હાથીપુરામાં વૃદ્ધના હત્યા કેસમાં વધુ એકની ધરપકડ

ખેરાલુ પોલીસે હાથીપુરામાં વૃધ્ધની હત્યા કેસમાં સ્થાનિક યુવાનની ધરપકડ કરી રિમાન્ડની તજવીજ હાથ ધરી હતી.

હાથથીપુરાનો રાકેશજી રાજપુત, ચૌધરી સમાજની યુવતીને ભગાડી જવાના મુદ્દે 25 જાન્યુ.એ હુમલો કરાયો. 70 વર્ષના નાથુજી લાલાજી રાજપુતને ઇજા થતાં 24 દિવસની સારવાર દરમિયાન મોત થતાં પોલીસે હત્યાની કલમનો ઉમેરો કર્યો હતો. આ કેસમાં ભાગતા ફરતા ખેરાલુના મોંઘજીભાઇ ઘેમરભાઇ ચૌધરીની પોલીસે ધરપકડ કરી તે અત્યાર સુધી ક્યાં છુપાયો હતો, કોણે મદદ કરી હતી, અન્યોની સંડોવણી સંબંધે પૂછપરછના ભાગરૂપે રિમાન્ડ મેળવવા કાર્યવાહી કરી હતી.