તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

પાટડીના રણની જમીનમાં સિંદુરી દાડમની વાવણી, પ્રગતિશીલ ખેડૂતનું સાહસ

5 વર્ષ પહેલા
  • કૉપી લિંક
પાટડીઃ પાટડી તાલુકાના સાવડા ગામના સાહસિક ખેડૂતે રણની બંજર જમીનનાં 13 વીઘામાં 2600 સિંદુરી દાડમનું વાવેતર કર્યુ છે. આ વાવેતરમાં પ્રતિકૂળ વાતાવરણમાં પણ આ પ્રગતિશીલ ખેડૂતે સફળતા મેળવી તાલુકાના અન્ય ખેડૂતોને અનોખી રાહ ચિંધવાનું કામ કર્યુ છે.
પ્રતિકૂળ વાતાવરણમાં પૂરતી કાળજીથી તેનું આયુષ્ય 15 વર્ષ નિભાવી શકાય

પાટડી તાલુકાના સાવડા ગામના ખેડૂત કનુભાઇ ભગવાનભાઈ રાઠોડે રણની બંજર જમીનમાં પ્રતિકૂળ વાતાવરણ વચ્ચે પોતાના ખેતરમાં સિંદુરી દાડમનું વાવેતર કરવાનો નિર્ણય લીધો હતો. અને પોતાના ખેતરમાં 13 વીઘા જમીનમાં સિંદુરી દાડમનાં 2600 છોડોનું સફળતાપૂર્વક વાવેતર કર્યુ હતું. જેમાં સૌપ્રથમ 10-10 ફૂટના અંતરે અઢી બાય અઢી ફૂટનો ખાડો કર્યો હતો. એમાં છાણીયુ ખાતર, માટી, દિવેલીનો ખોળ અને લિંબોડીનો ખોળ નાંખી સિંદુરી દાડમનાં વાવેતરમાં અમને 90 ટકા સફળતા મળી હતી.
સાવડાના ખેડૂતનું 13 વીઘામાં 2600 દાડમના છોડનું સફ‌ળ વાવેતર
આ પાક માટે સૂકુ વાતાવરણ જરૂરી છે. અને એ જંગલી જાત હોવાથી એને તાપ નડતો નથી. અને વધુમાં એના મૂળમાં ક્યાંય પાણી ભરયા નહીં એની ખાસ કાળજી રાખવી પડે છે. અને દાડમનાં વાવેતરમાં ખેડૂતે સતત ફોલોઅપ કરવુ પડે છે. વર્ષમાં ગમે ત્યારે એનો પાક લઇ શકાય છે. એનું આયુષ્ય 15 થી 20 વર્ષનું હોય છે.
અન્ય સમાચારો પણ છે...