સહેવાગે કરી પાકિસ્તાની ક્રિકેટર ઉપર કોમેન્ટ, ટ્વિટર પર શરૂ થઈ ગઈ જંગ

સ્પોર્ટ્સ ડેસ્ક : ભારતનો પૂર્વ આક્રમક ક્રિકેટર વિરેન્દ્ર સહેવાગ સોશિયલ મીડિયામાં મજાક ભરી કોમેન્ટ્સ અને સેન્સ ઓફ હ્યુમરના કારણે ચર્ચામાં રહે છે. જોકે હાલમાં જ તેનો મજાક કરવાનો અંદાજ પાકિસ્તાની પ્રશંસકોને નારાજ કરી દીધા હતા. સહેવાગે પાકિસ્તાની ક્રિકેટર ઉમર અકમલનો એક ફોટો શેર કર્યો હતો અને આ ફોટો પર મજાક કરી હતી, જેના કારણે પાકિસ્તાની પ્રશંસકો સહેવાગ ઉપર ભડક્યા હતા.

- સહેવાગે ઉમર અકમલનો એક ફોટો ટ્વિટ કર્યો છે, જેમાં અકમલના હાથમાં બેટ છે અને બાળક જેવો પોઝ આપી રહ્યો છે.
- આ ફોટો સાથે સહેવાગે કોમેન્ટ કરી હતી કે, ‘મૈ તો નન્હા સા, મુન્ના સા, પ્યારા સા બચ્ચા હું. એક છાત (બાળકની ભાષામાં લખ્યું છે) 4-4 બેટ.’આ પછી સહેવાગે લખ્યું હતું કે ‘એ ગ્રેટ ટેલેન્ટ વિથ બેટ.’
- સહેવાગની આ મજાક પાકિસ્તાની પ્રશસંકોને ગમી ન હતી અને આ પછી સહેવાગને નિશાન બનાવવાનું શરૂ કર્યું હતું.
- પાકિસ્તાની પ્રશંસકોના જવાબમાં સહેવાગના ભારતીય પ્રશંસકો પણ સામે આવ્યા હતા અને ટ્વિટર ઉપર વોર શરૂ થઈ ગયું હતું.
- આ કારણે ના કોઈ જીત્યું કે ના કોઈને હાર થઈ પણ ઉમર અકમલ ટ્રેન્ડમાં આવી ગયો હતો.