તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

પેરાલિમ્પિક બાદ આ ખેલાડી ઈચ્છામૃત્યુ ઈચ્છે છે

5 વર્ષ પહેલા
  • કૉપી લિંક
બ્રસેલ્સ : બેલ્જિયમની એક ખેલાડી એવી છે કે જે રિયો પેરાલિમ્પિક બાદ ઈચ્છામૃત્યુની માંગ કરી છે. આવું એટલે ઈચ્છે છે કેમ કે તે અસાધ્ય કરોડરજ્જુની બીમારીથી પીડાય છે. તેનાથી તેણે અસહ્ય દુખાવો થાય છે. તે ઊંઘી પણ શકતી નથી. જેના કારણે તેણે રિયો બાદ ઈચ્છામૃત્યુની માંગ કરી છે. આ ખેલાડીનું નામ મારીકે વરવૂર્ત છે. તે વ્હિલચેર સ્પ્રિન્ટર છે. લંડન પેરાલિમ્પિકમાં 100 મીટરમાં ગોલ્ડ અને 200 મીટરમાં સિલ્વર મેડલ જીતી ચૂકી છે. આ વખતે પણ તે મેડલની દાવેદાર તરીકે મેદાનમાં ઉતરશે.

બેલ્જિયમની મારીકે વરવૂર્ત કરોડરજ્જુની બીમારીથી પીડાય છે, અસહ્ય દુખાવાને કારણે ઊંઘી પણ શકતી નથી

મારીકેએ જણાવ્યું હતું કે વર્ષ 2000માં મને સ્વાસ્થયની સમસ્યા ઉદભવી હતી. એક બિમારીએ મને અપંગ બનાવી દીધી હતી. છતાં પણ હું રમતો સાથે જોડાઈ રહી હતી. પહેલા હું ટ્રાઈથ્લોનમાં ભાગ લેતી હતી. ત્યારબાદ 2008માં મે વ્હિલચેર સ્પ્રિન્ટમાં ભાગ લેવાનું શરૂ કર્યું. શરૂઆતમાં બધું બરાબર ચાલ્યું, પરંતુ ધીમે ધીમે મારી સમસ્યાઓમાં વધારો થવા લાગ્યો. મને એવી બીમારી છે કે જેનું કોઈ નિદાન નથી. મને એટલો વધારે દુખાવો થાય છે કે જેના કારણે હું રાતે ઊંઘી પણ શકતી નથી. ક્યારેક ક્યારેક તો માત્ર 10 મિનિટ માટે ઊંઘુ છું. ત્યારબાદ પ્રેકટીસ પણ કરવી પડે છે. ભલે હું મારી બીમારી સાથે લડતી હોવ પરંતુ તેની સાથે સખત ટ્રેનિંગ પણ કરું છું.

રિયો બાદ મારું રમતની કારકિર્દી પૂરી થઈ જશે.મને આશા છે કે હું રિયોમાં મારી સફર પોડિયમ પર જ પૂર્ણ કરીશ. હું મારા જીવનથી એટલી હદ સુધી કંટાળી ગઈ છું કે રિયો પેરાલિમ્પિક બાદ ઈચ્છામૃત્યુનો વિચાર કરી રહી છું. મારીકે વધુમાં જણાવ્યું હતું કે હું ઈચ્છું છું કે બધાં લોકો પોતાના હાથોમાં શેમ્પેનના ગ્લાસ લઈને મને યાદ કરે. રિયો મારી અંતિમ ઈચ્છા છે. મે મારી અંતિમ યાત્રાની યોજના પણ બનાવી લીધી છે.

હું રિયોમાં ગોલ્ડ જીતવા માંગુ છું. જો કે જીતવું મારા માટે સહેલું નથી. મને સખત ટક્કર મળશે. જ્યારે પણ હું રેસ દરમિયાન વ્હિલચેર પર બેસું છું ત્યારે બધાં જ નકારાત્મક વિચારો મગજમાંથી દૂર થઈ જાય છે. બધી જ પીડા દૂર થઈ જાય છે. આ દરમિયાન બીક, દુ:ખ, તકલીફ અને તણાવ બધૂં જ દૂર થઈ જાય છે. મારીકે પેરાલિમ્પિકમાં ટી52ના 100 અને 400 મીટરમાં પડકાર આપતી જોવા મળશે. બેલ્જિયમમાં ઈચ્છામૃત્યુ પર પ્રતિંબધ છે. પરંતુ જો ત્રણ ડોક્ટર તેના પર સહમત થાય તો તે શક્ય છે.
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે ઘરના કાર્યોને વ્યવસ્થિત કરવામાં વ્યસ્તતા રહેશે. પરિવારના લોકો સાથે આર્થિક સ્થિતિને સારી જાળવી રાખવાને લગતી યોજનાઓ પણ બનશે. કોઇ જૂની જમીન-જાયદાદને લગતા કાર્યો એકબીજાની સલાહ દ્વારા ઉકેલાઈ ...

    વધુ વાંચો