આરોગ્ય વિભાગમાં ફરતી ગાડીઓ 1લી એપ્રિલથી બંધ કરવા ચીમકી

જિલ્લા આરોગ્ય વિભાગમા ફરતી 110 ગાડીઓના ડ્રાઇવરોને 4 મહિનાથી પગાર ના ચૂંકવાતા શુક્રવારે જિલ્લા વિકાસ અધિકારીને લેખિતમા પગાર ચૂંકવણી નહી થાય તો 1લી એપ્રિલથી ગાડીઓ બંધ કરવા અલ્ટીમેટમ આપ્યુ હતુ.

મહેસાણા જિલ્લાના તમામ તાલુકાઓમા આરોગ્ય વિભાગ દ્વારા 110 જેટલી કોન્ટ્રાકટ પર ગાડીઓ ફળવાઇ છે.પરંતુ છેલ્લા 4 મહિનાથી ડ્રાઇવરોને પગાર ના ચૂંકવાતા તેમને ઘર ચલાવવુ મુશ્કેલ બન્યુ છે.આ સંજોગોમા અનેક રજૂઆતો કરીને થાકેલા ડ્રાઇવરોએ શુક્રવારે જિલ્લા વિકાસ અધિકારી અને જિલ્લા આરોગ્ય અધિકારીને લેખિત આપ્યુ હતુ.જેમા તેઓ ઘર ચલાવવા વ્યાજે નાણા લાવ્યા છે અને વ્યાજ ચૂ઼કવીને થાક્યા છે. બાળકોનો અભ્યાસ અને ઘર ચલાવવાની જવાબદારી ખાલી ખિસ્સે નિભાવી શકાય તેમ ન હોઇ 1લી એપ્રિલથી ગાડીઓ બંધ કરવાનુ અલ્ટીમેટમ આપ્યુ હતુ. ઉલ્લેખનીય છે કે છેલ્લા ચાર મહિનાથી પગારથી વંચીત ડ્રાઇવરોની હાલત કફોડી બની છે ત્યારે તંત્ર દ્રારા આ બાબતને ગંભીરતાથી લઇ તત્કાલ તેઓના પગાર ચુકવવામાં આવે તેવુ ઇચ્છી રહ્યા છે.

ડ્રાઈવરો 4 મહિનાથી પગારથી વંચિત