Home » Sports » Cricket » Latest News » India vs England 2nd test in Lords Second day

IND VS ENG 2nd Test: ભારતીય ટીમની ખરાબ શરૂઆત, 107 રન પર ઓલઆઉટ

Divyabhaskar.com | Updated - Aug 11, 2018, 12:58 AM

ભારત-ઈંગ્લેન્ડ વચ્ચે આજથી લોર્ડસના ઐતિહાસિક ગ્રાઉન્ડમાં બીજી ટેસ્ટ

  • India vs England 2nd test in Lords Second day
    +2બીજી સ્લાઈડ્સ જુઓ

    લોર્ડસઃ ઈંગ્લેન્ડ સામે પાંચ ટેસ્ટ મેચની શ્રેણીની પ્રથમ મેચ હારી ચૂકેલી ટીમ ઈન્ડિયાની બીજી ટેસ્ટમાં પણ શરૂઆત સારી રહી નથી. મેચના બીજા દિવસે ટોસ હારીને બેટિંગ કરી રહેલી ભારતીય ટીમે ટી બ્રેક બાદ શરૂ થયેલી મેચમાં 62 રનમાં 5 વિકેટ ગુમાવી દીધી છે. ફાસ્ટ બોલર જેમ્સ એન્ડરસનમુરલી વિજય અને લોકેશ રાહુલને આઉટ કર્યા તો ચેતેશ્વર પુજારા કારકિર્દીમાં સાતમી વખત રનઆઉટ થયો છે. આકાશમાં વાદળો છવાયેલા જોઈને ઈંગ્લેન્ડના કેપ્ટન જો રૂટે ટોસ જીતીને પ્રથમ ફિલ્ડિંગ કરવાનો નિર્ણય લીધો હતો. જેમ્સ એન્ડરસને મેચની પ્રથમ ઓવરના પાંચમા બોલે જ ઓનપર વિજય મુરલીને શૂન્ય રને આઉટ કરી દીધો.


    રાહુલ 8 રન બનાવીને આઉટ થયો. વરસાદના કારણે વિઘ્ન બાદ રમત શરૂ થઈ તો ટીમ ઈન્ડિયાએ ચેતેશ્વર પુજારાની વિકેટ ગુમાવી. પુજારાએ પોઈન્ટ તરફ ડિફેન્સિવ શોટ રમ્યો, વિરાટે સિંગલ માટે કોલ આપ્યો. બંને બેટ્સમેન દોડ્યા. અડધી પીચ પર આવીને વિરાટે પુજારાને પાછો જવા જણાવ્યું, પરંતુ ત્યાં સુધી મોડુ થઈ ચુક્યું હતું. ટી પછી શરૂ થયેલી મેચમાં કોહલી પણ 23 રને આઉટ થઇ ગયો હતો.

    બંને ટીમના પ્લેઈંગ-11માં બે-બે ફેરફાર કરાયા


    કેપ્ટન વિરાટ કોહલીએ ટીમમાં બે ફેરફાર કર્યા છે. તેણે આ ટેસ્ટ મેચ માટે ઓપનર શિખર ધવનને બેસાડીને ચેતેશ્વર પુજારા અને ફાસ્ટ બોલર ઉમેશ યાદવના સ્થાને કુલદીપ યાદવને લીધો. લોકેશ રાહુલ ઓપનિંગ માટે રાખ્યો હતો. ઈંગ્લેન્ડની ટીમમાં પણ બે ફેરફાર થયા. ડેવિડ મલાનને સ્થાને ઓલી પોપ આવ્યો. પોપની કારકિર્દીની આ પ્રથમ ટેસ્ટ છે. બેન સ્ટોક્સને સ્થાને ક્રિસ વોક્સને લીધો છે.

    10મી વખત રનઆઉટમાં સામેલ થયો પૂજારા


    ચેતેશ્વર પૂજારા પોતાની ટેસ્ટ કારકિર્દીમાં 10 વખત રનઆઉટમાં સામેલ રહ્યો છે. જેમાં 7 વખત તે જાતે રનઆઉટ થયો છે. એટલે કે પૂજારા 70% વખત જાતે આઉટ થયો છે. આ બાબતે માત્ર ત્રણ બેટ્સમેન તેનાથી આગળ છે. રણતુંગા 72.73%, રિકી પોન્ટિંગ 75% (20માં 15 વખત) અને થિલન સમરવિરા 78.57% (14માં 11 વખત) છે.

    સ્કોર બોર્ડ (બીજી ટેસ્ટ)

    ભારત રન બોલ 4 6
    વિજય બો. એન્ડરસન 0 5 0 0
    રાહુલ કો.બેરસ્ટો બો.એન્ડરસન 8 14 2 0
    પુજારા રન આઉટ 1 25 0 0
    કોહલી કો. બટલર બો.વોક્સ 23 57 2 0
    રહાણે રમતમાં 17 36 2 0
    હાર્દિક કો.બટલર બો.વોક્સ 11 10 2 0
    કાર્તિક બો.સેમ કરેન 1 3 0 0
    અશ્વિન રમતમાં 3 2 0 0

    એકસ્ટ્રા : 5. કુલ : (24 ઓવરમાં, 5 વિકેટે) 62. વિકેટ : 1-0, 2-10, 3-15, 4-49, 5-61, 6-62.
    બોલિંગ : એન્ડરસન : 10-4-18-2, બ્રોડ : 8-2-18-0, ક્રિસ વોક્સ : 4-2-9-2, સેમ કરેન : 2-0-12-0.

    પહેલાં દિવસે નડ્યું હતું વરસાદનું વિઘ્ન

    - ગુરૂવારથી બીજી ટેસ્ટ મેચ શરૂ થાય તે પહેલાં વરસાદ પડ્યો હતો. પરિણામે એક પણ બોલ પડ્યો ન હતો.
    - લંડનમાં વરસાદને કારણે પહેલાં દિવસે ટોસ પણ થયો ન હતો. જે બાદ મેચ અધિકારીઓએ નિર્ધારીત સમયથી અડધા કલાક પહેલાં લંચ બ્રેક લેવાનો નિર્ણય કર્યો હતો.
    - જો કે લંચ બાદ પણ સતત વરસાદ પડતાં ખેલ શરૂ થઈ શકી ન હતી.
    - ચાના બ્રેક સમયે હવામાન થોડું સાફ થયું હતુ અને વરસાદ પણ ઓછો થયો હતો. અંપાયરોએ આ દરમિયાન બહાર આવી મેદાનના કર્મચારીઓ સાથે વાત કરી હતી. સાથે જ અંપાયરોએ પણ નિરીક્ષણ કર્યું હતું.
    - અંતે નિરીક્ષણ દરમિયાન પણ વાદળો હોવાને કારણે તેમજ ઓછા પ્રકાશને કારણે પ્રથમ દિવસનો એક પણ બોલ નાંખ્યા વગર જ ખતમ કરાયો હતો.

    પહેલી ટેસ્ટ માત્ર 31 રને હાર્યા હતા


    - પહેલી ટેસ્ટ હાર્યા બાદ ટીમ ઈન્ડિયાના પ્રયાસ પોતાના બેટ્સમેનના સારા પર્ફોમન્સના આધારે જીત મેળવવાની રહેશે. દુનિયાની નંબર વન ટીમ પહેલી ટેસ્ટમાં જીતની નજીક પહોંચી હતી પરંતુ બેટ્સમેન ક્રિઝ પર ન ટકતાં 31 રનથી હારનો સામનો કરવો પડ્યો હતો. ઓછા અંતરે જીત મેળવ્યાં બાદ ઈંગ્લેન્ડની ટીમ ઈન્ડિયાને ઓછી નથી આંકી રહ્યાં.

    ટીમ


    ભારતઃ

    વિરાટ કોહલી (કેપ્ટન), મુરલી વિજય, કેએલ રાહુલ, ચેતેશ્વર પુજારા, અજિંક્ય રહાણે, દિનેશ કાર્તિક, હાર્દિક પંડ્યા, આર અશ્વિન, રવિન્દ્ર જાડેજા, કુલદીપ યાદવ, ઈશાંત શર્મા, મોહમ્મદ શમી

    ઈંગ્લેન્ડઃ

    જો રૂટ (કેપ્ટન), એલિસ્ટર કુક, કીટોન જેનિંગ્સ, જોની બેયરસ્ટા, જોસ બટલર, ઓલિવર પોપ, આદિલ રશીદ, સેમ કુરેન, જેમ્સ એન્ડરસન, સ્ટુઅર્ટ બ્રાડ, ક્રિસ વોક્સ

  • India vs England 2nd test in Lords Second day
    +1બીજી સ્લાઈડ્સ જુઓ
  • India vs England 2nd test in Lords Second day
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Sports

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ