વિજાપુરમાં જુગારધામ પર ગાંધીનગર વિજીલન્સનો દરોડો, 9 જુગારી ઝડપાયા

ગાંધીનગર વિજીલન્સે વિજાપુર ડિસ્ટ્રિક્ટ બેંકની પાછળ ગુરુવારે રેડ કરી રોકડ, બાઇક અને મોબાઇલ મળી કુલ રૂ.43,620 સાથે 9 જુગારીઓને ઝડપી લીધા હતા. જે અંગે વિજાપુર પોલીસ સ્ટેશનમાં ગુનો નોંધાયો છે.

વિજાપુરમાં ડિસ્ટ્રિક્ટ બેંકની પાછળ બહારથી માણસો બોલાવીને છાપરામાં જુગાર રમાડાતો હોવાની બાતમી આધારે ગાંધીનગર સ્ટેટ મોનિટરિંગ સેલના પીએસઆઇ આર.આર. સોલંકી સહિત સ્ટાફે રેડ કરી હતી. જેમાં પોલીસે રોકડ રૂ.8620, એક બાઇક અને પાંચ મોબાઇલ મળી કુલ રૂ.43,620ના મુદ્દામાલ સાથે 9 જુગારીને ઝડપી લીધા હતા. રેડને પગલે સ્થાનિક પોલીસ દોડતી થઇ હતી.

રેડ દરમિયાન જુગાર રમતાં ઝડપાયેલા શકુનિ
1.ઐયુબમીયા હુસેનમીયા શેખ રહે. ગરીબનવાઝ સોસાયટી, શાકમાર્કેટની બાજુમાં વિજાપુર

2. સુલતાન અહેમદ ઇનાયતમીયા સૈયદ રહે.અભુજીનગર પ્લોટ નંબર 30, વિજાપુર

3. ભરતસિંહ જવાનસિંહ ઠાકોર રહે.દોશીવાડો, રામજીમંદિરની બાજુમાં વિજાપુર

4. મુનાફખાન દિલાવરખાન પઠાણ ઉર્ફે કાલુ રહે.હૈદરચોક, શાંથ બજાર, વિજાપુર

5.ફારુક અકબરભાઇ શેખ રહે.મહેસાણા ડિસ્ટ્રિક્ટ બેંકની પાછળ, વિજાપુર

6. સત્તાર કાસમભાઇ શેખ રહે. દોશીવાડા, મહાબીબીની ફળી, તા.વિજાપુર

7. સલીમહુસેન ગુલામહુસેન કુરેશી રહે. મહેસાણા ડિસ્ટ્રિક્ટ બેંકની સામે, વિજાપુર

8. બળદેવજી ધનાજી ઠાકોર રહે.જંત્રાલ, તા.વિજાપુર

9. મહંમદ હનીફ ઇર્શાદહુસેન શેખ રહે.ઉંડીશેરી કસ્બા, મહેસાણા