LRD પેપર / પાલનપુરમાં પરીક્ષાર્થી ગુપ્તભાગે મોબાઇલ છુપાવી લઈ ગયો, ચોરી કરી જવાબો લખ્યા

In Palanpur, the student wrote a reply on the hidden mobile phone
X
In Palanpur, the student wrote a reply on the hidden mobile phone

  • રાણાવાસના પરીક્ષાર્થીએ ફોટા પાડી મેસેજ કર્યા અને જવાબ મંગાવ્યા 
  • રાધનપુરની અંજુમન હાઇસ્કૂલમાં પેપરની છેલ્લી મિનિટોમાં ચોરી પકડાઈ

divyabhaskar.com

Jan 11, 2019, 11:51 AM IST

પાટણ: ગત રવિવારે લોકરક્ષક દળની ફરી લેવાયેલી ભરતી પરીક્ષા દરમિયાન રાધનપુર ખાતે અંજુમન હાઈસ્કૂલમાં એક પરીક્ષાર્થી ગુપ્ત ભાગે મોબાઈલ છુપાવીને પરીક્ષાખંડમાં લઇ ગયો હતો અને પેપરના ફોટા પાડી બહાર મોકલી તેના જવાબો પણ મંગાવ્યા હતા. પરંતુ પાછલી દસ મિનિટમાં શંકાસ્પદ હિલચાલ પરીક્ષકના ધ્યાને આવી જતા પેપર, ઉત્તરવહી, મોબાઈલ જપ્ત કરી લેતા આ ચોરીનો ભાંડો ફૂટ્યો હતો. આ અંગે પાલનપુરના રાણાવાસ ગામના પરીક્ષાર્થી અને તેણે જેને વોટ્સએપ મેસેજ કર્યો હતો તે શખ્સ સામે ચોરીની ગેરરીતી આચર્યાનો ગુનો રાધનપુર પોલીસ મથકે નોંધાયો છે.

ગુપ્તભાગે સંતાડી દેતા પ્રવેશ સમયે મોબાઈલ ઝડપાયો નહીં
1.અંજુમન સાર્વજનિક હાઇસ્કૂલના સેન્ટરમાં લોકરક્ષક ભરતીની લેખિત પરીક્ષા માટે અરુણ બારોટ પ્રવેશ્યો ત્યારે તેણે ગુપ્ત ભાગે મોબાઇલ સંતાડી દીધો હતો. આ કારણથી અંગજડતી દરમિયાન પોલીસ જવાનોના હાથમાં મોબાઈલ આવ્યો નહોતો. જો કે પરીક્ષા દરમિયાન નિરીક્ષકને શંકા જતા બાજુના રૂમમાં અરુણને લઈ જઈ ચેક કરતાં તેના પેન્ટ વાળા ગુપ્ત ભાગેથી મોબાઈલ કાઢી આપ્યો હતો.
વોટ્સએપના માધ્યમે સ્પર્ધાત્મક પરીક્ષામાં ચોરીની મોડસ ઓપરેન્ડી
2.ચોરી કરતા ઝડપાયેલા ઉમેદવાર અરુણ બારોટના ફોનમાં રાધનપુર પોલીસ સ્ટેશને તપાસ દરમિયાન પરીક્ષાના સમયે વોટ્સએપ એપ્લિકેશનમાં સોની નામથી એડ કરેલ વ્યક્તિના મોબાઈલ પર પ્રશ્નપત્રના ફોટા પાડી મોકલ્યા હોવાનું જણાતા નવી મોડસ ઓપરેન્ડી બહાર આવી હતી.
જવાબનો મેસેજ કોને અપાયો હશે તેની અટકળો
3.અરુણ બારોટ પ્રશ્નપત્ર વોટ્સએપથી તેના સોની નામના પરિચિતને આપેલ હતું અને તેણે જવાબો પણ મોકલ્યા હતા. આ જવાબો તેણે બીજા કોઈને મોકલ્યા હતા કે કેમ તેને લઈ સવાલો ચર્ચાસ્પદ બન્યા હતા. 
બીજો આરોપી પાલનપુરનો જેને પકડવાનો હજી પણ બાકી
4.રાધનપુર PSI ચૌધરીએ જણાવ્યું કે આરોપી અરૂણ બારોટને પકડી લેવાયો છે. જ્યારે તેના સાગરીત રવિભાઇ સોની પાલનપુરનો છે તેને પકડવાનો બાકી છે. અરૂણ બેંચ પર આઘાપાછો થતો હોઇ શિક્ષકને શંકા જતાં તેને પકડી લેવાયો હતો. 
COMMENT

Next Stories

    ની  સંપૂર્ણ વાંચનસામગ્રી