Home » Uttar Gujarat » Latest News » Himatnagar » The police arrested the 20-year-old man living in the village on the basis of evidence

મોડાસા નજીક 8 વર્ષની બાળકી પર 3 વર્ષ પહેલા દુષ્કર્મ કરનારને ફાંસીની સજા

Divyabhaskar.com | Updated - Sep 13, 2018, 08:55 AM

પોલીસે ગામમાં જ રહેતા 20 વર્ષીય શખ્સને પુરાવાને આધારે ઝડપી પાડ્યો હતો

  • The police arrested the 20-year-old man living in the village on the basis of evidence
    પ્રતિકાત્મક તસવીર

    મોડાસા: મોડાસા તાલુકાના લીંભોઇમાં 3 વર્ષ અગાઉ આઠ વર્ષની બાળકીને ચોકલેટની લાલચ આપીને વીસ વર્ષીય યુવાને બાળકી ઉપર પાશવી બળાત્કાર ગુજારીને તેને ગામની સીમમાં આવેલા કૂવામાં ફેંકી દીધી હતી. આ અંગે મોડાસા રૂરલ પોલીસ સ્ટેશનમાં બળાત્કાર વીથ મર્ડરનો કેસ નોંધાયો હતો. પોલીસે ગામમાં જ રહેતા 20 વર્ષીય શખ્સને પુરાવાને આધારે ઝડપી પાડ્યો હતો. જો કે, આ કેસ બુધવારે અરવલ્લી જિલ્લા અદાલતની સ્પે.પોક્સો કોર્ટમાં ચાલી જતાં ન્યાયાધીશ એ.કે.રાવે તાજેતરમાં જ પોક્સોની સુધારેલી કલમ હેઠળ પુરાવા અને સાક્ષીઓની જુબાની તેમજ સરકારી વકીલની રજૂઆતોને આધારે ઘાતકી હત્યારાને ન્યાયાધીશે તકસીરવાન ઠેરવીને ફાંસીની સજા કરી હતી.

    દુષ્કર્મ કેસમાં ફાંસીની સજાનો રાજ્યનો બીજો કિસ્સો છે. ત્રણ મહિના અગાઉ ભરૂચ પોક્સો કોર્ટે ફાંસીની સજા ફરમાવી હતી. આ કેસની વિગત એવી છે કે, ગામના ચૌહાણ પરિવારના ત્રણ બાળકો તા.30 ઓક્ટોબર 2014ના રોજ સાંજના સમયે ઘરની પાસે આવેલી આંગણવાડી આગળ રમતાં હતા. તે દરમિયાન ત્યાંથી પસાર ગામમાં ખેત મજુરી કરતો શખ્સ આઠ વર્ષની બાળકીને ચોકલેટ આપવાની લાલચ આપી તેને પાંચનો સિક્કો આપીને ગામની સીમમાં લઇ ગયો હતો. સાંજના 7:30 કલાકના સમયે આ હત્યારાએ તેને જીવતી કૂવામાં નાંખી દઇને ઘાતકી હત્યા કરી પલાયન થઇ ગયો હતો.


    આ બનાવમાં પોલીસે એફ.એસ.એલ.ના પુરાવા તેમજ 34 જેટલાં સાક્ષીઓનાં નિવેદન લીધા હતા. અરવલ્લી જિલ્લા અદાલત સ્પેશ્યલ પોક્સો કોર્ટમાં ચાર્જશીટ રજુ કરી હતી. આ કેસ એડિશનલ ડિસ્ટ્રીક્ટ જજએ.કે.રાવની કોર્ટમાં ચાલી જતાં ન્યાયાધીશે નવી સુધારેલ પોક્સો કલમ હેઠળ આરોપી દિનેશ ઉર્ફે કાળો મણિલાલ વસાવા ઉં.વ.21 રહે.લીંભોઇ, તા.મોડાસા મૂળ રહે.અમૃતપુરા વાઘોડિયા જી.વડોદરાને સમાજમાં દાખલો બેસે તે માટે ફાંસીની સજા ફટકારી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Uttar Gujarat

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ