Divya Bhaskar

Home » Uttar Gujarat » Latest News » Palanpur » બબ્બે મુખ્યપ્રધાનોએ દત્તક લીધેલું કરમદી ગામ આજેપણ સુવિધાવિહોણું | This village adopted by Two Ministers But There No Facilities

બબ્બે મુખ્યપ્રધાનોએ દત્તક લીધેલું આ ગામ આજેપણ સુવિધાવિહોણું

Divyabhaskar.com | Updated - May 01, 2018, 03:17 AM

70 કિલોમીટર લાંબા થઈને અનાજ લાવો અથવા 5 કિલોમીટર ડુંગરા ખૂંદો, ગામમાં 160 ઘર છે પણ એકેયમાં ટીવી નથી

  • બબ્બે મુખ્યપ્રધાનોએ દત્તક લીધેલું કરમદી ગામ આજેપણ સુવિધાવિહોણું | This village adopted by Two Ministers But There No Facilities
    +3બીજી સ્લાઈડ્સ જુઓ
    70 કિલોમીટર લાંબા થઈને અનાજ લાવો અથવા 5 કિલોમીટર ડુંગરા ખૂંદો

    પાલનપુર: વાત છે બનાસકાંઠાના આદિવાસી વિસ્તાર અમીરગઢ તાલુકાના કરમદી ગામની કરમ કઠણાઇની. પર્વતીય વિસ્તારમાં વસેલા આ ગામને રાજ્યના પૂર્વ મુખ્યમંત્રી અમરસિંહ ચૌધરી અને પછી નરેન્દ્ર મોદીએ દત્તક લીધું હતું. તેમ છતાં આઝાદીના છ દાયકા બાદ પણ ગામમાં વિકાસનો સૂરજ ઉગ્યો નથી. ગામમાં પીવાના પાણીની તંગી છે. વીજળી હવે આવી છે, પણ બધા ઘરોમાં જોડાણ અપાયાં નથી. રસોઈ ગેસ તો ગામલોકો માટે સ્વપ્ન સમાન છે. ગામમાં નથી બસની સુવિધા કે નથી તો કોઈ સરકારી દવાખાનાની સગવડ. ગામમાં 160 ઘરો છે, પણ એકેયમાં ટીવી નથી. પ્રાથમિક શાળા છે ખરી પણ માત્ર નામની.


    ગામલોકો પાસે મોબાઇલ તો છે પણ આસપાસમાં કોઈ મોબાઈલ ટાવર પણ ના હોઇ વાત કરવી હોય તો ઊંચાઈવાળી જગ્યાએ જાય તો રાજસ્થાનનું નેટવર્ક આવે છે. પોસ્ટ ઓફિસ, દૂધડેરી, સહકારી મંડળી, બેંક કે પછી કોઈ સીધુસામાનની દુકાન સુધ્ધાં નથી. ગામમાં દસ સુધી ભણેલો માત્ર એક જ વિદ્યાર્થી છે.


    જોકે, આ બધી સમસ્યાઓ વચ્ચે ગામલોકોની મુખ્ય માંગણી એમને સસ્તું અનાજ કરમદી ગામમાં જ મળે તેવી વ્યવસ્થા કરવાની છે. હાલ 5 કિલોમીટર ડુંગરા ખૂંદીને અમીરગઢથી અનાજ લાવે ત્યારે ઘરમાં ચુલો સળગે તેવી સ્થિતિ છે. જો વાહનમાં જવું હોય તો કરમદીથી અંબાજી અને ત્યાંથી આબુરોડ થઇ અમીરગઢ જવું પડે છે. જેમાં આખો દિવસ અનાજ લાવવામાં જાય અને એમાંય જ્યારે જથ્થો ના આવ્યો હોય ત્યારે ફેરો માથે પડે છે અને બીજા દિવસે ફરી ડુંગરા ખુંદવા પડે છે.

    આગળ વાંચો: પ્રાથમિક શાળાની સુવિધા નથી

  • બબ્બે મુખ્યપ્રધાનોએ દત્તક લીધેલું કરમદી ગામ આજેપણ સુવિધાવિહોણું | This village adopted by Two Ministers But There No Facilities
    +2બીજી સ્લાઈડ્સ જુઓ
    100 ઘરોમાં તો હજુ વીજ કનેક્શન પણ નથી

    પ્રાથમિક શાળાની સુવિધા નથી


    આ ગામ ખાપા ગૃપમાં આવે છે. જેમાં ઉપલાખાપા, નીચલા ખાપા, ઉપલો બંધ, નીચલો બંધ અને કરમદી એમ પાંચ ગામોનો સમાવેશ થાય છે. જે 20 કિલોમીટર ડુંગરાળ ઘેરાવામાં આવેલા છે. કોઈ ખેડૂતને પંચાયતનો દાખલો લેવો હોય તો આખો દિવસ પસાર થઇ જાય છે. બાળકો જ્યાં ભણે છે તે પ્રાથમિક શાળામાં સુવિધા જ નથી. બાળકોને ભણાવવા 5 શિક્ષકો આવે છે, પરંતુ 6 ધોરણ પછી સાતમું ભણવા અહીંથી બારેક કિલોમીટર દૂર ચાલીને જવા કોઈ તૈયાર ન હોવાથી બાળકો આગળ ભણી શકતા નથી.

     

    આગળ વાંચો: ખાપાથી કરમદીનો પાકો રસ્તો બને તોય બસ...

  • બબ્બે મુખ્યપ્રધાનોએ દત્તક લીધેલું કરમદી ગામ આજેપણ સુવિધાવિહોણું | This village adopted by Two Ministers But There No Facilities
    +1બીજી સ્લાઈડ્સ જુઓ
    ગામમાં 160 ઘર છે પણ એકેયમાં ટીવી નથી

    ખાપાથી કરમદીનો પાકો રસ્તો બને તોય બસ...

     

    કરમદી ગામના લોકો પાછલા કેટલાય વર્ષોથી ખાપાથી કરમદી પાકો રસ્તો બને તેવી માંગ કરી રહ્યા છે, પરંતુ તેમની રજૂઆત કોઇ સાંભળતું નથી. હાલ રસ્તાના અભાવે ગામલોકોને તાલુકા મથક જવા માટે 70 કિલોમીટરનું ચક્કર લગાવવું પડે છે.


    આગળ વાંચો: 100 ઘરોમાં તો હજુ વીજ કનેક્શન પણ નથી

  • બબ્બે મુખ્યપ્રધાનોએ દત્તક લીધેલું કરમદી ગામ આજેપણ સુવિધાવિહોણું | This village adopted by Two Ministers But There No Facilities
    દવાખાનું પણ નથી

    100 ઘરોમાં તો હજુ વીજ કનેક્શન પણ નથી


    ગામમાં અંધારાં દૂર કરવા વર્ષો બાદ વીજપોલ લગાવાયાં છે. કેટલાક ઘરોમાં વીજ કનેકશન અપાયું છે, હજુ 100 ઘરોમાં વીજ કનેકશન બાકી છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Uttar Gujarat

Trending