અકસ્માત કેસમાં મહિલાના પતિ,2 સંતાનોને રૂ.74.47 લાખ ચૂકવવા વીમા કંપનીને આદેશ

2 વર્ષ પહેલા
  • કૉપી લિંક

ઓઇલ મિલનાં માલિક એવાં મહિલાનું 6 વર્ષ પૂર્વે થરાથી ઊણ ગામ પાસે ડમ્પરની ટક્કરે મોત થવાની ઘટના બાદ તેમના પતિએ મૂકેલા ક્લેઇમ કેસમાં પાટણ ડિસ્ટ્રિક્ટ કોર્ટે વીમા કંપનીને રૂ.74.47 લાખ મૃતકના પતિ અને બે સગીર સંતાનોને વળતર પેટે ચૂકવવા આદેશ કર્યો હતો.

અગાઉ હારિજમાં રાજેશ્વરી ઓઇલ મિલ ધરાવતા અને શીવશક્તિ કોટન લી.ના ભાગીદાર વર્ષાબેન વિનોદચંદ્ર ઠક્કર ગત 12 મે, 2014ના રોજ તેમના ભાઇ અલ્પેશકુમારના મેસ્ટ્રો (જીજે 8એજી 2929)ની પાછળ બેસી ઊણથી વાલપુરા જઇ રહ્યા હતા, ત્યારે ઉણ આઉટ પોસ્ટ આગળ ડમ્પર (જીજે 8ઝેડ 9544)ના ચાલકે ટક્કર મારતાં વર્ષાબેન પર ડમ્પરનું ટાયર ફરી વળતાં મોત થતાં મૃતકના પતિ વિનોદચંદ્ર અને તેમના બે સંતાનોએ પોતાના વકીલ ભરતકુમાર જી.પટેલ મારફતે પાટણ કોર્ટમાં અકસ્માત વળતર મેળવવા ધી ન્યુ ઇન્ડિયા એશ્યોરન્સ કંપની સામે દાવો દાખલ કર્યો હતો. જે પાટણ ડિસ્ટ્રિક્ટ જજ બી.એસ. ઉપાધ્યાય સમક્ષ ચાલતાં કોર્ટે અકસ્માત વળતરમાં રૂ.74,47,895 ચૂકવવા આદેશ કર્યો હતો.

મૃતકના પતિએ પાટણ ડિસ્ટ્રિક્ટ કોર્ટમાં દાવો દાખલ કર્યો હતો

ડમ્પરની ટક્કરે સ્કૂટર પર જઇ રહેલી મહિલાનું મોત થયું હતું

અન્ય સમાચારો પણ છે...