એગોન ક્લાસિક ટેનિસમાં પેટ્રા ક્વિટોવા બની ચેમ્પિયન

બર્મિંગહામ:  ભૂતપૂર્વ વિમ્બલ્ડન ચેમ્પિયન ચેક રિપબ્લિકની પેટ્રા ક્વિટોવાએ ઓસ્ટ્રેલિયાની એશ્લે બાર્ટીનને 4-6, 6-3, 6-2થી હરાવીને એગોન ક્લાસિક ડબ્લ્યૂટીએ ટેનિસ ટૂર્નામેન્ટનું ટાઇટલ જીતી લીધું હતું. જોકે ક્વિટોવા પેટના સ્નાયુ ખેંચાઇ જવાના કારણે ઇસ્ટબોર્ન ખાતે રમાનારી એગોન ઇન્ટરનેશનલ ટૂર્નામેન્ટમાંથી ખસી ગઇ છે. ગયા વર્ષે ડિસેમ્બરમાં હથિયારધારી ચોર સામે લડત આપવાના કારણે ઘાયલ થયા બાદ ક્વિટોવાની આ બીજી ટૂર્નામેન્ટ છે. ક્વિટોવા 2011 તથા 2014માં ગ્રાસ કોર્ટ પર રમાતા વિમ્બલ્ડન ગ્રાન્ડસ્લેમ જીતી ચૂકી છે.