પ્રથમ ટેસ્ટમાંથી ભૂવનેશ્વર કુમાર થઇ શકે છે બહાર, આવી હોઇ શકે છે ભારતની પ્લેઇંગ ઇલેવન

divyabhaskar.com

Dec 04, 2018, 04:01 PM IST
India Vs Australia Probable Playing XI For The First Test Match Against Australia

સ્પોર્ટ્સ ડેસ્ક: ભારત અને ઓસ્ટ્રેલિયા વચ્ચે ચાર ટેસ્ટ મેચની સિરીઝની પ્રથમ ટેસ્ટ મેચ 6 ડિસેમ્બરથી એડિલેડમાં રમાશે. ભારતીય ટીમની પ્લેઇંગ ઇલેવન લગભગ નક્કી થઇ ગઇ છે. પૃથ્વી શૉ પ્રેક્ટિસ મેચમાં ઇજાગ્રસ્ત થતા પ્રથમ ટેસ્ટ મેચમાંથી બહાર થઇ ગયો છે.

વિજય-રાહુલ પર ઓપનિંગની જવાબદારી

મુરલી વિજય અને લોકેશ રાહુલ ઓપનિંગ કરી શકે છે. મુરલી વિજયે પ્રેક્ટિસ મેચમાં આક્રમક સદી ફટકારી જોરદાર વાપસી કરી છે. બીજી તરફ છેલ્લા કેટલાક સમયથી આઉટફોર્મમાં રહેલા લોકેશ રાહુલે પ્રથમ ઇનિંગમાં 3 રન બાદ બીજી ઇનિંગમાં અડધી સદી ફટકારી પોતાની જગ્યા ફિક્સ કરી લીધી છે.

પૂજારા-કોહલી-રહાણે પર મિડલ ઓર્ડરની જવાબદારી

ભારતીય ટીમની મિડલ ઓર્ડરની જવાબદારી ચેતેશ્વર પૂજારા, વિરાટ કોહલી અને અજિંક્ય રહાણે પર રહેશે. આ ત્રણેય ખેલાડીઓએ પ્રેક્ટિસ મેચમાં અડધી સદી ફટકારી હતી. ચેતેશ્વર પૂજારા દિવાલ બનીને ઓસ્ટ્રેલિયન બોલરોને પરેશાન કરી શકે છે. પૂજારા ત્રીજા નંબર પર બેટિંગ કરવા ઉતરશે. જ્યારે ચોથા નંબર પર ભારતીય કેપ્ટન વિરાટ કોહલી અને પાંચમા નંબરે રહાણે બેટિંગમાં આવશે. છઠ્ઠા નંબર પર હનુમા વિહારી અથવા રોહિત શર્મા આ બન્નેમાંથી કોઇ એકને તક આપવામાં આવી શકે છે. રોહિત શર્માને ટીમમાં જગ્યા મળવી મુશ્કેલ છે કારણ કે હનુમા વિહારી ફોર્મમાં છે અને તે પ્રેક્ટિસ મેચમાં સારૂ પ્રદર્શન કર્યુ હતું.

વિકેટ કીપર તરીકે રિષભ પંત-પાર્થિવ પટેલ વચ્ચે ટક્કર

વિકેટકીપર તરીકે લગભગ રિષભ પંતનું સ્થાન ફાઇનલ છે પણ પાર્થિવ પટેલના અનુભવને જોતા તેને પણ પ્રથમ ટેસ્ટ મેચમાં તક મળી શકે છે. પાર્થિવ વિકેટકીપિંગની સાથે સાથે બેટિંગ પણ કરે છે. રિષભ પંતને ઓસ્ટ્રેલિયાની પિચ પર રમવાનો વધુ અનુભવ નથી.

ભારતીય ટીમનું આવુ હોઇ શકે છે બોલિંગ કોમ્બિનેશન

ભારતીય ટીમ ઓસ્ટ્રેલિયાની ઉછાળ ભરી પીચને જોતા ત્રણ ફાસ્ટ બોલર અને 2 સ્પિનર સાથે ઉતરી શકે છે. ભારતીય ટીમમાં જસપ્રિત બુમરાહ અને ઇશાંત શર્માનું સ્થાન પ્લેઇંગ ઇલેવનમાં નક્કી છે. બીજી તરફ ત્રીજા ફાસ્ટ બોલર તરીકે મોહમ્મદ શમી અને ભૂવનેશ્વર કુમાર વચ્ચે ટક્કર જોવા મળી શકે છે. મોહમ્મદ શમીએ પ્રેક્ટિસ મેચમાં 3 વિકેટ ઝડપી હતી. બીજી તરફ ભુવીનું સ્થાન જોખમમાં છે અને તે થોડો અનફિટ પણ છે જેને કારણે ભૂવનેશ્વર કુમારનું પ્રથમ ટેસ્ટમાં રમવુ મુશ્કેલ લાગી રહ્યું છે.

ભારતીય ટીમમાં સ્પિનર તરીકે આર.અશ્વિનનું સ્થાન પાક્કુ છે જ્યારે કુલદીપ યાદવ અને રવિન્દ્ર જાડેજા બન્નેમાંથી કોઇ એક બોલરને ટીમમાં સ્થાન મળી શકે છે.

પ્રથમ ટેસ્ટ માટે સંભવિત ભારતીય ટીમ: મુરલી વિજય, લોકેશ રાહુલ, ચેતેશ્વર પૂજારા, વિરાટ કોહલી (કેપ્ટન), અજિંક્ય રહાણે (વાઇસ કેપ્ટન), રિષભ પંત, આર.અશ્વિન, રવિન્દ્ર જાડેજા/ કુલદીપ યાદવ, મોહમ્મદ શમી, જસપ્રિત બુમરાહ, ઇશાંત શર્મા

પ્રથમ ટેસ્ટ પહેલા ઓસ્ટ્રેલિયાના વાઇસ કેપ્ટનની માઇન્ડગેમ, કોહલીને કાબુમાં કરી લીધો તો ભારત નહી જીતી શકે

X
India Vs Australia Probable Playing XI For The First Test Match Against Australia
COMMENT

Next Stories

    ની  સંપૂર્ણ વાંચનસામગ્રી