તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ગોઠડા પ્રા.શાળામાં ગુલ્લીબાઝ શિક્ષકોની બદલીની માંગ સાથે શાળાને તાળાંબંધી

એક વર્ષ પહેલા
  • કૉપી લિંક

દાંતા તાલુકાની ગોઠડા પ્રા.શાળામાં શિક્ષકોના મનસ્વી વર્તન અને ગુલ્લી મારવાની ટેવના કારણે ગુરુવારે વાલીઓએ કંટાળી શાળાને તાળાબંધી કરી શિક્ષકો વિરુદ્ધ સુત્રોચ્ચાર કરી શિક્ષણકાર્યનો બહિષ્કાર કર્યો હતો.

દાંતા તાલુકાના ગોઠડા ગામે કેટલાક ગુલ્લીબાઝ અને મનસ્વી વર્તન ધરાવતા શિક્ષકોને લઇ ગુરુવારે શાળાને તાળાબંધી કરી છે. ગોઠડાની પ્રાથમિક શાળામાં 1 થી 8 ના વર્ગો ચાલે છે. જેમાં 9 શિક્ષકો ફરજ બજાવે છે. જેમાં કેટલાક શિક્ષકો શાળામાં હાજર રહેતા નથી. ઉપરાંત શિક્ષકોના આંતરિક વિખવાદને લઇ બાળકોનું ભવિષ્ય બગડી રહ્યું હોવાનું વાલીઓએ જણાવ્યું હતું. જોકે આ બાબતોને લઇ ગ્રામજનોમાં ભારે રોષ જોવા મળ્યો હતો અને ઢોલ વગાડી વાલીઓ ભેગા થયા હતા અને શાળામાંથી તમામ વિદ્યાર્થીઓને બહાર કાઢી શાળાના તમામ વર્ગોની તાળાબંધી કરી શિક્ષકો હાય હાય ના નારા લગાવ્યા હતા. પોતાના ગામની શાળામાં જ્યાં બાળકોનું ભવિષ્ય બનવાનું છે તેવી શાળામાં આવા શિક્ષકોને તાત્કાલિક બદલવા માંગ કરી છે. ગામના તમામ વાલીઓ ભેગા થઇને શાળાના શિક્ષકોને બહાર કાઢી વર્ગખંડો સહિત કમ્પાઉન્ડના મુખ્ય દરવાજાને તાળાબંધી કરી હતી.

વિદ્યાર્થીઓની પરીક્ષા આવી રહી હોવાથી સરકારે આ શિક્ષકોને બદલી કરી શાળાને પુનઃ વ્યવસ્થિત કરવા તમામ વાલીઓ વતી લાડુભાઇ કોદરવી તથા રેખાબેન કોદરવીએ માંગ કરી હતી.

ઢોલ વગાડી બાળકોને બહાર કાઢી શાળાને તાળાં મારી વાલીઓએ શિક્ષણનો બહિષ્કાર કર્યો

_photocaption_વાલીઓએ બાળકોને બહાર કાઢી શાળાને તાળાબંધી કરી હતી.*photocaption*
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- તમારા પોઝિટિવ અને સંતુલિત વિચાર દ્વારા થોડા સમયથી ચાલી રહેલી પરેશાનીઓનો ઉકેલ મળી શકશે. તમે એક નવી ઊર્જા સાથે તમારા કાર્યો પ્રત્યે ધ્યાન કેન્દ્રિત કરી શકશો. જો કોઇ કોર્ટ કેસને લગતી કાર્યવાહી ...

    વધુ વાંચો