Home » Uttar Gujarat » Latest News » Mehsana » unique holi celebration for forecast future in visnagar

અનોખી પરંપરા: વિસનગરમાં ખાસડા યુધ્ધ ખેલી કરાય છે સારા વર્ષની આગાહી

Divyabhaskar.com | Updated - Mar 02, 2018, 11:30 AM

છેલ્લા 150 વર્ષથી ચાલતા પરંપરાગત ખાસડા યુદ્ધની ઊજવણી હર્ષભેર કરવામાં આવી

  • વિસનગર: વિસનગરમાં છેલ્લા 150 વર્ષથી ચાલતા પરંપરાગત ખાસડા યુદ્ધની ઊજવણી હર્ષભેર કરવામાં આવી હતી. આ યુદ્ધમાં જેને ખાસડું વાગે તેનું વર્ષ સારું જતું હોવાની માન્યતા હોવાની આ યુદ્ધમાં નગરમાંથી મોટી સંખ્યામાં લોકો જોડાયા હતા. યુદ્ધ બાદ ખજૂર ભરેલો ઘડો મેળવવા બે જૂથે પડાપડી કરી હતી.

    વિસનગરના મંડીબજારમાં ધૂળેટીની સવારે શહેરના ઉત્તર વિભાગમાં વસતા મોદી, ઠાકોર અને પટેલ સમાજના લોકોનું તેમજ દક્ષિણ વિભાગમાંથી વસતા બ્રાહ્મણો, કંસારા અને વાણિયા તેમજ પટેલ સમાજના લોકોનું જૂથ એકઠું થયું હતું. પરંપરા મુજબ શરૂઆતમાં બંને જૂથે ખાસડાં તેમજ શાકભાજી ફેંકી યુદ્ધ ખેલ્યું હતું. ત્યાર બાદ ચોકમાં ખજુર ભરેલો ઘડો મેળવવા બંને જૂથ વચ્ચે ભારે ખેંચતાણ સર્જાઇ હતી. આ યુદ્ધ પૂરું થયા બાદ વિજેતા જૂથે સમગ્ર વિસ્તારમાં ઘરે ઘરે ફરીને ખજૂર ઉઘરાવી શહેરીજનોને વહેંચી હતી.


    આગળની સ્લાઈડ્સ ખાસડા યુદ્ધ અંગે લોકમાન્યતા (તસવીરો અને વીડિયો: ઈન્દ્રવદન ભટ્ટ, વિસનગર)

  • unique holi celebration for forecast future in visnagar
    +2બીજી સ્લાઈડ્સ જુઓ

    ખાસડા યુદ્ધ અંગે લોકમાન્યતા

     

    હોલિકા અગ્નિમાં બળીને ભસ્મ થઇ ગઇ હતી અને ભકત પ્રહલાદ બચી ગયો હતો. જેથી તે સમયે આસુરોનો નાશ થવાની ખુશીમાં ગુલાલ અને સામસામે ખાસડાં ફેંકાયાં હતાં. ત્યારથી આ પરંપરા ચાલી આવે છે. આ અંગે કિરણભાઈએ જણાવ્યું હતું કે, 150 વર્ષથી ચાલતી આ પરંપરામાં જેને ખાસડું વાગે તેનું વર્ષ સારૂ જાય તેવી માન્યતા છે. 

     

    આગળની સ્લાઈડ્સ મહારાષ્ટ્રમાં હતી પરંપરા

  • unique holi celebration for forecast future in visnagar
    +1બીજી સ્લાઈડ્સ જુઓ

    મહારાષ્ટ્રમાં હતી પરંપરા


    વર્ષો પૂર્વે આ પરંપરા મહારાષ્ટ્રમાં ચાલતી હતી અને તે સમયે ગુજરાત મુંબઇ રાજ્યમાં હતું ત્યારથી આ અનોખા યુદ્ધની શરૂઆત શહેરમાં થઇ છે. જો કે હાલ આ પર્વમાં ખાસડાંનું પ્રમાણ ઓછું હોય છે. તેનું સ્થાન બટાકા, ડુંગળી, ટામેટા તેમજ રિંગણ સહિતના શાકભાજીએ લીધું છે. 

  • unique holi celebration for forecast future in visnagar
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Uttar Gujarat

Trending

વીડિયો વધુ જુઓ