપવાની જાહેરાત કરી છે. ઉદ્ધવે સ્પષ્ટ કર્યું હતું કે મંદિર બનાવવું એ આપણા સૌની જવાબદારી છે. આ દાન રાજ્ય સરકાર તરફથી નહીં પણ તેમના ટ્રસ્ટ તરફથી અપાયું હોવાનું ઉદ્ધવે સ્પષ્ટ કર્યું હતું. તેમણે ઉમેર્યું હતું કે શિવસેના ભાજપથી અલગ થઈ છે હિન્દુત્વથી નહીં.

અત્રે ઉલ્લેખનીય છે કે ઉદ્ધવ ઠાકરેએ 28 નવેમ્બરે મહારાષ્ટ્રમાં કોંગ્રેસ અને NCPના સમર્થનથી સરકારની રચના કરી મુખ્યમંત્રી તરીકે શપથ લીધા હતા. આજે તેઓ અયોધ્યાની ત્રીજી વખત મુલાકાત લઈ રહ્યા છે. લોકસભા ચુંટણી અગાઉ અને બાદમાં ઉદ્ધવે અયોધ્યા પ્રવાસ કરી રામલલાના દર્શન કર્યા હતા. તેઓ સરયૂ આરતી અને જનસભાનો કાર્યક્રમ હતો પણ કોરોના વાઈરસને લઈ ગૃહ મંત્રાલય અને આરોગ્ય મંત્રાલયની એડવાઈઝરી બાદ ભીડ એકત્રિત કરવાના કાર્યક્રમો રદ્દ કરવામાં આવ્યા છે.

બે કલાક અયોધ્યામાં રહેશે, ટ્રેન મારફતે પહોંચી રહ્યા છે શિવસૈનિક

મુખ્યમંત્રી ઠાકરે શનિવારે બપોરે ખાસ વિમાનથી પરિવાર સાથે લખનઉ સ્થિત ચૌધરી ચરણ સિંહ ઈન્ટરનેશનલ એરપોર્ટ પર પહોંચ્યા હતા. અહીંથી તેઓ સડક માર્ગે અયોધ્યા ગયા હતા. જ્યાં ઉદ્ધવ ઠાકરેનો બે કલાકનો કાર્યક્રમ છે. દરમિયાન વિશેષ ટ્રેન મારફતે આશરે અઢી હજાર શિવસૈનિક મુંબઈથી અયોધ્યા પહોંચ્યા છે.

અત્યાર સુધીમાં બે વખત અયોધ્યા આવી ચુક્યા છે ઉદ્ધવ

આ અગાઉ વર્ષ 2018માં લોકસભા ચૂંટણી અગાઉ અને બાદમાં જૂન 2019માં ઉદ્ધવ ઠાકરે પાર્ટીના સાંસદો સાથે અયોધ્યા ગયા હતા. તે સમયે મહારાષ્ટ્રના શિવનેરી કિલ્લાની માટી પણ તેમની સાથે લઈ ગયા હતા. શિવનેરી છત્રપતિ શિવાજી મહારાજનું જન્મસ્થળ છે. અયોધ્યામાં મંદિર-મસ્જિદ વિવાદ પર સુપ્રીમ કોર્ટનો ચુકાદો આવ્યા બાદ ઉદ્ધવે પ્રેસ કોન્ફરન્સમાં કહ્યું હતું કે તે (અયોધ્યા) એ એવી શક્તિ છે, જેનો હું અહેસાસ કરવા માંગુ છું. આ માટે હવે હુ વારંવાર ત્યાં જઈશ.

X
અયોધ્યામાં ઉદ્ધવ ઠાકરેને ગાર્ડ ઓફ ઓનર આપવામાં આવ્યુઅયોધ્યામાં ઉદ્ધવ ઠાકરેને ગાર્ડ ઓફ ઓનર આપવામાં આવ્યુ
મહારાષ્ટ્રના મુખ્યમંત્રી ઉદ્ધવ ઠાકરે-ફાઈલ ફોટોમહારાષ્ટ્રના મુખ્યમંત્રી ઉદ્ધવ ઠાકરે-ફાઈલ ફોટો

Next Stories

    ની  સંપૂર્ણ વાંચનસામગ્રી