Divya Bhaskar

Home » Uttar Gujarat » Latest News » Patan » પાટણનું ભટેરાપુરા, જ્યાં લોકો ખાડા ગાળી પાણી પીવે છ | This village of Gujarat is deprived of all the facilities

આ છે ગુજરાતનું સૌથી ગરીબ ગામ, જાણો કેવી છે દશા ?

Divyabhaskar.com | Updated - May 01, 2018, 06:52 PM

પ્રાથમિક શાળા નથી એટલે આંગણવાડી કેન્દ્રની તો વાત જ ક્યાં કરવી

  • ગરીબ ગામ- ધુળિયો કાચો રસ્તો છે

    સમી: ગુજરાત રાજ્યની સ્થાપના થઇ તે પહેલાંથી અહીં રહીએ છીએ, આજ ધૂળમાં નાનાં-મોટાં થયાં છીએ. અહીં જ સુખ-દુ:ખની તડકી છાંયડી જોઇ છે. પણ અમારી વાત કોઇ જ સાંભળતું નથી. ગામમાં પીવાના પાણીની સૌથી મોટી સમસ્યા છે. પાકો રસ્તોય નથી. પ્રાથમિક શાળા નથી એટલે આંગણવાડી કેન્દ્રની તો વાત જ ક્યાં કરવી... આ શબ્દો છે ભટેરાપુરા ગામના નરસિંહભાઇ ઠાકોર, રમાબા સહિતના ગામલોકોના.

    વિકાસ બાબતે આંખ આડા કાન....


    આ ગામ સમી-રાધનપુર હાઇવે પરના બાસ્પા ગામથી ત્રણ કિમી અંદરના ભાગે આવેલું છે. ભારત-પાકિસ્તાનના ભાગલા સમયે પાકિસ્તાન છોડીને આવેલા 35થી 40 શિરાશ્રિત ઠાકોર પરિવારોની ત્રીજી પેઢી હાલ આ ગામમાં રહે છે અને ખેતમજૂરી કરી પરિવારનો ગુજારો કરે છે. આ ગામ મહેમદપુરા જૂથ ગ્રામ પંચાયતમાં સમાવિષ્ટ છે. એટલે સરકારી ચોપડે તો છે, પણ વિકાસ બાબતે આંખ આડા કાન કરાઇ રહ્યાં છે.

    આગળ વાંચો: આજ સુધી પાણી ગામમાં આવ્યું નથી....

  • પાટણનું ભટેરાપુરા, જ્યાં લોકો ખાડા ગાળી પાણી પીવે છ | This village of Gujarat is deprived of all the facilities
    +2બીજી સ્લાઈડ્સ જુઓ
    ચોમાસામાં રસ્તો બંધ રહે

    આજ સુધી પાણી ગામમાં આવ્યું નથી....


    બાસ્પાથી કાચા માર્ગે આ ગામમાં જઇ શકાય છે. ગામમાં પ્રાથમિક શાળા ન હોઇ બાળકોને ભણવું હોય તો ત્રણ કિમી ચાલીને બાસ્પા જવું પડે. અા કારણોસર ગામની દીકરીઓ ભણી પણ શકતી નથી. પાણી માટે બે વર્ષ અગાઉ પાઇપલાઇન નખાઇ હતી, જેમાં થોડા દિવસ પાણી આવ્યું, તે પછી બંધ થયું તે થયું, આજદિન સુધી પાણી ગામમાં આવતું નથી. જેના કારણે પાણી માટે ગામલોકોએ ગામ નજીક એક ખેતરમાં વહેળો બનાવ્યો છે. સાતેક ફૂટ ઊંડા વહેળામાંથી દોરડા વડે ખેંચીને મહિલાઓ પાણી ભરે છે. 

     

    આગળ વાંચો: ચોમાસામાં રસ્તો બંધ રહે

  • પાટણનું ભટેરાપુરા, જ્યાં લોકો ખાડા ગાળી પાણી પીવે છ | This village of Gujarat is deprived of all the facilities
    +1બીજી સ્લાઈડ્સ જુઓ
    ગામમાં પ્રાથમિક શાળા નથી

    ચોમાસામાં રસ્તો બંધ રહે

     

    ગામના અગ્રણી શંકરભાઇ મનજીભાઈના જણાવ્યા મુજબ, બાસ્પા હાઇવેથી ગામને જોડતા 3 કિમીના કાચા રસ્તામાં ચોમાસામાં પાણી ભરાઈ રહે છે. જેના કારણે બીમારી કે પ્રસૂતિ જેવા પ્રસંગોએ ગામલોકોની ખરી કસોટી થાય છે. સરકાર પાકો રસ્તો અને પાણીની તકલીફ દૂર કરી દે તો બસ, અમારે બીજું કાંઇ નથી જોતું.

  • પાટણનું ભટેરાપુરા, જ્યાં લોકો ખાડા ગાળી પાણી પીવે છ | This village of Gujarat is deprived of all the facilities
    પાકિસ્તાન છોડીને આવેલા 35થી 40 શિરાશ્રિત ઠાકોર પરિવારોની ત્રીજી પેઢી હાલ આ ગામમાં રહે છે
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Uttar Gujarat

Trending